Metiu 6:27 - Nyindrou

²⁷ Buku ado abwerei ta iri lakou doh, idah kameh winiyan edeu ari len ja ili hawe len ta manyah tado, ta ado luluwen deh? Bwe!

Metiu 6:27 Referans Kwoze

Metiu 5:36

Ya ou satandrakan sala ta batum, ndri-iy, tasah ou winiyan bamesekei ramen lami batum asahan belen deh asahan bokodon bwe.

1 Korin 12:18

Arile, Kindrei ndratehei iri lakou marakon badu bada taha ili le se, in hamon ta tanan ma so-ok tan.

Metiu 6:25

Jises asehek ili le i buku doh, “Idah jo katiye tado, ado sabwerei ta manyah tado, saba lakou kameh ado aimon, ma saba lakou kameh ado a-un, ma ta bada ado ale, saba lakou kameh ado kataliye. Sebwe koha ado sakalawi nyamon, ma bada ado sakalawi kalawi ado, neh?

Metiu 6:28

“Tasah handru ado abudon andra-i ta kolau ma awin? Ado kanone kanyolom iri kanyeu ateh ado ndrahune iri se. Ya iri babo gok bwe, ma iri bamekes kalawi iri bwe.

Metiu 6:31

Ya ado sabudon sandra-i ma satiye sala buku doh, ‘Aso kaimon saba lakou bah? Aso ka-un sasah bah? Ya aso kadeu saba lakou bah?’

Metiu 6:34

Ya ado sabudon ta len bi-i, tasah len bi-i badeh, tan lomondra ma lahou tan labai. Kora-on aha kandruni maha-an ta bi-i ja, iy kameh sakalawi lakou nane ou abudon boto-on labai ta aliy na len dah.”

Tarou ta Luk 10:41

Ano Laban tiye, “Mata, ou tikisiy ma ou nunu-uh ta lakou solo-an labai.

Tarou ta Luk 12:11

“Ya, i buku none iri katehei ou ales are ta sahou, are bolo asiu ta atukum deh, iri katehei ou ales are mada iri lau ta atondrok kon, badeh, ou sabwerei ou, ta saba sahou kameh ou asehek ta aliy. Ado sabudon sandra-i, ndri-iy.

Tarou ta Luk 12:22

Ano Jises tiye i toro lau tan: “Ado sabwerei ta manyah tado, saba lakou kameh ado aimon, ma ta bada ado ale, saba lakou kameh ado kataliye.

Pilipai 4:6

I buku none ado bwese maha ta abudon solo-an, ado satikisiy ndri-iy. Arile, udu bolo maha mari badeh, ado kasolom ki ta Kindrei ya ado kasehek bolo maha tado ki tan hawe kadeu wurah ki tan ta aliy.

1 Pita 5:7

Kindrei badeh, abudon ma aso-ok aha, ma iy atondrok aha ale. Eme ma, aha katehei maha-an taha mari kili le minen, ya iy winiyan mesekei lakou mari asahan amwenen ja.