Metiu 7:21 - Nyindrou

²¹ “Ado sabudon sala buku doh, ‘Iri lau mari aloh Jises i Laban iri winiyan ala bolo tondrok ta Kindrei udu kandrah.’ Arile, oro le lau ala amekes lahou ta tama udu kandrah.

Metiu 7:21 Referans Kwoze

La-ukei ta Pol atorou ili tiri lau badu kon Rom 2:13

Tasah, are lau ndranyen anuhun le batanau malen kameh iy winiyan basahan mwasin ta mada Kindrei bwe. Arile, are lau le in hamon ta batanau malen, Kindrei kameh aloh iy mwasin labai ta madan.

Tarou ta Luk 6:46

“Ado aloh jo badeh, ‘Laban, Laban’ ta laleyah le, arile ado ba-en hamon ta sahou tek bwe.

Jemis 1:22

Jo asehek sahou boto-on ewek taha badeh, i buku doh: Kora-on aha anuhun sahou doh laleyah. Aha badeh, ka-en hamon ta aliy ale. Buku bwe eh, badeh, aha ndrawendreyani aha le ai.

Tarou ta Luk 11:28

Arile, Jises tiye ja i buku doh, “Sekesek badeh, ki toro are lau anuhun sahou ta Kindrei, ma an hamon ta aliy.”

Taitus 1:16

Oro anya oro tana oro Kindrei, arile kandriyen toro batiye bala buku aliy bwe. Tasah, kandriyen ndra-in toro, Kindrei sumukok, ma oro ta tebelese ma winiyan bamesekei ari kandriyen mwasin ja bwe.

Hiburu 4:6

Idoh ta leheya taha. Iri lau ma bwena mene anuhun sahou mwasin, arile iri bandrei amunyau doh bwe, tasah iri batehei budon tiri bala tan bwe. Arile, na dah, lau winiyan akohok amunyau doh kahis.

Tarou ta Jon 6:40

Budon ta tama badeh, iy aso-ok lau marakon kanyolom kili le ta nadun, ma iri katehei budon tiri kili le ta nadun. Idah kameh koha iri winiyan bano bwe, ta udu le buku doh. Jo eme kameh mete-ei iri lau amak, ame loken ja na len hamon.”

Rebelesen 3:5

Buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, jo kameh edeu awin belen ili tiri, ma jo kameh winiyan basokosowei nyara iri udu bolo buk tiri ta akohok kohan handru ta Kindrei ba-au bwe, arile jo kameh asehek nyala tama hawe oro angelo tan i buku doh: “Iri lau mwan ma badih dah badeh, iri lau tek handru ma iri a-en hamon ta sahou tek.”

1 Pita 4:2

Eme ma, na idah, ma i bwena, kala aha areu kon munyak dah kahis le, badeh, aha katehei budon ma bada aha mari kili bahandra tondrok ta Kindrei. Ya, aha sa-en hamon ta budon taha badu kon munyak ja ai.

Metiu 12:50

Tasah, are lau ale in hamon ta so-ok ta tama in kon tan udu kandrah, iri badeh, nadu tine mwan ma badih handru, ma tine handru.”

Rebelesen 22:14

“Iri mwan ma badih ale sikine awin tiri asahan belen mara-ei, badeh, nyosowan ta Kindrei udu la-u iri, ma iri winiyan sekesek handru, ma iri kameh winiyan aimon buwa kei, badu ta kei kohan handru udu aliy, ma iri ale winiyan adek ala madasan ta ili bolo kon tinan.

Tarou ta Jon 3:5

Jises asehek i tan ja, “Jo tiye tam handru, ndramak winiyan bala bolo tondrok ta Kindrei bwe, buku badeu iy na gwa ma na Malawin Ndrabun, bwe.

Metiu 18:3

Ano iy tiye i buku doh, “Jo tiye sahou handru ewek tado, buku none ado batubuni ndrine ado bwe, ma basahan buku none nah nadu bwisik dah bwe, ado winiyan bala bolo tondrok ta Kindrei bwe.

Tarou ta Jon 7:17

Buku are lau anya ki-in hamon ta lahou ta Kindrei iy winiyan i tanan sahou nane jo asehek, iy kameh i tanan sahou udu ta Kindrei eme, o, sahou jo asehek na le budon tek amwenen.

La-ukei ta Pol atorou ili tiri lau badu kon Rom 12:2

Ma aha sa-en hamon ja ta tekedek ndra-in tiri lau badu munyak dah amekes, ndri-iy. Arile aha kasokosowei budon ndra-in ki-iu na budon mwasin ta Kindrei. I buku none aha a-en hamon ta aliy, idah kameh, aha takalahei seken ta sasah Kindrei anya aha kamekes. Ma iy kameh sekesek, tasah, sasah iy tiye aha ta amekes badeh, ndra amwenen le.

Tarou ta Mak 3:35

Are lau in hamon ta so-ok ta Kindrei, iri badeh, nadu tine mwan ma badih handru, ma tine handru.”

1 Tesalonaika 5:18

Handru, aha kadeu wurah ki ta Kindrei ta lakou marakon asahan taha, tasah na Krais Jises le badeh, Kindrei aso-ok aha ka-en hamon ta kandriyen buku doh.

Epesus 6:6

Kora-on aha amekes gok mwasin udu bolo len, iri ales ta anyolom aha ta andrek iri. Ma hamon iri banyolom aha bwe, aha kameh ajos ta gok. Aha badeh, kasahan buku bonyo-ou ta Krais, ma kamekes gok boto-on na len marakon. Ta kandriyen doh, aha kameh a-en hamon ta so-ok ta Kindrei ta ndrine aha.

