Metiu 7:22 - Nyindrou

²² Ya len doh kameh asahan, lau solo-an kameh asehek eme tek i buku doh, ‘Laban, Laban, ta nyaram aso asehek sahou ta Kindrei buku propet, ya ta nyaram aso atikah balik udu bwele-e lau au a len, ya ta nyaram aso amekes lahou tinan solo-an.’

Metiu 7:22 Referans Kwoze

2 Timoti 1:12

Eme ma, jo bwese maha-an doh, ma jo eme udu bolo asiu lulik kada-ah. Arile, bwilik bama ta udu bolo asiu lulik ma bwese maha-an kada-ah, bwe. Tasah, jo ndratanan Krais Jises, ma jo atehei budon tek handru in tan. Ma jo tanan, iy winiyan tondrokei gok ta atiye sahou tan dah udu mwasin, iy ndratehei ndrame minek, ma gok doh kameh udu mwasin mara-ei ili winiyan le len iy eme hamon ja.

2 Timoti 4:8

Ya, ndramas ari udu aliy abe-en jo. Ndramas doh i buku barak ari ta kandriyen mwasin labai jo ndramekes ta bolo nyorei. Laban badeh, anuhun sahou ta lau amwenen labai, ma udu ta len ta sahou, iy kameh edeu barak doh eme tek, ma i tare lau ja nane atehei budon tiri in ta anyolom iy eme hamon ja.

Tarou ta Jon 11:51

Iy basehek sahou na budon tan amwenen bwe, iy asahan kabin tiri pris na jaha nane doh, iy eme amekes sahou i buku propet ta adi Jises kimek ta saluwe lau marakon badu Juwis;

1 Tesalonaika 5:4

Arile, aha nadu tine aso, aha sanoh. Aha bala buku iri lau ale batehei budon tiri handru bala ta Kindrei bwe. Iri badeh, a buku iri lau are bolo lulik, ma iri winiyan banyolom bamwenen ta lakou asahan suwi kede-eh, bwe.

Tarou ta Luk 10:12

Eme jo katiye tado kamwenen, na len Kindrei edeu lau ala ta mada sahou eme kameh, kon tinan dah kameh bwese maha-an laba tinan labai sakalawi maha-an asahan tiri lau ndra-in badu kon tinan Sodom mene ja!

Metiu 25:11

“Luwen bwe oro badih limeh nane ame hamon aloh anya, ‘Laban, Laban, ou sulu-i kou, aso anya kawek asiu.’

Metiu 24:36

“Ari ndramak bala tanan len, deh, mada an ta Laban eme hamon bwe. Iri angelo badu kandrah ale ma nadun ale tanan bwe, taman le ari tanan.

Metiu 7:21

“Ado sabudon sala buku doh, ‘Iri lau mari aloh Jises i Laban iri winiyan ala bolo tondrok ta Kindrei udu kandrah.’ Arile, oro le lau ala amekes lahou ta tama udu kandrah.

2 Timoti 1:18

Ou ale ndratanam mwasin labai ta iri seben Onesiporus mene anyohan jo, kala jo udu kon Epesus. Eme ma, jo aso-ok Kindrei katikisi iy ta len doh kameh, iy atehei iri mwan ma badih a ta mada sahou.

2 Tesalonaika 1:10

Iri mwan ma badih doh kameh, ano mara-ei udu bolo len ta Krais eme hamon eme munyak ja, ma iri lau marakon ta Kindrei kameh atudun nyaran ta lakou marakon iy amekes ili tiri. Ya, iri lau marakon mene atehei budon tiri handru ndrala tan, iri kameh sekesek. Aha kameh i buku aliy ale. Tasah, aso mene tiye sahou ta Kindrei udu ndrokowa aha amwenen, ma aha atehei budon taha handru in ta sahou doh.

Metiu 10:15

Jo asehek sahou handru ewek tado, na len Kindrei edeu lau ala ta mada sahou eme kameh, kon tinan dah kameh, bwese maha-an laba tinan tinan labai sakalawi ja maha-an mene asahan tiri lau ndra-in badu kon tinan Sodom ma Gomora.”