Metiu 7:14 - Nyindrou

¹⁴ Arile san ili ta kou bwisik ales ili kon ta manyah mwasin ma winiyan ta bano bwe. Ya idah kameh lau sola handru bwe adek ala san aliy.”

Metiu 7:14 Referans Kwoze

Metiu 22:14

“Ado kanuhun. Kindrei aloh taha mari. Arile iy ndralebelei ndramak ari, ari ta ili bolon.”

La-ukei ta Pol atorou ili tiri lau badu kon Rom 12:2

Ma aha sa-en hamon ja ta tekedek ndra-in tiri lau badu munyak dah amekes, ndri-iy. Arile aha kasokosowei budon ndra-in ki-iu na budon mwasin ta Kindrei. I buku none aha a-en hamon ta aliy, idah kameh, aha takalahei seken ta sasah Kindrei anya aha kamekes. Ma iy kameh sekesek, tasah, sasah iy tiye aha ta amekes badeh, ndra amwenen le.

Tarou ta Mak 8:34

Eme Jises luhi iri lau solo-an solo-an ma hawe oro lau tan, eme ma tiye i toro, “Buku none ari ndramak anya ki-in hamon tek, mwasin, iy kamani so-ok tan mari, ya iy kabwese kei tondreh tan, ya iy ki-in hamon tek.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Tarou ta Jon 16:33

Jo mene ndrasehek tado ta mondrei kudu hawe ado. Kati mondrei doh ta ado kahis hawek. Lau badu kon munyak kameh amekes iri maha-an ma tikisiy ewek tado. Arile ado kabadok! Tasah jo ndratisi boto-on ta kon munyak ndra-au ndrala bahandra katik.”

Metiu 20:16

Eme Jises anya, “Idoh i buku le iri lau ale an hamon handru, oro kameh ame bwena. Ya oro lau ale an bwena, oro kameh ame hamon ja.”

Tarou ta Luk 12:32

“Ado marakou sanoh! Tama ado Kindrei badeh, sekesek tado labai, eme ado kameh atondrok lakou hawen.

La-ukei ta Pol atorou ili tiri lau badu kon Rom 9:32

I buku sah handru iy winiyan baloh iri mwasin mara-ei ta madan bwe? Tasah, iri banone na budon handru bwe, iri abudon ma an hamon le ta lahou boto-on iri amekes. Iri bwale iri Krais, ma iri batehei budon tiri ba-en handru tan bwe. Ya eme Krais le asahan i buku “bek ta lau ato-ak bwele-en,” ya iri Isra-el badeh, ato-ak ta bwele-e bek le doh.

Tarou ta Jon 16:2

Iri kameh tikahei aha au ala manan ta asiu ta atukum tiri Juwis. Ano ma len asahan ta are lau iy idi aha amak, abudon anya, iri amekes gok doh ta atudun nyara Kindrei.

Metiu 7:13

Jises asehek ili le i buku doh, “Ado kala san ta loboho kou bwisik, tasah san ta kou ili bolo jih badeh, san tinan labai. Ya lau solo-an labai adek ala san aliy.

Metiu 7:15

Jises asehek ili le i buku doh, “Ado katondrok ado kamwenen handru tiri propet ta wasai. Iri ame hawe ado kameh bilibik ala buku none iri sipsip, ta bada oro le. Arile udu bolo ndrine oro badeh, oro ala buku none iri mwi ndra-in ta atoh.