Metiu 6:34 - Nyindrou

³⁴ Ya ado sabudon ta len bi-i, tasah len bi-i badeh, tan lomondra ma lahou tan labai. Kora-on aha kandruni maha-an ta bi-i ja, iy kameh sakalawi lakou nane ou abudon boto-on labai ta aliy na len dah.”

Metiu 6:34 Referans Kwoze

Metiu 6:25

Jises asehek ili le i buku doh, “Idah jo katiye tado, ado sabwerei ta manyah tado, saba lakou kameh ado aimon, ma saba lakou kameh ado a-un, ma ta bada ado ale, saba lakou kameh ado kataliye. Sebwe koha ado sakalawi nyamon, ma bada ado sakalawi kalawi ado, neh?

Tarou ta Jon 14:27

“Mondrei jo ruwani ndrado hawe ado badeh, mondrei tek amwenen. Jo badeu bala buku kon munyak edeu bwe. Aha satikisiy, aha sabudon solo-an ma aha sanoh.

Tarou ta Jon 16:33

Jo mene ndrasehek tado ta mondrei kudu hawe ado. Kati mondrei doh ta ado kahis hawek. Lau badu kon munyak kameh amekes iri maha-an ma tikisiy ewek tado. Arile ado kabadok! Tasah jo ndratisi boto-on ta kon munyak ndra-au ndrala bahandra katik.”

Tarou ta Luk 11:3

Ou atehei nyamon ki le winiyan ta aso kaimon, na len ari ari.

Metiu 6:11

Ou anyohan aso na nyamon, winiyan ta len dah.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Metiu 6:27

Buku ado abwerei ta iri lakou doh, idah kameh winiyan edeu ari len ja ili hawe len ta manyah tado, ta ado luluwen deh? Bwe!

Tarou ta Luk 10:41

Ano Laban tiye, “Mata, ou tikisiy ma ou nunu-uh ta lakou solo-an labai.

Tarou ta Luk 12:11

“Ya, i buku none iri katehei ou ales are ta sahou, are bolo asiu ta atukum deh, iri katehei ou ales are mada iri lau ta atondrok kon, badeh, ou sabwerei ou, ta saba sahou kameh ou asehek ta aliy. Ado sabudon sandra-i, ndri-iy.

Tarou ta Luk 12:22

Ano Jises tiye i toro lau tan: “Ado sabwerei ta manyah tado, saba lakou kameh ado aimon, ma ta bada ado ale, saba lakou kameh ado kataliye.

Pilipai 4:6

I buku none ado bwese maha ta abudon solo-an, ado satikisiy ndri-iy. Arile, udu bolo maha mari badeh, ado kasolom ki ta Kindrei ya ado kasehek bolo maha tado ki tan hawe kadeu wurah ki tan ta aliy.

1 Pita 5:7

Kindrei badeh, abudon ma aso-ok aha, ma iy atondrok aha ale. Eme ma, aha katehei maha-an taha mari kili le minen, ya iy winiyan mesekei lakou mari asahan amwenen ja.