Metiu 8:20 - Nyindrou

²⁰ Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas, badeh, ari ndrahu matinou tek, bwe.”

Metiu 8:20 Referans Kwoze

Tarou ta Luk 2:7

Eme uru ala, iy atehei nadun udu bolo asiu tiri bulumakau. Iy mwan, su-i iy na kolau, ma nyahani iy udu bolo bwekei ta ndrahu nyamon tiri bulumakau, tasah oro badeh, ari asiu ta ala aliy bwe.

2 Korin 8:9

Aha ndratanan Laban tataha Jises Krais, iy tikisi taha marakon tinan labai. Ma iy tawi lakou solo-an. Arile, ta aseben taha, iy ruwani iri lakou mara-ei doh, ma iy asahan buku ndramak laleyah tan ari lakou bwe. Ma iy asahan buku nadu nyohan, ta aseben aha akohok lakou solo-an, Kindrei anya kedeu kewek taha.

Tarou ta Luk 2:16

Eme ya oro suri oro suwi suwi, ma oro ala takaleh, ma atou Mariya uru Josep, ma anyolom nah nane dah, amadin udu bolo bwekei ta ndrahu nyamon ta bulumakau.

Tarou ta Luk 2:12

Kalem ta aliy kameh ado atanan iy handru i buku doh: Idah kameh ado atou nah doh kameh su-i iy na kolau, ma nyahani iy, udu bolo bwekei ta ndrahu nyamon ta bulumakau.”

Tarou ta Luk 8:3

ya Jo-ana, udu ndramak ta atondrok asiu ta Herot nyaran Kusa; ya Susana hawe badih rayah ja. Oro badih doh badeh, adek hawe oro adeu lakou toro amwenen i ta sisih, akohok luk ta aseben oro.

Metiu 12:32

Ma are lau asehek sahou ndra-in i bada Nadu Ndramak Awas, Kindrei le kameh winiyan mani kandriyen ndra-in tan. Arile, are lau amekes sahou ndra-in i bada Malawin Ndrabun, Kindrei winiyan bamani kandriyen ndra-in tan doh na len dah, deh na len eme hamon, bwe-en.”

Metiu 19:28

Jises asehek i toro i buku doh, “Jo asehek handru ewek tado, na len lakou mari asahan ha-un, ya Nadu Ndramak Awas kameh akohok nyaran i tinan, ma iy kameh manyah udu koyeu ta kabin, koyeu doh tan amwenen. Na len doh ado lau ale an hamon tek, ado ale kameh manyah ado koyeu ma ronoh la-uh mwasin, ma ado kameh anuhun sahou toro boho kamen ma ronoh la-uh badu Isra-el.

Metiu 17:9

Eme oro are bwele-e mandrei ame andri, Jises batanau oro boto-on buku doh, “Saba lakou ado ndratou, ado sasehek ta ari ndramak ili winiya le Nadu Ndramak Awas amak ereu bolo lek eme loken ja.”

Metiu 16:27

Nadu Ndramak Awas kameh eme ma lomadan ta taman. Ya iy kameh eme hawe oro angelo tan. Na len doh kameh iy edeu ndramas i tiri lau mwan ma badih i le winiya le kandriyen iri amekes.

Metiu 16:13

Jises iu ili loboho kon tinan Sesariya Pilipai. Kala doh iy ndremenya oro lau tan i buku doh, “Iri lau anya Nadu Ndramak Awas, iy are lau handru?”

Metiu 12:40

Ehe, Jona badeh, in bolo ndrine ni tinan in gwek na taloh len ma taloh ben. Idoh ya jo Nadu Ndramak Awas ale kameh, jo kameh ereu bolo lek na taloh len ma taloh ben.

Metiu 12:8

Jo asehek tado, oro lau tek badeh, babwidi ari kandriyen ndra-in bwe, tasah jo Nadu Ndramak Awas, ya jo tama len ta amunyau.”

Metiu 13:37

Eme Jises anya, “Abo, ndramak nane ta atah wit in bolo bilin badeh, jo dah, jo Nadu Ndramak Awas.

