Metiu 6:4 - Nyindrou

⁴ Eme ma, saba lakou ado adeu i tiri lau ndra-in, ado katone kamai labai. Ya tama ado udu kandrah ndratou ado adeu lakou i san kabwak, ma idah kameh iy edeu sihine ado.”

Metiu 6:4 Referans Kwoze

Metiu 6:18

Ya idah kameh iri lau winiyan baseleyani ado adeu ndrabun ili ta nyamon bwe, arile ili ta tama ado ala ado winiyan batou badan bwe, ya tama ado, iy ndratou saba lakou ado ndramesekei amunum le, ma iy kameh edeu sihine ado.”

Metiu 6:6

Arile, ado anya kasolom, ado kala bolo asiu tado, ya ado kasulu-i kou kili, ma ado kasolom kili ta tama ado, iri lau winiyan batou iy bwe. Ano ya, tama ado udu kandrah ndratou ado amekes lakou i san kabwak, ma idah kameh iy edeu sihine ado.

Tarou ta Luk 14:14

Ya idah kameh, ou akohok nyosowan ta aliy. Tasah, iri badeh, lakou bwe, eme ya iri badeu saluwen bwe, arile idah kameh, ou akohok bundruwe nyamon tam na len iri lau mwasin amak, ame loken.”

Tarou ta Luk 8:17

Eme ya lakou mari aton badeh kameh asahan eme lewan. Ma saba lakou tubuluhiy kameh asahan eme lewan ale.

La-ukei atorou Jut 1:24

Kindrei badeh, winiyan tondrokei aha ado mwasin, ma aha winiyan bataku ta kandriyen ndra-in bwe. Iy winiyan andrei aha ala bolo lomadan ma ado kon tan mwasin. Eme ma, iri lau kameh winiyan basehek kandriyen taha bwe, aha kameh are ta sekesek le ai.

Hiburu 4:13

Iri lakou marakon Kindrei mesekei, ari winiyan bamai ta madan bwe. Iri lakou marakon ere le lewan, ma udu kon lewan labai ta madan. Ma iy le ari kameh winiyan anyolom iri kandriyen taha amekes, ma taha kanyowonya marakon ki tan.

Metiu 10:42

Ya are lau atehei le ari bwiniu gwa i wa-i are lau laleyah badu hamon tek, mwasin, jo asehek handru ewek tado: Sihine i lau doh winiyan ba-au laleyah bwe.”

Rebelesen 2:23

Ma jo ale kameh idi nadu i badih nane mara-ei amak au. Eme ma iri mwan ma badih ta Kindrei kameh winiyan atanan buku, jo badeh, anyolom ma aleben amwenen labai iri lakou udu budon ma ndrine iri mwan ma badih mari. Ma jo kameh edeu ndramas ndra-in labai ewek taha ari ari, i bundruwe le iri kandriyen nane aha amekes.

1 Korin 4:5

Len ta sahou badeh, kahis, ya aha sasehek kandriyen tiri lau rayah ja, taha kado le katondrok len tan ta iy eme hamon ja. Iy kameh leheya iri lakou marakon aton udu bolo lulik, ma iri saba lakou udu bolo ndrine taha marakon. Ano Kindrei le ari barasehek iri kandriyen ta gok tataha ari, ari, mwasin ma ndra-in. Buku taha amekes mwasin, iy kameh tutuni nyara taha ta aliy.

Metiu 6:3

Arile ado anya kadeu lakou kili tiri lau ndra-in, ado kamekes kudu ndra kabwak, ta iri mwan ma badih sado mirihik, sanyolom aha amekes.