Metiu 6:19 - Nyindrou

¹⁹ Jises asehek ili le i buku doh, “Ado satukum tado iri lakou badu munyak, ndri-iy, tasah idah kameh iri amu-uk ma ndranyem kameh iniy ano iu, ma iri lau ta bahana kameh apwai asiu ma bene-ei iu.

Metiu 6:19 Referans Kwoze

Hiburu 13:5

Mada taha salikis ta luk. Iri saba lakou nane taha ndrakohok ma tataha udu aliy badeh, ndra winiyan ai. Kindrei ndratandrakan, “Jo winiyan bamani aha bwe-en, ma jo winiyan bakahei aha bwe.” Dutoronomi 31:6

Tarou ta Luk 12:21

“Lakou i buku doh kameh asahan i tare lau, i buku iy anya katukum lakou sola sola badu munyak; arile ta mada Kindrei badeh, lakou doh, bala mwasin ta madan bwe.”

Tarou ta Luk 18:22

Eme Jises anuhun ano, iy tiye i tan, “Lakou ari le kahis. Ou atehei iri lakou tam mari kili ba-en, ya luk ou akohok ta iri lakou tam nane, ou adeu ki tiri lau tiri lakou bwe. Ou amekes i buku doh kameh ou tam lakou mwasin handru udu kandrah. Ano ou bara-en hamon tek.”

1 Timoti 6:17

Ou batanau oro lau ala lakou toro solo-an, ta oro satudun oro ma hawe oro satehei budon toro boto-on sa-en ta lakou solo-an toro, tasah lakou doh, winiyan bado luwen bwe. Arile, oro katehei budon toro kabadok ta Kindrei. Tasah, iy badeh, lakou tan solo-an labai, ya idah kameh iy edeu eme tato kasekesek ta aliy.

Tarou ta Luk 12:33

Eme lakou tado mari badeh, kasihinei ki-iu ta luk ya luk ta aliy badeh, ado kadeu ki tiri lau lakou bwe. Ado badeh, katakaleh tado kohei kohoya luk udu kandrah; lakou winiyan ta apus bwe, hawe winiyan ta amu-uk bwe, ma hawe iri lau ta bahana winiyan babene-ei bwe.

Tarou ta Luk 18:24

Eme Jises anyolom ndramak dah, ano iy anya, “Idah kameh, boto-on labai ta ndramak tan lakou solo-an, i buku none iy anya kili bolo tondrok ta Kindrei!

Metiu 19:21

Eme Jises asehek tan i buku doh, “Buku none ou anya asahan ndramak mwasin handru, mwasin, ou ala atehei iri lakou tam mari kili mada ba-en, ya luk ou akohok ta iri lakou tam nane ou adeu ki tiri lau tiri lakou bwe. Ou amekes i buku doh kameh ou tam lakou mwasin handru udu kandrah. Ano ou bara-en hamon tek.”

Metiu 6:20

Arile ado katukum tado lakou mwasin handru badu kandrah, ya amu-uk hawe ndranyem winiyan baniy bano bwe, ma iri lau ta bahana winiyan bapwai asiu ma winiyan babene-ei bwe.

Tarou ta Luk 12:39

“Arile, budon tado kaleu ta tanan doh: Buku none tama asiu i tanan saba mada an handru iri lau ta bahana kameh ame apou asiu tan, iy kameh atehei ndrokei, tasah iy winiyan bamukuni iri lau ame apou asiu tan bwe.