Tarou ta Mak 8:38

Ou are lau bwilim ama jo ma ta sahou tek udu bolo lau rebesem dah ta maliye Kindrei ma lomondra ndra-in, Nadu Ndramak Awas kameh bwilin ama ou ale, i buku none len hamon kameh, iy eme ma hawe lomada taman hawe iri angelo, lau ndrabun badu loken.”

Tarou ta Luk 9:58

Eme Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas badeh, ari ndrahu matinou tek, bwe.”

Tarou ta Luk 12:8

“Ya, jo kasehek tado kamwenen, are lau ale asehek ili tiri lau mwan ma badih buku none iy badeh badu hawek, jo Nadu Ndramak Awas ale kameh asehek tiri angelo ta Kindrei buku iy ndramak doh badu hawek handru.

Tarou ta Luk 18:8

Jo katiye tado kamwenen, iy kameh anuhun sahou toro ma sebenei oro suwi labai! Arile, i buku none jo Nadu Ndramak Awas keme hamon keme kon munyak dah ja, jo kameh winiyan silahei iri mwan ma badih nane atehei budon tiri handru in tek, deh bwe?”

Tarou ta Luk 21:36

Arile, na len mari, mada ado kaleu hawe ado kasolom, eme ya ado winiyan ales boto-on ma ado winiyan teleyani lakou doh kameh asahan. Ma hawe ado winiyan ales are mada Nadu Ndramak Awas.”

Tarou ta Jon 1:51

Jises tiye i toro, “Jo tiye tado handru, ado kameh anyolom kandrah asak, ma iri angelo ta Kindrei kameh atah ala loken, ano atah ame andri bwele-e Nadu Ndramak Awas.”

Tarou ta Jon 3:13

Ya ari ndramak bala loken bolo kandrah bwe le. Jo Nadu Ndramak Awas le ari badeh, udu bolo kandrah eme andri.

Tarou ta Jon 3:14

Buku bwena mene Moses atehei mwak udu bada kei, iy eme tutuniy ili loken udu bolo kon lomale an, iri kameh tutuni Nadu Ndramak Awas ili loken i le buku aliy.

Tarou ta Jon 6:27

Aha sabo gok ta nyamon ale kameh andra-i, ano abola. Aha kabo gok ta nyamon udu luluwen ma udu mwasin, ma nyamon kameh edeu kohan handru ewek taha ma ta udu le buku doh. Nadu Ndramak Awas kameh edeu naha nyamon doh. Taman Kindrei suni nadun eme, ma iy atehei boto-on i tan ta atondrok iri lakou marakon.”

Tarou ta Jon 6:53

Jises asehek ili tiri i buku doh, “Handru labai, jo tiye taha. Aha badeh, kaimon oda Nadu Ndramak Awas ma aha ka-un ndrayen. Buku aha bamekes bwe, idah kameh kohan handru doh aha winiyan bakohok bwe.

Tarou ta Jon 6:62

Budon tado i buku sah handru, buku ado anyolom Nadu Ndramak Awas iu ili hamon ili kon mene iy udu aliy eme?

Tarou ta Jon 12:34

Iri lau marakon tiye, “Ahi ndranuhun udu ndra bada kandriyen malen ta Moses mene edeu, ‘Mesaya kameh winiyan bamak bwe, iy kameh udu le buku doh.’ I buku sah handru ou asehek anya, ‘Nadu Ndramak Awas kameh iri tutuni iy ili loken bada kei tondreh’? Nadu Ndramak Awas–Iy are lau handru?”

Tarou ta Jon 13:31

Iy ndra-au ndra manan ndra luluwen sese, Jises eme asehek, “Na idah kameh Nadu Ndramak Awas atudun nyaran, ma Kindrei kameh leheya lomadan i ta lohowan tan Jises.

Aposel 7:56

Eme iy anya, “Ado kanyolom! Jo anyolom bolo kandrah asak ma jo anyolom Nadu Ndramak Awas ales udu lim salin ta Kindrei.”