Metiu 8:6 - Nyindrou

⁶ Ya iy ndramak batun tinan tiye i buku doh, “Laban, ndramak ta ndrahu so-ok tek ibo sik ndra-in labai udu kon, ma iy winiyan ta banyokolokon bwe. Iy akohok sisi-in tinan labai.”

Metiu 8:6 Referans Kwoze

Kolosi 4:1

Aha lau ta atondrok iri lau ta amekes gok taha, aha ale badeh, kamekes mwasin ma kandriyen amwenen kili tiri. Aha tanan, ndramak ta atondrok aha badeh, udu kandrah.

Metiu 4:24

Nyaran ma sihide lahou iy amekes aseker i bolo Siriya mara-ei, eme ya iri lau atiye iri lau sik udu tiri, ma iri lau sik tiri bwidi iri sisi-in labai, ya hawe iri lau balik lolowa iri ma bwidi iri lolo-ou, ma hawe iri lau kati iri ma mine iri winiyan ta bales bwe. Iri tiyani iri lau mari doh ame hawen, eme ma iy bwidi iri lau mari doh amwenen ja.

Kolosi 3:11

Eme ma, taha lau marakon ndrasahan ha-un, taha marakon badeh, ari le. Taha sabudon ja buku taha badu Grik, o, badu Juwis, ma taha mene asan ku-i taha, o, taha basan ku-i taha bwe. Ma taha badu boho kon randrah, randrah, o, badu bada kon tinan rakon, rakon, o, taha ado buku bonyo-ou le, o, taha are laleyah. Tasah, Krais le ari udu aliy, ma Krais le amwenen badeh, udu bolo taha marakon.

Aposel 9:33

Iy ili badeh, ndruni ndramak ari nyaran Aneyas, badan mari imek. Iy in le bada sau andrei jaha ma ndru la-uh.

Pilemon 1:16

Arile, nadah kameh iy winiyan bado hawem ma asahan buku bonyo-ou ja bwai. Iy badeh, ndrasakalawi kandriyen doh. Ya, jo abudon iy nadu tinek handru, jo ma hawe ndrinek aso-ok iy tinan labai. Ya, ou winiyan abudon iy i buku bonyo-ou tam ma nadu tinem i san ta Laban ale, ma ndrinem mara-ei kaso-ok iy labai, i buku le jo mene aso-ok iy handru.

1 Timoti 6:2

Ya iri lohowan rayah tiri lau ta Kindrei badeh, sakohok budon anya, “Mwasin ai, ndramak ta Kindrei badeh, nadu tine to labai.” Ndri-iy, ado sakohok iri budon doh; budon doh badeh, bamwenen bwe. Arile, oro lohowan kakohok doh: “Bwe, ndramak ta lau ta Kindrei ta to doh badeh, ndramak ta Kindrei labai, eme ma to kaseken iy. Ma hawe to kamekes lahou boto-on ja ta aseben iy.”

Aposel 10:7

Ano iy angelo nane asehek sahou i tan iu badeh, Koniliyus eme luhi uru lohowan tan ame ma hawe ndramak ari ta bahun. Iy ndramak ta bahun doh badeh, atehei budon tan handru in ta Kindrei. Ma iy badeh, ta lohowa Koniliyus na len mari.

Aposel 8:7

Ma hawe iri malawin ndra-in badeh, anyar ma ame len ta ndramak, ma hawe lau kati iri imek, ma bada iri imek badeh, mara-ei amwenen ja.

Metiu 9:2

Eme ma, iri lau ra-on bwese-ei ndramak ari badan imek ta eme atou iy. Ndramak nane amadin bada nyahan tan. Jises atou buku none budon toro boto-on labai in tan, ma iy tiye i ta ndramak nane badan imek anya, “Ou abadok, naduk! Kandriyen ndra-in tam ndrasikinei ndra-au.”

Metiu 8:7

Jises tiye i tan i buku doh, “Jo kameh ewek mesekei iy amwenen.”