Pilemon 1:1 - Nyindrou

¹ Pilemon, jo Pol, jo atorou la-ukei ramen dah ewek tam. Ou badeh, kawas taso mwasin ma to amekes gok randra le. Jo badeh, udu bolo asiu lulik kada-ah, tasah jo atiye sahou mwasin ta Krais Jises ili tiri mwan ma badih. Timoti badeh, i buku nadu tine to, iy udu hawek kada-ah ale,

Pilemon 1:1 Referans Kwoze

Epesus 3:1

Jo Pol, jo ta amekes lahou ta Krais Jises, eme ma jo udu bolo asiu lulik kada-ah. Tasah, jo badeh, atiye sahou i buku doh: Aha mwan ma badih badu leheleh, aha ale are bolo iri lau ta Kindrei.

Pilemon 1:9

Arile bwai, jo bwalek amekes i buku doh. Tasah, kandriyen ta tikisiy badeh, turuki talu ma la-uh. Eme ma jo asehek amunum le ewek tam. Jo Pol, jo kawas tam handru, ma jo badeh, udu ndra bolo asiu lulik kada-ah kahis, tasah katin ta jo atiye sahou mwasin ta Krais Jises.

Kolosi 1:1

Jo Pol, jo aposel ari ta Krais Jises. Na so-ok ta Kindrei, iy le amwenen atehei jo asahan buku ari aposel, ma jo edek ili kon rakon, rakon ta atiye sahou mwasin ta Jises Krais.

Pilipai 2:25

Arile, jo ndrabudon ndramwenen, ma jo winiyan babe-en bwai, ta jo kameh suni Ipaproditus ewek. Iy badeh, lau ta Kindrei badu hawe to, ma hawe iy badu hawek ta amekes lahou i buku none lau ta bahun ta beteleu ta Kindrei, ndramak ta atondrok. Iy ale mene i saluwe ado ta atiye sahou mene ado tiye iy eme ta aseben jo na len jo aseken seben.

1 Korin 3:9

Aru Apolos badeh, ta amekes gok hawe Kindrei, ya aha badeh a buku bilin ma asiu tan.

2 Timoti 1:8

Eme ma, bwilim sama ta atiye sahou mwasin ta Laban tataha. Jo kada-ah udu bolo asiu lulik, tasah jo atiye sahou mwasin ta Laban. Eme ma, bwilim sama jo. Ou andrei boto-on ta Kindrei, ma ou alokou ou ta bwese maha randrah le, buku jo bwese maha-an ta bolo gok tek ta atiye sahou mwasin.

1 Tesalonaika 3:2

Aha ndratanan, nadu tine taha Timoti, iy ta amekes lahou ta Kindrei ta atiye sahou mwasin ta Krais. Aru ma la-uh suni Timoti ta ewek, ta atadau ma aseben budon taha kabadok.

Kolosi 4:11

Ma Jises nane iri aloh Jastus ale edeu bada-an tan mwasin ewek taha. Oro lau ma taloh le doh badeh, badu Juwis, oro amekes gok hawek ta bolo tondrok ta Kindrei, ma oro aseben jo udu mwasin labai.

Pilipai 4:3

Ehe, ou en, Sisikos, tasah nyaram badeh, moson ndramak ta lahou badu hawek. Jo aseken ou ala aseben budon turu badih ma la-uh badeh, ma ou tiye turu sasobobo uru. Tasah, uru mene are hawek aseben jo ta atiye sahou mwasin. Uru ma la-uh doh mene hawe Klemen ma oro lau rayah aseben jo ta amekes lahou; oro doh mene Kindrei ndratorowenei nyara oro mari ndra bolo buk tan hawe nyara iri lau kameh koha iri udu le buku doh.

Epesus 4:1

Jo Pol, jo udu bolo asiu lulik, ta amekes gok ta Laban dah. Eme ma, jo batanau aha boto-on. Bwena mene, iri atiye sahou mwasin ewek taha, ma aha atehei budon handru in ta Jises. Eme ma, aha ka-en hamon ta kandriyen amwenen ta kohan handru.

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

Pilemon 1:24

Ma hawe oro lau ta amekes lahou hawek ale, buku Mak, Aristakus, Demas hawe Luk, oro badeh, anya bada-an toro mwasin ewek tam ale.

2 Tesalonaika 1:1

Jo Pol, jo atorou la-ukei dah. Sailas uru Timoti badeh, are hawek ale. Eme ma, aso ma taloh atehei la-ukei ramen dah ewek taha lau mwan ma badih ta Kindrei are bolo kon tinan Tesalonaika.

Epesus 6:20

Jo ndramak ta atiye sahou mwasin dah, ma ta idah le jo ili udu bolo asiu lulik. Kindrei atehei jo, ma jo amekes gok ta atiye sahou tan. Eme ma, aha kasolom kili ta Kindrei, ta jo kameh winiyan banoh ta atiye sahou mwasin dah bwe.

Aposel 16:1

Eme Pol edek ili isos Debi ano iy ili Listra. Eme udu kon doh badeh, ndramak ari ta budon handru manyah udu aliy nyaran Timoti. Tinen badu Juwis ma budon tan handru ndra ta Jises, arile taman badu Grik.

Galesiya 3:26

Aha mari atehei budon taha handru in ta Krais Jises. Ya, na kandriyen doh, aha asahan nadu Kindrei, ma aha ahas hawe Krais.

Pilipai 1:1

Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

Pilemon 1:23

Ya, Epapras badeh, udu bolo kou hawek kada-ah ale. Iy anya, bada-an tan mwasin ewek tam. Ya, aru ma la-uh ado bolo asiu lulik kada-ah badeh, ta atiye sahou mwasin ta Krais Jises.