Metiu 6:2 - Nyindrou

² “Ya, i buku ado kadeu lakou ili tiri lau ndra-in, ado soloh ndrah ta lau katanan ado, ndri-iy, sala buku iri lau ta wasai amekes udu bolo asiu ta atukum, ma udu bolo iri kon tinan ale, ta iri lau kamasiye ma katudun oro. Jo katiye handru, oro ndrakohok sihine oro ndrano kabwe.

Metiu 6:2 Referans Kwoze

Metiu 6:5

Jises asehek ili le i buku doh, “Na len ado anya kasolom, ado sasolom sala buku iri lau ta wasai, tasah iri lau ta wasai anya kasolom kameh, iri aseken ta ales ado loken ado bolo asiu ta salom, ma iri aseken ta amekes salom ado bolo bosoh tiri kon tinan ta lau katou iri. Ya jo katiye tado handru, oro ndrandrei sihine oro mara-ei ndrano kabwe.

Metiu 6:16

Jises asehek ili le i buku doh, “Ki buku none ado anya kabeles ado ta nyamon, ado samekes teheya mada ado sandra-i sala buku iri lau ta wasai amekes. Ya iri lau ta wasai leheya mada iri ma teheya iri ta lau katou iri, kabeles iri ta nyamon. Jo katiye tado handru, oro ndrandrei sihine oro mara-ei ndrano kabwe.

Tarou ta Jon 5:41

“Jo bwalek iri lau masiye jo.

Hiburu 13:16

Aha samaniy ta amekes iri kandriyen mwasin ili tiri lau mwan hawe iri badih. Buku iri rayah, tiri lakou bwe, aha kaseben iri. Kindrei aso-ok iri kandriyen doh, tasah kandriyen doh ale asahan salom mwasin labai ta madan.

Tarou ta Luk 20:46

“Mada ado kaleu toro lau ta leheya kandriyen tiri Juwis. Oro badeh, aseken adek ala ame na kolau moroyan lawe toro, eme oro anya lau mari kasumon oro na len ta baen. Ya oro anya kamanyah kareu le bwabwai mwasin badu ndrahu tukum tiri Juwis, ma ndrahu kon ta atudun ta nyamon tinan.

Tarou ta Jon 7:18

Are lau iy asehek sahou na le budon tan amwenen badeh, iy ta atudun le nyaran. Arile, are lau iy anya katudun nyara ndramak nane iy suni iy eme, iy ndramak doh asehek sahou handru. Iy ta wendreya bwe.

1 Pita 4:11

Buku none ari ndramak ndrakohok ndramas ta Kindrei ta tiye sahou i ta lau, iy badeh, kasehek sahou ki ta lau, bwilin sama ndri-iy, tasah iy badeh, asehek buku le boho Kindrei. Buku none ari ndramak ibo gok ta aseben ndramak ari ja, mwasin, iy kibo gok ma boto-on na boto-on ta Kindrei ndratehei ndra tan. Buku none aha amekes i buku doh, iri lau kameh anyolom iri kandriyen mwasin asahan, ma iri kameh adeu nyaran tinan i ta Kindrei ta lakou mari Krais ndramesekei. Ma iy kameh akohok nyaran tinan, ma iy kameh atondrok lakou mari ereu le buku doh. Handru.

Epesus 4:28

Ya, sahou randra ja udu aliy. Iri lau ta bahana, winiyan babahana ja bwe. Na dah, iri kamekes gok. Iri kamekes gok mwasin na le mine iri amwenen, ma tiri lakou kudu aliy, ta adeu kili tiri lau lakou bwe.

Galesiya 2:10

Sahou ari le oro tiye i buku doh, “Ado kabudon ta aseben iri lau tiri lakou bwe, are bolo aso dah.” Seben dah mene, jo aseken labai ta amekes ale.

Aposel 10:4

Eme Koniliyus anyolom ales i tan ma iy inoh, ma iy anya, “Laban tek, ou aso-ok sasah?” Eme angelo dah anya, “Kindrei ndrasumon salom tam ma iy ndranyolom sasah ou anyohan i tiri lau lakou bwe, ya balen bamani ou bwe.

1 Timoti 6:18

Ou batanau oro ta oro badeh, kadih na kandriyen mwasin hawe kandriyen ta anyohan lakou i tiri lau ari ari.

