Metiu 7:6 - Nyindrou

⁶ “Ou sadeu nyamon ndrabun sala na mwi. Ya ou sakeh sa-un tam sala bwena ta bou. Buku ou akeh eh, idah kameh iri bou adek ala bwele-en ma tihisiy na kati iri, ano iri bou doh kameh tubuni iri ame hamon ja ani ou, ma sekese-ei ou ale bwisik.”

Metiu 7:6 Referans Kwoze

Pilipai 3:2

Arile, mada ado kaleu toro mwi ndra-in ado badeh. Oro mwi doh, oro ndramak ndra-in ta amekes kandriyen ndra-in. Oro ndramak doh an hamon ta kandriyen malen tiri Juwis ta asan ku-i iri mwan. Eme oro anya, i san doh kameh oro mwasin labai, ma oro anya, Kindrei kameh kasekesek oro.

Metiu 15:26

Eme Jises asumon iy i buku doh, “Bamwenen ta ari lakou bwe, i buku none iri andrei nyamon tiri nah ma iri akahei i na nadu mwi.”

Hiburu 10:29

Ya, taha winiyan atanan handru, are mwan o badih atehei konan i ta Nadu Kindrei, iy kameh akohok maha-an tinan labai. Tasah, ndraye sahou randra le ta Krais mene bwidi ndramak doh asahan ndrabun. Arile, iy ndramak nane doh ja amekes ndraye sahou randra le i buku ari lakou ndra-in laleyah. Ma iy ale amekes kandriyen ndra-in handru, ili ta Malawin Mwasin ta Kindrei, iy nane tikisi taha.

2 Pita 2:22

Eme, ya iri lau ta leheya kandriyen ta wasai doh badeh, i buku sahou sokek ma la-uh dah: “Taha badeh, tana taha, mwi amok, ano iy ili ini amok tan ja.” Tanan 26:11 “Ma taha tanan ale, i buku none bou ndranyuwi iy, arile iy kameh ili hamon ili ta bolo nyahun tan ja.”

Metiu 24:10

Na len doh kameh iri lau solo-an aruwe budon tiri udu tek iu, ma au ala hamon. Iri ari, ari kameh nyowonya ndramak ari ja ili tiri lau ndra-in, ma iri kameh bwale iri ndramak ari ja.

Hiburu 6:6

Buku oro taku, ma atehei kona oro ili ta Kindrei, ari madasan ta akohok oro ame hamon ame len ta iri kandriyen ndra-in ja bwe. Ta kandriyen toro le doh, oro tatahi Nadu Kindrei ja ili bada kei tondreh, ma oro abolei iy udu mada iri lau marakon.

2 Korin 11:26

San solo-an jo edek ili eme na le kati. Len rayah badeh, jo apou gwa, ma wadah teheyani jo ma jo amai. Len rayah ja, jo ndruni iri lalou, ma mirihik iri kadi jo kimek. Len rayah, iri Juwis, ahi boho kon ari le, iri badeh, anya kadai jo kimek ale. Len rayah iri lau badu kon rakon ja anya kadai jo kimek ale. Eme ma, jo anya kimek kudu kon tinan, ma jo anya kimek kudu kon lau aliy bwe. Len rayah jo anya kimek kudu bolo ndras. Len rayah jo anya kimek kudu mine iri lau iri anya iri lau ta Kindrei amwenen.

Metiu 7:5

Ou lau ta wasai, ma bwena ou andrei sobola kei udu bolo madam keme len op, ano ou kameh anyolom amwenen handru ta akohok mutahu kei udu mada nadu tinem ari ja eme len.

Rebelesen 22:15

Arile, iri lau ta amekes kandriyen ndra-in labai i buku iri mwi amekes, iri ta amekes balahak, iri ta amekes karei, iri ta adai lau amak, iri ta atehei bwili ndru-u iri i andri ili ta kindrei ta wendreya, ma iri mwan ma badih ale aso-ok kandriyen ta wasai, ma a-en hamon ta aliy; iri lau marakon doh kameh are ndra manan ta kon tinan nane, iri winiyan bala bolo kon tinan ta Kindrei doh bwe.