Metiu 6:24 - Nyindrou

²⁴ Jises asehek ili le i buku doh, “Ari ndramak winiyan bateu lahou ta lau tinan la-uh bala le rasan bwe. Ya idah kameh iy i bwalen iy ari, ya iy aseken iy ari; deh bwe, kameh, iy anuhun sahou ta iy ari labai ja, ta iy ari. Ado winiyan balelei Kindrei ta atondrok ado, ma hawe aseken luk ta atondrok ado bala le rasan bwe.”

Metiu 6:24 Referans Kwoze

Tarou ta Luk 16:13

“Lohowan ari winiyan bateu lahou ta lau tinan la-uh bala le rasan bwe. Ya idah kameh iy bwalen iy ari, ya iy aseken iy ari; deh bwe, kameh iy anuhun sahou ta iy ari labai ja, ta iy ari. Ado winiyan balelei Kindrei ta atondrok ado, ma hawe aseken luk ta atondrok ado bala le rasan bwe.”

Jemis 4:4

Aha badeh, ndraruwani Kindrei, i buku le badih ndraruwani udun, ya iy ndrasahan badih ta madasarah. Buku ari mwan o badih, iy aso-ok kandriyen badu kon munyak labai, iy lau le doh kameh baseken Kindrei bwe. Sebwe, aha tana aha bwe nadeh? Jo katiye taha ja, buku none ari ndramak anya kasahan kawas ta kandriyen badu kon munyak, iy ndrasahan lau ta bahun i ta Kindrei.

Galesiya 1:10

Jo babudon solo-an ta budon tiri mwan ma badih bwe. Buku iri baso-ok jo bwe, jo ari sahou ta aliy bwe le. Jo ndramak ari ta atiye sahou handru, ma jo aso-ok Kindrei le amwenen kasekesek ta gok tek. Buku iri basekesek ta sahou nane jo asehek bwe, ndri-iy ai. Buku jo ndramak ari ta atamar le iri lau, jo winiyan basahan lohowan ta Krais bwe.

Metiu 4:10

Jises tiye i tan i buku doh, “Ou a len, Satan, tasah ndratorowenei ale, ‘Ou atudun le nyara Laban Kindrei tam, ma ou a-en hamon tan le ari kabwe.’ ” Dutoronomi 6:13

Tarou ta Luk 16:11

Ya, i buku none ou winiyan batondrokei lakou badu munyak bwe; idah kameh, ou winiyan baratondrokei lakou handru barala buku sah?

1 Timoti 6:17

Ou batanau oro lau ala lakou toro solo-an, ta oro satudun oro ma hawe oro satehei budon toro boto-on sa-en ta lakou solo-an toro, tasah lakou doh, winiyan bado luwen bwe. Arile, oro katehei budon toro kabadok ta Kindrei. Tasah, iy badeh, lakou tan solo-an labai, ya idah kameh iy edeu eme tato kasekesek ta aliy.

Tarou ta Luk 16:9

“Eme ya jo katiye tado kamwenen, ado badeh, katamar iri lau na lakou tado badu munyak. Ya, i buku none ano badeh, iri kameh aseken ado ala kon ta udu le buku doh.

2 Timoti 4:10

Demas badeh, atehei budon tan in tiri lakou mara-ei badu munyak, iy ndraruwani jo, ma iy ndra-au ndrala Tesalonaika. Ya Kresens badeh, ndra-au ndrala Galesiya. Ya Taitus ndrala Dalmesiya.

Jenesis 47:17

Eme badeh iri atiye katin haka tiri, iri katin haka aloh hos, iri sipsip, iri me, iri bulumakau hawe iri donki i mine Josep. Ano Josep edeu niri nyamon ili. Na jaha doh badeh Josep edeu nyamon i niri, tasah iri asih na katin haka tiri mari.