Metiu 6:23 - Nyindrou

²³ Arile, i buku none mada ado ndra-in, ya idah kameh bolo ado mara-ei idih na lulik. Ya, i buku none lomadan udu bolo ado i lulik, ya idah kameh lulik i tinan labai.”

Metiu 6:23 Referans Kwoze

1 Jon 2:11

Arile, are lau mwan o badih, buku iy baso-ok nadu tinen iri rayah ja bwe, iy badeh, edek ili eme udu ndra bolo lulik kahis; iy bala tanan, ta iy ilih heh bwe, tasah lulik badeh, ndrabwidi madan ndralik.

Metiu 6:22

Jises asehek ili le i buku doh, “Mada ado badeh, i buku lomada sun ta atelem bolo oda ado. Ya, i buku none mada ado udu mwasin, ya idah kameh bolo ado mara-ei idih na lomadan.

Epesus 4:18

Budon ma ndrine iri badeh, ari tanan ta lakou ta Kindrei badeh, bado se aliy bwai. Iri a buku iri lau adek na lulik, ma iri bateu sun ta lomada san tiri bwe. Ya, ari tanan mwasin bwai, ndrine iri ihis, ma iri baso-ok sahou ta Kindrei bwe. Eme ma, iri are len labai ta kohan mwasin, Kindrei edeu ili tiri lau.

1 Korin 2:14

Are lau, Malawin Ndrabun bado hawen bwe, iy kameh winiyan bakohok iri lakou ta Malawin Ndrabun bwe. Tasah, iy abudon anya, ndramas kede-eh lakou laleyah. Eme ma, iy bala tanan lakou doh bamwenen bwe, tasah Malawin Ndrabun bado hawen ta aseben iy bwe.

La-ukei ta Pol atorou ili tiri lau badu kon Rom 1:22

Eme iri anya iri lau ta budon, arile bwe, iri a lolo-ou le gwek.

Epesus 5:8

Tasah, bwena mene aha are ndra bolo kandriyen ta lulik. Arile, na dah, aha ndrasahan iri mwan ma badih ta Laban, ma aha ndrame ta lomada sun, ma iy sihi mada aha ndrasak ta atanan iri kandriyen ndra-in mene aha amekes. Eme ma, aha ka-en hamon ta kandriyen mwasin, buku iri mwan ma badih are ta lomada sun.

Tarou ta Luk 8:10

Eme iy anya, “Kindrei aseken ado lau tek katanan iri sahou mene aton ta nyala tondrok ta Kindrei. Arile, i tiri lau buku liliy badeh, jo asehek i san ta sahou sokek. Eme ya, ‘Iri kameh anyolom anyolom ja, arile iri winiyan baseleyani bwe; ya iri anuhun amwenen, arile batu iri winiyan baleu ta aliy bwe.’ ” Aisaya 6:9

Metiu 20:15

Idoh lakou tek amwenen. Sebwe jo winiyan ba-en hamon ta budon tek amwenen ta ondrek luk tek bwe nadeh, neh? Buku none jo anya kamekes kandriyen mwasin ki toro lau doh, buku sah handru ya ou abudon andra-i.’ ”

Tarou ta Mak 7:22

Ya i buku none kandriyen ta madalakis ta lakou ta ndramak, ya kandriyen ta ramwes, kandriyen ta wendreya l au, kandriyen ta aten lau, kandriyen ta atudun nyaram, ma hawe kandriyen ta nyaladan.

Tarou ta Luk 11:34

Mada ado badeh, i buku lomada sun ta atelem bolo oda ado. Ya, i buku none mada ado udu mwasin, badeh kameh bolo ado mara-ei idih na lomadan. Arile, i buku none mada ado ndra-in, idah kameh bolo ado kameh ilik.