Metiu 7:3 - Nyindrou

³ “I buku sah handru, ou nyowonya mutahu kei udu mada nadu tinem ari ja, arile ou batona sobola kei ranah ma buruwen udu madam bwe nadeh?

Metiu 7:3 Referans Kwoze

Galesiya 6:1

Aha nadu tine mwan ma badih, ki buku none aha ari kamekes kandriyen ndra-in, aha are an hamon ta Malawin Ndrabun badeh, kaleheya iy kasahan ta budon mwasin i san ta manamun; arile, bale aha ale ki-in taha, kora-on aha kataku ja.

Tarou ta Luk 18:11

Eme iy Parasi dah, ales ere loken asolom i badan le, i buku doh, ‘Jo edeu wurah ewek tam Kindrei, ta jo badeh, bala buku none iri lau mari ta ndrakok, hawe bala buku none iri lau ta nyaladan, hawe lau ta amekes madasarah kede-eh, bwe. Ma hawe bala buku none ndramak ta akohok luk ta takis kede-eh, bwe.

Metiu 7:4

I buku sah handru, ou tiye ili ta nadu tinem ari ja i buku doh: ‘Jo kandrei mutahu kei ranah ma buruwen udu madam keme len,’ arile len mari ou batona sobola kei ranah ma buruwen udu bolo madam bwe?

Metiu 7:5

Ou lau ta wasai, ma bwena ou andrei sobola kei udu bolo madam keme len op, ano ou kameh anyolom amwenen handru ta akohok mutahu kei udu mada nadu tinem ari ja eme len.

La-ukei ta Pol atorou ili tiri lau badu kon Rom 2:1

Ou are lau anya ou mwasin, ya ndramak kodo-oh ndra-in; balem ki tam! Ou badeh, ari madasan ta atobwak bwe. Tasah, buku none ou anya ndramak kodo-oh ndra-in, arile kandriyen doh ou amekes, badeh ou le amekes Kindrei edeu maha-an ewek la-um.