Metiu 8:26 - Nyindrou

²⁶ Jises tiye i buku doh, “Ado budon tado nadu bwisik labai, i buku sah ado anoh tinan labai?” Ano iy suri iy eme loken, ma tiye sahou boto-on i ta siyer ma hawe bayau, eme ma siyer ma bayau amondrei i le rasan.

Metiu 8:26 Referans Kwoze

Metiu 6:30

Idah Kindrei edeu nyasou ma awin ili tiri bwidiu badu lokei, iri bwidiu ado na len dah, ano na len bi-i akeh iri au ala bolo jih ta asun iu. I buku sah, sebwe Kindrei winiyan badeu kolau ma awin bawek tado bwe nadeh? Budon tado handru tinan bwe?

La-ukei ta Pol atorou ili tiri lau badu kon Rom 4:20

Ma budon tan badeh, bala lundra bwe ta tandrakan ta Kindrei bwe. Arile, budon tan handru badeh, irih le gwek ma iy atudun Kindrei.

Metiu 16:8

Arile, Jises tanan ta sahou nane oro asehek, eme iy tiye i buku doh, “Ado lau budon tado tinan handru bwe. Buku sah handru ado asehek, anya ado jabi ramen bwe?

Rebelesen 10:2

Iy tawi buk ari nadu bwisik asak le udu minen. Ya, iy nyahani katin salin udu bwele-e ndras, ya katin kamweu badeh, udu bwele-e kon munyak.

Metiu 8:27

Eme ma oro lau tan mani oro atur, ma oro ndremenya oro, “Are ndramak i buku iy dah? Ya siyer ma bayau anuhun iy!”

Metiu 17:20

Eme iy tiye toro i buku doh, “Budon tado boto-on handru bwe, mesekei ado winiyan bwe. Jo asehek tado handru, buku budon tado kasahan ki buku badu buwa kei mastet, idoh ado winiyan tiye ta mandrei idoh, ‘Ou suri ou, ya ou ala kodo-oh;’ iy winiyan ili. Ya idah kameh ari lakou ja batawi ado ta amekes lahou bwe.”

Tarou ta Luk 4:35

Eme Jises tiye i ta malawi ndra-in anya, “Ou andru-uk ma ou ame len ta ndramak badeh!” Eme malawin ndra-in dah morahani ndramak dah i andri ndrokowa iri lau. Ma iri malawin ndra-in ame len ma au, udu mada iri lau mari nane dah. Iri bamesekei ari isi bala bada ndramak dah, bwe.