La-ukei ta Pol atorou ili tiri lau badu kon Rom 12:8

Ya, i buku none iy tan ta amekes budon tiri lau kabadok badeh, iy kamekes iri kabadok kudu mwasin. Ya, i buku none iy tan ta anyohan iri na lakou badeh, iy kanyohan na ndrinen handru ma solo-an. Ya, i buku none iy tan ta atondrok badeh, iy katondrok kudu mwasin labai. Ya, i buku none ndramas tan ta tikisiy ma aseben iri lau maha-an udu tiri badeh, iy kaseben iri ma sekesek.

Aposel 24:17

“Winiya jaha sabe kolek, jo ruwani kon tinan Jerusalem, jo iu ili bolo iri kon leheleh, ano jo eme hamon ja atiye luk i toro lau tek amwenen, toro lakou bwe, ma hawe iri lakou rayah ta asun i nyara salom ili ta Kindrei.

Aposel 10:31

ma tiye eme tek i buku doh, ‘Kindrei badeh, ndranuhun salom tam ma hawe kandriyen mwasin tam, ta ou adeu lakou laleyah i tiri lau lakou bwe.

Aposel 10:2

Koniliyus ma hawe lowan oro badu Juwis bwe, arile iy ma hawe oro mara-ei ado asiu tan badeh, atudun Kindrei le ai. Iy badeh, edeu lakou i tiri lau lakou bwe, ma amekes salom i ta Kindrei na bolo len mari.

Aposel 9:36

Ya udu kon Jopa badeh, badih ari nyaran Tabita (i boho Grik badeh, aloh iy Dokas). Iy badeh, badih ari ta in hamon ta Kindrei. Eme na len mari, iy amekes kandriyen mwasin i tiri lau, ma iy aseben iri lau, tiri lakou bwe.

Tarou ta Jon 13:29

Judas badeh, ta atondrok kohei ta luk, eme oro lau rayah anya Jises kede-eh tiye iy ta asih rayah nyamon ta len ndrabun aloh Pasoba nadeh, o, iy kili kedeu rayah lakou kili tiri lau, tiri lakou bwe nadeh.

Tarou ta Jon 5:44

Aha marakon kede-eh, aha winiyan batehei budon taha bame tek bwe. Winiyan bwe en! Tasah, aha abudon boto-on labai ta akohok ndramas tiri lau taha amwenen. Eme ma aha baso-ok ta akohok ndramas nane Kindrei le ari edeu, bwe.

Tarou ta Luk 6:42

I buku sah handru, ou tiye ili ta nadu tinem ari ja i buku doh, ‘Nadu tine, jo kandrei mutahu kei ranah buruwen udu madam keme len,’ arile len mari ou batona sobola kei ranah buruwen udu bolo madam bwe? Ou lau ta wasai, ma bwena ou andrei sobola kei udu bolo madam keme len op, ano ou kameh anyolom amwenen handru ta akohok mutahu kei udu mada nadu tinem ari ja eme len.

Tarou ta Mak 12:39

Ya iri anya kamanyah kareu le bwabwai mwasin badu tukum tiri Juwis, ma ndrahu kon ta atudun ta nyamon tinan.

Pilemon 1:7

Ya, nadu tine, ou badeh, aso-ok labai iri mwan ma badih ta Kindrei, ta kandriyen ou amekes doh badeh, bwidi ndrine iri abadok. Eme ma jo sekesek tinan labai tiri kandriyen ou amekes, ma bwidi ndrinek amunum, udu le udu.

1 Tesalonaika 2:6

Ma aso bamekes gok ta akohok nyara aso i tinan ta aha amwenen, o, ta lau rayah ja, bwe. Handru, aso badeh, aposel ta Krais. Eme ma buku aso aso-ok badeh, aso winiya ndremenya aha ta aseben.

Aposel 11:29

Eme oro lau ta a-en hamon ta Jises tiye anya, idah kameh, oro ari ari kameh abudon ta oro winiyan adeu lakou ili ta aseben nadu tine oro rayah nane ado Judiya. Oro lau lakou toro solo-an badeh, adeu lakou solo-an ta aseben.

Tarou ta Luk 13:15

Eme Laban tiye i tan anya, “Ado ta wasai! Sebwe ado kede-eh batalou iri oks hawe donki na len ta amunyau, ma basariye iri bala ba-un gwa bwe nadeh?

