Metiu 6:25 - Nyindrou

²⁵ Jises asehek ili le i buku doh, “Idah jo katiye tado, ado sabwerei ta manyah tado, saba lakou kameh ado aimon, ma saba lakou kameh ado a-un, ma ta bada ado ale, saba lakou kameh ado kataliye. Sebwe koha ado sakalawi nyamon, ma bada ado sakalawi kalawi ado, neh?

Metiu 6:25 Referans Kwoze

Pilipai 4:6

I buku none ado bwese maha ta abudon solo-an, ado satikisiy ndri-iy. Arile, udu bolo maha mari badeh, ado kasolom ki ta Kindrei ya ado kasehek bolo maha tado ki tan hawe kadeu wurah ki tan ta aliy.

1 Pita 5:7

Kindrei badeh, abudon ma aso-ok aha, ma iy atondrok aha ale. Eme ma, aha katehei maha-an taha mari kili le minen, ya iy winiyan mesekei lakou mari asahan amwenen ja.

La-ukei ta Pol atorou ili tiri lau badu kon Rom 8:32

Kindrei batawi nadun amwenen ba-en gwek bwe, arile iy atehei nadun eme bwese isi ma imek ta akunoh taha mari. Handru, taha ndranyolom iy badeh, ndratehei nadun oh! Ya, idah kameh, aha abudon anya iy winiyan batehei lakou mwasin mari bame tataha bwe? Bwe, idah kameh, iy atehei laleyah i ta nadun ma i tataha ale.

Metiu 6:31

Ya ado sabudon sandra-i ma satiye sala buku doh, ‘Aso kaimon saba lakou bah? Aso ka-un sasah bah? Ya aso kadeu saba lakou bah?’

Tarou ta Mak 4:19

arile iri abudon boto-on labai ta lakou solo-an badu kon munyak. Ya iri abudon boto-on labai ta atukum iri luk, ma iri lakou ra-on ja. Ya idoh sokei sahou ta Kindrei, eme ma bwidi iri bato-ou sali iri bwe.

Metiu 10:19

Buku none iri atehei ado ala ta mada sahou, ado sabwerei, ta saba san ado kasehek sahou, ma ta saba sahou kameh ado kasehek. Ado sabudon sandra-i, ndri-iy. Na len doh amwenen kameh Kindrei leheya ado ta saba sahou kameh asahan boho ado ta ado asehek.

1 Korin 7:32

Jo aso-ok aha marakon satehei budon taha boto-on sala ta iri lakou solo-an. Are lau bala tasou bwe, iy badeh atehei budon tan solo-an labai ili ta kandriyen ma gok ta Laban, tasah ta amekes Laban kasekesek.

Metiu 6:34

Ya ado sabudon ta len bi-i, tasah len bi-i badeh, tan lomondra ma lahou tan labai. Kora-on aha kandruni maha-an ta bi-i ja, iy kameh sakalawi lakou nane ou abudon boto-on labai ta aliy na len dah.”

2 Timoti 2:4

Handru, ou asahan buku ndramak ta bahun. Ndramak ta bahun aso-ok tinan tan udu bwele-en kasekesek ta gok iy amekes, ya iy winiyan bateu gok rayah hawe gok tan ja bwe. Eme ma, ou a-en hamon le ta gok Kindrei ndratehei ndrawek tam, ma ou salelei sala le tiri lakou anya kariu ou.

Tarou ta Luk 8:14

Ya buwa wit taku udu bolo malou bobodon badeh, i buku none oro lau doh, anuhun sahou ta Kindrei, arile oro ado badeh, abudon boto-on ta lakou solo-an badu kon munyak. Ya oro abudon boto-on labai ta atukum iri luk, ma hawe bale oro asin ta kandriyen badu bada oro tinan labai. Eme ma, oro badeh, buni ta budon bwe.

Metiu 13:22

Ya iri buwa wit taku ereu ndrokowa iri malou bobodon, idoh leheya iri lau ale anuhun sahou ta Kindrei, arile iri abudon boto-on ta lakou badu kon munyak. Ya iri abudon boto-on labai ta atukum iri luk, ma iri lakou ra-on ja. Ya idoh sokei sahou ta Kindrei eme ma bwidi iri bato-ou sali iri bwe.

Tarou ta Luk 12:11

“Ya, i buku none iri katehei ou ales are ta sahou, are bolo asiu ta atukum deh, iri katehei ou ales are mada iri lau ta atondrok kon, badeh, ou sabwerei ou, ta saba sahou kameh ou asehek ta aliy. Ado sabudon sandra-i, ndri-iy.

Tarou ta Mak 13:11

Ya, i buku none iri atehei aha ka ta sahou, aha sabwerei ta saba sahou kameh aha kasehek. Arile, i buku none len ta aliy asahan, aha kameh asehek sahou Kindrei edeu ewek taha, tasah sahou aha asehek kameh sahou taha bwe, sahou ta Malawin Ndrabun labai.