Metiu 6:14 - Nyindrou

¹⁴ Aha kasolom ki buku doh. Tasah, buku aha mani kandriyen ndra-in tiri mwan ma badih rayah, tama aha udu kandrah kameh winiyan mani kandriyen ndra-in taha ale.

Metiu 6:14 Referans Kwoze

Epesus 4:32

Aha kamekes kandriyen mwasin kili tiri lau rayah, ma ndrine aha kamunum kili tiri. Aha kamani kandriyen ndra-in tiri, i buku le Kindrei mani taha in ta bwele-e nyara Krais.

Tarou ta Mak 11:25

Ya i buku none ou are ales ta salom badeh, ou badeh, balem kamani saba lomondra ndra-in ta bada are lau, ya idah kameh ou ale tamam Kindrei udu kandrah kameh sikine lomondra ndra-in tam iu.” [

Kolosi 3:13

Buku ari ndramak udu bolo ndrokowa aha, ndrinen andra-i udu ta nadu tinen ari ja, iy nane amekes ndra-in ili tan, mwasin ta iy kabwese maha-an doh le ai. Iy kati-iy ma kamani kandriyen ta ndramak nane doh. Tasah, Laban ndramani kandriyen ndra-in taha marakon, ya aha ale kamani kandriyen ndra-in ta nadu tine aha iri rayah ja.

Metiu 7:2

I le buku san tam ou tiye kandriyen ta ndramak ari ja, ya idah kameh ou ales ala ta mada sahou ale. Tasah, Kindrei kameh seleya kandriyen tam i buku le kandriyen ou ale amekes ili tiri mwan ma badih rayah ja.

Jemis 2:13

Tasah, i buku ari mwan o badih, iy batikisi iri lau rayah ja bwe, udu bada len Kindrei atehei iy ere ta mada sahou, idah kameh Kindrei winiyan batikisi iy bwe le. Arile, are mwan o badih, iy abudon iri mwan ma badih rayah ja, ma amekes kandriyen mwasin ili tiri, iy amwenen kameh winiyan eme len ta mada sahou. Tasah, kandriyen ta tikisiy badeh, udu bwele-en labai ja, ta kandriyen ta adeu maha-an i la-u ndramak.

Metiu 6:12

Ou mani kandriyen ndra-in taso, i le buku aso mani iri kandriyen ndra-in iri amekes eme taso.

1 Jon 3:10

Buku none aha anya katana aha, are lau handru nadu Kindrei, ma are lau handru badu hawe tama balik Satan, san in aliy: Iri lau mwan ma badih ale bamekes kandriyen mwasin bwe, ma iri batehei ndrine iri mwasin bala ta nadu tine iri ari ja, ta Krais bwe, badeh, iri nadu Kindrei bwe.

Metiu 5:7

“Sekesek handru i toro lau ala abadok ta amekes kandriyen ta tikisi lau, ya idah kameh tikisiy ta Kindrei tinan ili bwele-e oro.

Tarou ta Luk 6:37

“Ou satiye kandriyen ta ndramak ari ari; ya, ou winiyan bare ta mada sahou tinan bwe; ou samekes sahou boto-on sala ta lau, ya idah kameh, Kindrei bamekes sahou boto-on bawek tam bwe. Ou mani kandriyen ndra-in tiri, ya idah kameh, Kindrei ale, mani kandriyen ndra-in tam.