Metiu 9:22 - Nyindrou

²² Arile Jises tubuni iy, iy atou badih doh, ma iy anya, “Ou sabudon sandra-i, ndri-iy, naduk. Ou atehei budon tam handru in tek, ma mesekei ou asahan amwenen.” Eme na le liliy, sik tan ano, ma iy asahan amwenen.

Metiu 9:22 Referans Kwoze

Tarou ta Luk 7:50

Ano Jises tiye i ta badih dah ja, “Ou au ma ou sabwerei, tasah budon tam handru le, sebenei ou.”

Metiu 15:28

Jises anuhun sahou doh ma iy asumon i buku doh, “Badih, budon tam boto-on labai. Saba lakou ou aso-ok kameh asahan tam, iy winiyan asahan.” Kala le don nadun badih asahan amwenen ja.

Metiu 9:2

Eme ma, iri lau ra-on bwese-ei ndramak ari badan imek ta eme atou iy. Ndramak nane amadin bada nyahan tan. Jises atou buku none budon toro boto-on labai in tan, ma iy tiye i ta ndramak nane badan imek anya, “Ou abadok, naduk! Kandriyen ndra-in tam ndrasikinei ndra-au.”

Tarou ta Luk 18:42

Eme Jises tiye i tan anya, “Madam kasak, budon handru tam badeh, ndramesekei ou ndramwenen ja.”

Tarou ta Luk 17:19

Ano Jises tiye i tan, “Ou suri ou, ya ou au; budon tam handru le badeh, ndramesekei ou ndramwenen ja.”

Tarou ta Luk 8:48

Ano Jises tiye sahou i ta badih nane dah, “Nadu badih, ou atehei budon tam handru in tek, ma mesekei ou asahan amwenen. Ou au ma ndrinem kamunum.”

Tarou ta Mak 10:52

Eme Jises tiye i tan, “Ou au ai, budon tam handru ndramesekei ou ndramwenen ja.” Eme ma nawin bwe madan amwenen ma iy anyolom ja ma iy in hamon ta Jises.

Tarou ta Mak 5:34

Eme Jises tiye i tan anya, “Nadu badih den, ou atehei budon tam handru in tek, ma mesekei ou asahan amwenen. Ou au ma ndrinem kamunum, tasah sik tam ndra-au ma ndrano mara-ei.”

Metiu 9:29

Eme Jises atehei minen i mada uru, ma iy anya, “Ah atehei budon boto-on in tek, ma lakou mwasin nane ah aseken kasahan ta ah.”

Aposel 16:18

Eme iy amekes lahou tan doh badeh, len solo-an labai. Ya eme Pol eme ndrinen isi ta aliy, eme iy tubuni iy ma tiye sahou i ta malawin ndra-in anya, “I san ta boto-on ta nyara Jises, jo tiye ou ame len ta la-u badih badeh!” Eme na le liliy, malawin ndra-in udu bwele-en eme len.

Tarou ta Jon 4:53

Taman ndratanan, mada an udu le alih na mene badeh, amwenen ta Jises asehek sahou i tan, “Nadum winiyan bamak bwe.” Iy eme atehei budon tan ili ta Jises. Eme ma lau marakon nane ado hawen badeh, atehei budon tiri i ta Jises ale.

Hiburu 4:2

Taha ndranuhun iri sahou mwasin, i buku le bwena mene iri Isra-el anuhun. Iri anuhun, arile baseben iri bwe, tasah iri batehei budon tiri mara-ei bala ta sahou nane iri anuhun bwe.

Aposel 14:9

Eme iy atehei ndranyen i ta Pol asehek sahou. Eme Pol anyolom amwenen i tan badeh, iy anyolom budon tan handru udu aliy ta iy winiyan asahan amwenen ja.

Metiu 17:18

Eme Jises ibolosen i ta malawi balik nane, ma balik ruwani nah nane, ma nawin bwe, lolo-ou tan ano.

Metiu 8:13

Ano Jises tiye ili ta ndramak batun tinan tiri lau ta bahun, “Ou ala kon, saba lakou ou aseken, ndramesekei in hamon ta budon tam tinan handru.” Eme ya ndramak ta ndrahu so-ok tan ndramwenen ja na le liliy.