Tarou ta Luk 12:56

Bale ado bwe! Ado atou kalem ere bolo kandrah ma munyak, ma tiye amwenen. Arile, buku sah ja ado winiyan batou ma baleheya bamwenen iri kalem ta len dah bwe?

Tarou ta Luk 12:33

Eme lakou tado mari badeh, kasihinei ki-iu ta luk ya luk ta aliy badeh, ado kadeu ki tiri lau lakou bwe. Ado badeh, katakaleh tado kohei kohoya luk udu kandrah; lakou winiyan ta apus bwe, hawe winiyan ta amu-uk bwe, ma hawe iri lau ta bahana winiyan babene-ei bwe.

Tarou ta Luk 11:43

“Ya ado Parasi, mada ado kaleu! Sisi-in laba tinan ale kameh ewek bwele-e ado! Tasah, ado badeh, aseken le ta manyah ado bada bwabwai mwasin udu ndrahu tukum taha Juwis. Ma hawe ado badeh, aseken lau le badeh, kasumon ado hawe kamasiye ado an bolo ba-en.

Tarou ta Luk 11:41

Abo, i buku none ado anya kamekes kandriyen mwasin udu bolon ma konan badeh, ado kanyohan lakou udu bolo bwekei ki tiri lau tiri lakou bwe. Ma idoh kameh ado asahan mwasin.

Tarou ta Luk 6:24

“Arile, ado lau tado lakou solo-an mada ado kaleu! Sisi-in tinan labai kameh ewek bwele-e ado, tasah len ta sekesek mari tado mene ndrano!

Tarou ta Mak 7:6

Eme Jises tiye i tiri, “Amwenen handru i buku none propet Aisaya ndratiye nyala aha! Aha asehek na boho aha le, i buku none iy ndratorowenei, ‘Iri lau mwan ma badih dah bwese nyarak eme loken na boho iri le, arile ndrine iri ereu len labai.

Metiu 24:51

Tinan tan kameh sani iy i lunah, ma mesekei iy akohok maha-an buku le iri lau kalime iri la-uh. Iy kameh anyar, ma asenyer lihin.

Metiu 23:6

Iri anya kamanyah kareu le ndrahu kon ta atudun ta nyamon tinan, ma bwabwai mwasin badu ndrahu tukum tiri Juwis.

Metiu 22:18

Arile Jises ndratanan budon toro ndra-in. Eme ya, iy asehek i buku doh, “Ado lau ta wasai, buku sah handru ado anya kanone jo?

Metiu 16:3

Na mandraben ado anya, ‘Asi kandrah ndra bokodon ma mada kon ndra saram. Sebwe na idah kameh jor atohou ma ur undruk nadeh.’ Ehe, ado atou kalem ere bolo kandrah, ma tiye amwenen. Arile ado batou ma baleheya bamwenen iri kalem ta len dah bwe.

Metiu 15:7

Ado lau ta wasai, amwenen handru i buku none propet Aisaya leheyani kandriyen tado handru kala iy tiye i buku doh,

Metiu 7:5

Ou lau ta wasai, ma bwena ou andrei sobola kei udu bolo madam keme len op, ano ou kameh anyolom amwenen handru ta akohok mutahu kei udu mada nadu tinem ari ja eme len.

Metiu 5:18

“Jo tiye tado handru i buku doh: Idah kameh munyak ma kandrah kameh amai iu. Arile sese kono-o tarou ta batanau malen winiyan bamai ba-au bwe, winiya le lakou mari Kindrei anya kamekes, kasahan i handru.

Metiu 6:3

Arile ado anya kadeu lakou kili tiri lau ndra-in, ado kamekes kudu ndra kabwak, ta iri mwan ma badih sado mirihik, sanyolom aha amekes.

Metiu 23:5

“Iri lakou mari oro amekes doh, ta amekes iri lau katou. Oro asin nyeh ndra tinan ta asolom ereu mine oro ma bwili oro, ma oro aseu malou lawe-en ereu kiri awin toro.

1 Korin 13:3

Ano, i buku jo katehei iri lakou tek marakon kili tiri lau ndra-in, tiri lakou bwe, ma iri lau katawi jo, ma kasulumwi jo kandrakak ki-iu ki nyara salom, arile buku jo baso-ok ma batehei ndrinek mwasin bala tiri bwe, iri kandriyen tek marakon doh kameh winiya baseben se jo bwe!