Metiu 6:13 - Nyindrou

¹³ Ma ou satehei aso sala bolo iri none. Arile, ou sebenei aso ta sala bolo kandriyen ndra-in ta balik.

Metiu 6:13 Referans Kwoze

1 Korin 10:13

Buku iri none asahan taha, aha winiya atanan, idoh mene ndrasahan tiri mwan ma badih rayah. Arile, Kindrei badeh, in hamon tiri batanau tan, ma iy winiya balelei ari none ta atisih boto-on taha bwe-en. Buku iri none asahan taha, Kindrei kameh amekes san ta aseben aha. San i buku doh: Iy kameh atadau aha abadok, ma aha winiya ales boto-on ta tawiya none doh.

Tarou ta Jon 17:15

Jo bandremenya ou ta andrei oro ado kon munyak au bwe, arile jo ndremenya ou ta tondrokei oro kare ndra len ta ndramak ndra-in balik.

Metiu 26:41

Ado kanyolom ma ado kasolom ki ta Kindrei ta ado sataku sala bolo kandriyen ndra-in. Ndrine ado aso-ok handru ta amekes gok, arile oda ado badeh, boto-on handru bwe.”

Rebelesen 19:1

Udu hamon ta lakou nane doh ano, jo anuhun nyaro lakou doh, i buku iri lau solo-an labai asehek sahou boto-on udu bolo kandrah. Boho iri i tinan labai ma iri aloh i buku doh, “Haleluyah! Tasah, Laban Kindrei tataha iy le ari mene andrei taha ame hamon. Nyaran badeh, laba tinan ma iy boto-on labai.

2 Tesalonaika 3:3

Ya, lau rayah ja badeh, batehei budon tiri bala ta Kindrei bwe, arile Laban badeh, ta amekes kandriyen handru na len mari. Eme ma, taha katehei budon tataha handru ki-in tan, ma iy kameh atadau budon tataha, ma atondrok aha, ma balik kameh winiyan baruwi budon taha bwe.

Metiu 6:10

Ma ou ame atondrok kon mari. Ahi kamesekei lahou na so-ok tam udu munyak, i le buku ndramesekei udu kandrah.

2 Pita 2:9

Ya, i buku idoh handru eh, badeh, Kindrei tanan labai ta aseben iri lau ta amekes kandriyen mwasin ado ta bolo iri maha-an. Ma iy ale tanan labai ta tawi iri lau ta amekes kandriyen ndra-in ado abe-en len ta sahou, ma iy kameh edeu maha-an i la-u iri. Maha-an hawe isi i tiri badeh, kameh udu la-u iri udu le gwek ai, ta abe-en le len ta mada sahou ta Kindrei barasahan.

1 Tesalonaika 1:10

Eme ma, iri atondrok Nadu Kindrei udu kandrah kameh eme akohok iri ame hamon ja.” Nadun doh mene imek, arile taman Kindrei mete-ei iy amak eme awas ja. Iy ndramak nane doh, Jises, iy le kameh talou taha ame len ta losen ta Kindrei kameh asahan tiri lau marakon nane amekes kandriyen ndra-in.

Rebelesen 21:4

Iy kameh owei wa-i mada iri mara-ei iu. Iri mwan ma badih kameh winiyan bamak ja bwai, iri kameh winiyan batikisiy ma baden, o babwese iri maha-an ma sisi-in ja bwai. Iri lakou malen bwena badeh, ndrano mara-ei.”

Rebelesen 3:10

Aha badeh, a-en hamon ta sahou tek, ma aha ales boto-on labai tiri maha-an marakon. Eme ma, jo kameh atondrok aha ta iri lakou anya kasahan ta none iri mwan ma badih badu kon munyak mara-ei, idoh kameh winiya bandruni aha bwe.

1 Jon 3:8

Bwena handru, kala Kindrei mene mesekei kon munyak dah, tama balik Satan badeh, mesekei kandriyen, ma lomondra ndra-in. Eme adeh, lau mwan ma badih badu munyak ame amekes kandriyen ma lomondra ndra-in. Are lau amekes kandriyen ma lomondra ndra-in kahis le, iy badeh, ereu ndra hawe balik kahis le. Ta idoh le adeh, Nadu Kindrei eme kon munyak dah ta atikah, ma ta adai kandriyen ma lomondra ndra-in ta tama balik Satan nane ki-iu.

1 Pita 5:8

Aha kalokou aha ma mada aha kaleu, tasah balik ale ta amekes bahun eme tataha badeh, edek ili eme ta takaleh iri lau mwan ma badih, ta amekes ndra-in ki tiri. Iy badeh, ndra-in labai, buku none ari layon. Iy anyur boto-on labai, ta nohowa iri bwisir tan, ma iri anoh, ya iri sakaliye. Ma iy kameh atikah iri, ma adai iri ta aimon. Balik ale anya kamekes kandriyen buku doh kewek taha.