1 Pita 2:15

Ya, aha kamekes kandriyen buku doh, tasah Kindrei aso-ok aha kamekes kandriyen mwasin. Ma, na kandriyen mwasin taha nane, aha kameh leheya iri lau tana iri Kindrei bwe, ma ba-en hamon ta sahou tan bwe. Iri amekes wasai ma orou sahou laleyah ewek la-u aha. Iri kameh bwili iri ama, ma iri winiyan basehek sahou ja bwe.

Metiu 25:21

“Tinan tan anya, ‘Lohowan tek, ou ndramak mwasin, ou ndranyowo-ei lakou nadu bwisik, idah kameh jo mesekei ou atondrok lakou tinan; ou ala bolo kon tek ta sekesek.’

1 Tesalonaika 4:3

Handru, so-ok ta Kindrei i buku doh: Koha aha ma manyah taha mara-ei kasahan ndrabun. Aha kateleya aha kare ndra len ta kandriyen ta karei.

Kolosi 4:12

Epapras edeu bada-an ewek taha. Iy badeh, badu hawe aha amwenen, ma iy lau ta lahou ta Krais Jises. Len mari iy asolom boto-on labai, ma ndremenya Kindrei ta aseben aha kabadok ta iri kandriyen ta Kindrei, ma atanan handru ta iri lakou marakon Kindrei aso-ok.

Tarou ta Luk 13:25

Eme ya ki buku none, ndramak ta ali asiu udu bolo asiu, ya iy kasulu-i kou kili, ya ado badeh, kare manan, kaloh anya, ‘Laban, ou sulu-i kou, aso anya kawek asiu.’ Arile ndramak ta ali asiu kameh anya, ‘Ado badu heh badeh? Jo tanan ado bwe oh!’

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Tarou ta Luk 18:25

Handru labai, masakan boto-on boto-on labai ta ndramak tan lakou solo-an ta iy ili bolo tondrok ta Kindrei, arile manamun labai ja, ta kamel, i buku iy i bolo manamunu nunu.”

Tarou ta Mak 9:47

Ya, buku none madam aluwi ou ta amekes kandriyen ndra-in, sebwe mwasin ta ou holowaniy ma kakahei ki-iu! Mwasin ta madam ari le ka-iy, ya ou ala bahandra tondrok ta Kindrei, kora-on madam ma la-uh kudu aliy, ya iri kakahei ou ala bolo jih ta anya ereu le buku doh.

Metiu 19:24

Jo asehek tado ja, masakan boto-on boto-on labai ta ndramak tan lakou solo-an ta iy ili bolo tondrok ta Kindrei, arile manamun labai ja ta kamel i buku iy i bolo manamunu nunu.”

Metiu 18:35

“Idoh buku le tama udu kandrah, iy kameh amekes iri kandriyen doh ewek taha mari, buku aha bamani iri kandriyen ndra-in nadu tine aha ari ja amekes ewek taha bwe.”

Tarou ta Jon 15:23

Are lau bwalen jo, iy bwalen tama ale.

Metiu 26:42

San rasan ja Jises iu ili len ma iy asolom, “Tama, buku none maha-an dah winiyan ba-au bwe winiya le jo kanyuwiy, mwasin, tama jo in hamon ta budon tam.”

Metiu 16:17

Eme Jises asumon sahou tan i buku doh, “Saimon, ou nadu Jon, ou winiyan sekesek. Tasah, ari ndramak badu kon munyak baleheya ou ta sahou dah bwe. Idoh tama le udu kandrah, iy leheyani sahou dah ewek tam.

Rebelesen 2:27

I buku le buk ndrabun ndrasehek, “Iy kameh tawi balekei hayen ari udu minen ta atondrok iri mwan ma badih boto-on handru, ma tabasi marakon ili le bwisik, bwisik i buku ndramak tabasi kun iri amekes na ndren.” Wari 2:9 Jo amwenen kameh edeu gok doh i tiri. Idoh, i buku le gok mene tama edeu eme tek, ta atondrok iri mwan ma badih marakon.

Tarou ta Jon 14:7

Na idah ado ndratanan jo ndramwenen, ma idah kameh ado atanan tama udu mwasin labai. Ehe, na idah ili, aha kameh atanan iy udu mwasin labai, ma aha ndranyolom iy.”

Tarou ta Jon 5:17

Jises asehek ili toro i buku doh, “Tama badeh, iy ta amunyau bwe, iy ibo gok ili le ai. Jo ibo gok i buku le iy.”

Metiu 26:39

Eme Jises edek ili bwena sese, ma iy taku i le batalan. Eme ma iy asolom i buku doh, “Tama, buku none winiyan eh, ou kuhi maha-an ta tikisiy udu bwele-ek dah ki-iu, arile idoh budon tek le, ou amekes saba lakou ou tanam mwasin.”

Metiu 18:10

“Ado kabudon kamwenen. Kora-on ado anya ari ereu ndrokowa oro nah kede-eh lakou laleyah. Bwe handru. Jo asehek tado amwenen, ereu kandrah oro angelo toro badeh, len mari oro areu mada tama ereu kandrah.”

Metiu 18:19

Ya jo asehek ja ewek tado. Buku none ah la-uh lau badu kon munyak atehei budon ta ah i se ta ari lakou, ya ah asolom ta amekes, o, ta akohok lakou doh, mwasin tama udu kandrah winiyan atehei ewek ta-ah.

Metiu 25:10

“Eme oro badih ma limeh nane adek au ala hamon ala asih toro ndrelekei, oro adek ala anya kasih le badeh, ndramak ta tasou nane asahan, ya oro limeh nane ndralowosani oro ma oro abe-en iy, oro au ala bolo asiu hawen, ma oro aimon nyamon ta tasou nane, ma iri sulu-i kou ihis.