Metiu 8:14 - Nyindrou

¹⁴ Na len Jises edek eme ili asiu ta Pita, iy atou salahu Pita ibo sik. Badan nyarahan ma iy amadin in bada sau.

Metiu 8:14 Referans Kwoze

1 Korin 9:5

Sebwe aha anya, ndra-in ta ahi aposel asoh iri badih ta Kindrei, ma akohok iri ala hawe ahi, i buku oro aposel rayah, ma nadu tine Laban, ma Pita ale amekes nadeh?

Metiu 17:25

Eme Pita asumon anya, “Ehe.” Eme Pita iu ili bolo asiu, Pita basehek sahou bwe le, Jises eme ndremenyani iy, “Saimon ou abudon buku sah? Iri kabin badu kon munyak akohok luk ta takis ere mine are lau eme? Oro akohok ere mine oro lau toro amwenen, deh, oro akohok ereu mine ndramak ari ja?”

Hiburu 13:4

Tasou badeh, lakou ari mwasin handru. Eme ma kandriyen aha amekes ta tasou, badeh, kudu mwasin labai ta mada Kindrei. Kora-on aha amekes ndra-in ili ta budon ta Kindrei. Tasah, aha ndratanan, hamon kameh Kindrei edeu ndramas ndra-in ili tiri lau mwan ma badih amekes kandriyen ta karei, ma iri lau amekes laleyah ta bolo tasou tiri.

1 Timoti 4:3

Iri tiye iri lau satasou, ma saimon nyamon rayah ndri-iy. Arile, Kindrei mesekei iri nyamon doh badeh, ta aimon le, i buku none to lau ta budon handru amekes salom, ma adeu wurah ta aliy. Tasah, to badeh, ndratanan sahou handru.

1 Timoti 3:2

Ndramak ta atondrok lau ta Kindrei, iy badeh ki ndramak, ari ndra-in badan bwe, ya iy badeh, kasoh badih ari le, iy badeh, ki ndramak ta budon mwasin; ma iy badeh ki ndramak ta atondrok badan kudu mwasin. Ma iy badeh, ki ndramak nyaran mwasin handru, ma lau kamasiye iy, ma iy badeh, ki ndramak ta asumon lau mari kame asiu, ma hawe iy badeh, ki ndramak ta tanan ta leheya;

Metiu 8:20

Jises tiye i tan i buku doh, “Iri mwi badu lokei, munu iri udu aliy, ya iri sirih ale awi iri ta matinou udu aliy. Arile, jo Nadu Ndramak Awas, badeh, ari ndrahu matinou tek, bwe.”

Metiu 8:15

Jises eme tawi le minen ma badan nyarahan nane iu, ma badih doh suri iy le eme loke, ma iy amekes na Jises nyamon.