Jenesis 22:1

Udu hamon ta aliy badeh Kindrei none Abraham. Eme iy tiye i tan, “Abraham!” Eme Abraham anya eh, “Jo kada-ah.”

Galesiya 1:4

Kindrei mene suni Jises eme andri kon munyak, iy le amwenen imek ta sikine karei ma lomondra ndra-in tataha. Iy bwalen iri kandriyen ndra-in badu munyak dah kabokoro-ei taha. Eme ma, iy eme dah badeh, ta aseben taha, ta iri kandriyen doh kameh winiyan baluwi taha bwe. Idoh, in hamon ta seken ta tama taha Kindrei le.

2 Korin 1:20

Idoh handru labai: Krais amekes iri sahou tandrakan ta Kindrei asahan handru mara-ei. Idoh leheya taha Kindrei anya “Ehe,” arile ma a-en hamon ta sahou tan. Eme ma, taha kasekesek ma katudun nyara Kindrei ta idoh: Iy in hamon ta sahou tan.

Rebelesen 2:10

Hamon kameh, aha akohok sisi-in ma bwese maha-an, arile aha sanoh ta aliy. Aha kanuhun! Balik kameh atehei iri mwan ma badih rayah badu bolo aha ala bolo kou, ta none budon taha. Ma aha kameh akohok sisi-in ma bwese maha-an ili winiya le len ma ronoh. Arile, aha saruwani budon taha handru udu tek. Aha katawiy kihis budon taha handru kili, winiya le len iri adai ou amak. Ma idah kameh jo edeu taha kohan handru ta udu le buku doh, i nyara ndramas taha.

Rebelesen 1:18

Jo badeh, ta ere le buku don ai! Jo mene imek, arile nadah jo ndrame awas ja ta ere le buku doh, winiya bamak ja bwai. Eme ma jo le ari badeh, boto-on tek winiyan mete-ei iri mwan ma badih ndramak bwena kameh ame awas ja.

Metiu 5:37

Ya buku ou asehek sahou, ‘Ehe,’ ‘Ehe’ le kai-iy ai. I buku ou asehek sahou, ‘Bwe,’ ‘Bwe’ le kai-iy ai. Ya, i buku none iri sahou boto-on labai asahan ja, badeh, asahan ta balik.”

1 Korin 14:16

I buku aha adeu wurah ili ta Kindrei na boho kon rakon ja, malawi aha le badeh, asehek. Eme ma, i buku lau rayah laleyah are bolo aha, iri kameh winiyan anuhun sahou doh, deh? Iri kameh winiyan asehek, “Handru,” deh? Bwe! Tasah, iri winiya bala tanan ta saba sahou handru aha asehek ili ta Kindrei, bwe.

Metiu 28:20

Ma ado kaleheya iri ta lakou mari jo ndratiye tado. Ya jo kameh in hawe ado na len mari, winiya le munyak dah ano.”

Rebelesen 19:4

Ya, oro batun ma lunoh hahuw (24) hawe oro lakou ma mulin ma hahuw badeh, atehei bwili ndru-u oro i andri ma oro atudun Kindrei, iy manyah udu bada koyeu ta kabin. Iri marakon asehek i le rasan i buku doh, “Handru labai! Haleluyah! Taha badeh, katudun Kindrei le ari!”

Rebelesen 5:13

Ano badeh, jo anyolom iri lakou mara-ei ma mulin udu kandrah, udu bwele-e munyak, udu bahandra munyak, udu ndrahune iri lau ndramak ndrasu-u, ma udu bwele-e ndras. Iri lakou mara-ei doh badeh, jo anuhun iri ayah wari i buku doh: “Kindrei manyah udu bada koyeu ta kabin, ma hawe Nadu Sipsip tan. Uru winiyan akohok wurah, ma nyara uru i tinan mara-ei. Ma sekesek hawe boto-on mari ta ere le buku doh winiyan bano bwe!”

Rebelesen 3:14

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Leyodisiya. Sahou kili buku doh: ‘Iri sahou dah, tek amwenen. Jo badeh, kati iri sahou handru, ma jo badeh, ta atiye le sahou handru. Jo badeh, kati iri lakou mara-ei Kindrei ndrabwidiy. Eme ma jo suni sahou dah ewek taha.

Hiburu 11:36

Oro rayah ja, iri bobose oro, ma a-um oro na malou sakabuk i bek. Ma oro rayah ja, iri bawei oro na sen, ano atehei oro ala bolo asiu lulik.

1 Timoti 1:17

Eme ya masiye ma tudun badeh, ki ta kabin ta udu le buku doh, ma hawe ki ta kabin ta winiyan ta ano bwe, ma hawe ki ta kabin taha batou iy bwe. Ki ta Kindrei le ari doh, masiye ma tudun ki tan kudu le buku doh. Handru!