Metiu 9:29 - Nyindrou

²⁹ Eme Jises atehei minen i mada uru, ma iy anya, “Ah atehei budon boto-on in tek, ma lakou mwasin nane ah aseken kasahan ta ah.”

Metiu 9:29 Referans Kwoze

Metiu 15:28

Jises anuhun sahou doh ma iy asumon i buku doh, “Badih, budon tam boto-on labai. Saba lakou ou aso-ok kameh asahan tam, iy winiyan asahan.” Kala le don nadun badih asahan amwenen ja.

Tarou ta Mak 10:52

Eme Jises tiye i tan, “Ou au ai, budon tam handru ndramesekei ou ndramwenen ja.” Eme ma nawin bwe madan amwenen ma iy anyolom ja ma iy in hamon ta Jises.

Metiu 9:22

Arile Jises tubuni iy, iy atou badih doh, ma iy anya, “Ou sabudon sandra-i, ndri-iy, naduk. Ou atehei budon tam handru in tek, ma mesekei ou asahan amwenen.” Eme na le liliy, sik tan ano, ma iy asahan amwenen.

Metiu 8:13

Ano Jises tiye ili ta ndramak batun tinan tiri lau ta bahun, “Ou ala kon, saba lakou ou aseken, ndramesekei in hamon ta budon tam tinan handru.” Eme ya ndramak ta ndrahu so-ok tan ndramwenen ja na le liliy.

Metiu 20:34

Eme Jises tikisi uru, ma iy atehei minen i mada uru, ma nawin bwe mada uru amwenen, ma uru anyolom kon ja. Ma uru an hamon ta Jises.

Metiu 9:28

Jises ili bolo asiu ra-em, ma uru lau ma la-uh nane ame hawen. Ma iy ndremenyani uru, “Ah atehei budon boto-on handru ta jo winiyan mesekei ah amwenen deh bwe?” Ma uru anya, “Ehe, Laban, aru atehei budon taru handru.”