Metiu 9:13 - Nyindrou

¹³ Ado kala kabudon kati sahou sokek dah kamwenen, ‘Jo baso-ok salom laleyah aha amekes eme tek bwe, arile jo aso-ok handru aha kamekes kandriyen ta tikisiy ki ta ndramak ari ja.’ ” Hoseya 6:6 Eme Jises anya ja, “Jo eme dah ta aseben lau mwasin le, bwe. Jo eme dah badeh, ta aseben iri lau ta karei ma lomondra ndra-in udu tiri kasahan mwasin.”

Metiu 9:13 Referans Kwoze

Tarou ta Mak 2:17

Eme Jises anuhun oro, ma iy tiye toro i buku doh, “Iri lau ale babo sik bwe, iri winiyan baso-ok ndramak ta anyumor iri bwe. Arile iri lau tiri sik le badeh, aseken seben. Jo eme dah ta aseben lau mwasin le bwe. Jo eme dah badeh, ta aseben iri lau ta karei ma ta lomondra ndra-in udu tiri kasahan mwasin.”

Tarou ta Luk 19:10

Tasah, Nadu Ndramak Awas eme andri dah badeh, ta asilah ma ta aseben are oro taku ta kandriyen ndra-in.”

Tarou ta Luk 5:32

Jo eme dah ta aseben lau mwasin le, bwe. Jo eme dah badeh, ta aseben iri lau ta karei ma lomondra ndra-in udu tiri badeh, katubuni ndrine iri, ma iri kasahan mwasin.”

Metiu 12:7

Sahou ta Kindrei ereu bolo buk ndrabun anya, ‘Jo baso-ok salom laleyah aha amekes eme tek bwe, arile jo aso-ok handru aha kamekes kandriyen ta tikisiy ki ta ndramak ari ja.’ Hoseya 6:6 Buku none aha tana aha kati sahou ta Kindrei doh, sebwe aha winiyan babolosen, ma bamekes sahou ndra-in bala bada ari ndramak iy kandriyen ndra-in badan bwe. Arile bwe, aha tanan kati sahou dah handru bwe.

2 Pita 3:9

Eme ya Laban badeh, bamunum ta budon tan nane iy tandrakan ta amekes bwe. Bala buku none bale taha lau ala lomondra ta aliy anya amunum kede-eh bwe. Arile, iy badeh, udu le atondrok taha, tasah iy badeh, aseken taha mari katubuni ndrine taha ta kandriyen ndra-in, ya taha sala bolo jih.

Aposel 3:19

Ya eme aha badeh, katubuni ndrine aha ma aha ka-en hamon ta Kindrei. Ma idah kameh, lomondra ndra-in taha kameh Kindrei sikine iu. Ya len ta akohok manyah mwasin ta Laban kameh eme.

Aposel 11:18

Eme oro anuhun badeh, oro basehek iy ja bwe, ma boho oro andru-uk ma oro atudun Kindrei i buku doh, “Handru labai, Kindrei badeh, anya kaseben iri lau badu leheleh ale ta iri winiyan tubuni kona iri ili tiri kandriyen ndra-in, ma kakohok manyah mwasin ta Kindrei ta winiyan bano bwe.”

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Aposel 5:31

Kindrei eme tutuni iy ere loken udu loboho limen salin, ma iy asahan kabin ma ndramak ta seben. Ma iy badeh, leheya madasan ta ado winiyan tubuni ndrine ado, ma iy winiyan sikine karei ma lomondra ndra-in tiri Isra-el.

Tarou ta Luk 24:47

Ma sahou ta nyalan winiyan tubuni ndrine iri, ma winiyan sikine karei ma lomondra ndra-in tiri iu, na boto-on ta nyaran. Ya sahou doh badeh, kudu Jerusalem bwena, ano katiye kili bolo kon munyak tinan mari.

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”

Aposel 2:38

Eme Pita asumon boho oro i buku doh, “Ado mari badeh, katubuni ndrine ado ma kanyu na nyara Jises Krais, ya idah karei ma lomondra ndra-in tado kameh sikine iu. Ma idah kameh, ado akohok Malawin Ndrabun i nyara ndramas ewek tado.

Metiu 3:8

Ado kadeu nah ma ado kabatanau oro ta oro katubuni ndrine oro ta kandriyen ndra-in toro ki san ta tikisiy.

Aposel 20:21

Jo badeh, asehek i ndranye iri Juwis hawe iri lau badu Grik katubuni ndrine iri ta kandriyen ta karei ma lomondra ndra-in tiri, ya katehei budon tiri handru ki ta Laban tataha Jises.

Metiu 21:42

Eme Jises ndremenya oro i buku doh, “Sebwe ado banyolom sahou doh ereu bolo buk ndrabun ta Kindrei bwe nadeh, sahou i buku doh, ‘Bek ale iri lau ta atah asiu bwale iri, na dah, iy ndrasahan kati ndru ta ka-u asiu bek. Idah san ta Laban amekes, ma mwasin labai ta mada taha.’ Wari 118:22-23

Metiu 12:3

Jises asumon iri i buku doh, “Buku sah handru ya ado abolosen eme tek ma hawe oro lau tek? Sebwe ado babudon bamwenen ta kundruh ta lakou mene kabin Debit mesekei bwena bwe nadeh? Jo asehek ta lakou kala Debit hawe oro lau tan mene amak son.

Tarou ta Mak 12:26

Handru labai. Iri lau ndramak bwena, hamon kameh iri amak ja. Sebwe aha banyolom ta tarou ta Moses bwe nadeh? Idoh asehek ta nyala len mene Moses atou jih anya udu ta kei. Eme ma Kindrei tiye i ta Moses i buku doh, ‘Jo Kindrei ta Abraham, ta Aisik, ma ta Jekop.’ Eksodus 3:6

Tarou ta Jon 10:34

Jises eme tiye sahou ili tiri anya, “Ta kandriyen malen taha, sahou ta Kindrei randra asehek i buku doh, ‘Jo Kindrei, jo asehek, aha badeh, ndra kindrei.’ Wari 82:6

Metiu 19:4

Jises asumon boho oro i buku doh, “Sebwe ado batou tarou ta Kindrei ereu bolo buk ndrabun tan bwe nadeh? Bwena handru kala Kindrei mene ‘mesekei lakou mari, iy mesekei lau mwan ma badih.’ Jenesis 1:27

Metiu 12:5

Ya, sebwe aha banyolom sahou ereu bolo batanau malen bwe nadeh? Anya iri pris badeh kabo gok bolo asiu tinan ta Kindrei na len ta amunyau, idoh iri ba-en hamon ta sahou na len ta amunyau bwe, arile idoh kandriyen ndra-in bwe.

Tarou ta Luk 10:26

Eme Jises tiye i tan, “Torowenei udu bolo tarou malen mene, ou ndratou, tiye i buku sah handru?”

Tarou ta Mak 12:33

Ma ou aseken iy na ndrinem mari, ma na budon tam mari, ma na boto-on tam mari. Ma ou aseken iri lau ari ari badu hawem, i le buku ou aseken ou le, idoh mwasin handru, sakalawi kandriyen ta asun lakou i buku salom i ta Kindrei, ma lakou adai i buku salom i ta Kindrei.”

Tarou ta Luk 5:31

Ya eme Jises asumon i buku doh, “Iri lau ale babo sik bwe, iri winiyan baso-ok ndramak ta anyumor bwe. Arile, iri lau tiri sik le badeh, aseken seben.