Metiu 6:12 - Nyindrou

¹² Ou mani kandriyen ndra-in taso, i le buku aso mani iri kandriyen ndra-in iri amekes eme taso.

Metiu 6:12 Referans Kwoze

Epesus 4:32

Aha kamekes kandriyen mwasin kili tiri lau rayah, ma ndrine aha kamunum kili tiri. Aha kamani kandriyen ndra-in tiri, i buku le Kindrei mani taha in ta bwele-e nyara Krais.

Tarou ta Mak 11:25

Ya i buku none ou are ales ta salom badeh, ou badeh, balem kamani saba lomondra ndra-in ta bada are lau, ya idah kameh ou ale tamam Kindrei udu kandrah kameh sikine lomondra ndra-in tam iu.” [

Epesus 1:7

Ya, Krais bwidi kandriyen mwasin labai ndrame tataha. Iy imek ta konohei taha ame hamon, ma ndrayen amou ta sikine kandriyen ndra-in tataha marakon.

Kolosi 3:13

Buku ari ndramak udu bolo ndrokowa aha, ndrinen andra-i udu ta nadu tinen ari ja, iy nane amekes ndra-in ili tan, mwasin ta iy kabwese maha-an doh le ai. Iy kati-iy ma kamani kandriyen ta ndramak nane doh. Tasah, Laban ndramani kandriyen ndra-in taha marakon, ya aha ale kamani kandriyen ndra-in ta nadu tine aha iri rayah ja.

Tarou ta Luk 11:4

Ou mani kandriyen ndra-in taso, i le buku aso mani kandriyen ndra-in toro are lau le, amekes eme taso. Ma ou satehei aso sala bolo iri none, ndri-iy.’ ”

Tarou ta Luk 6:37

“Ou satiye kandriyen ta ndramak ari ari; ya, ou winiyan bare ta mada sahou tinan bwe; ou samekes sahou boto-on sala ta lau, ya idah kameh, Kindrei bamekes sahou boto-on bawek tam bwe. Ou mani kandriyen ndra-in tiri, ya idah kameh, Kindrei ale, mani kandriyen ndra-in tam.

Aposel 13:38

Eme ma, aha nadu tine, jo badeh, anya aha ki tana aha, i san ta Jises, Kindrei winiyan mani kandriyen ta karei ma lomondra ndra-in. Sahou dah badeh, aso asehek ndrawek taha. Na iy le badeh, are lau atehei budon handru in tan winiyan bala bolo maha-an ta kandriyen ta karei ma lomondra ndra-in mari bwe. Ya, na iy le, Kindrei winiyan aloh ari ndramak mwasin labai ta madan. Iri batanau malen mari ta Moses badeh, winiyan basebenei ou bwe, ma iri winiyan babwidi ou bala mwasin ta madan bwe le.

Metiu 9:2

Eme ma, iri lau ra-on bwese-ei ndramak ari badan imek ta eme atou iy. Ndramak nane amadin bada nyahan tan. Jises atou buku none budon toro boto-on labai in tan, ma iy tiye i ta ndramak nane badan imek anya, “Ou abadok, naduk! Kandriyen ndra-in tam ndrasikinei ndra-au.”

Metiu 26:28

Tasah, idah ndrayek ta sahou randra le, ndrayek amou ta sikine lau mari ta kandriyen ndra-in tiri.

Tarou ta Luk 13:4

Ya ado kanone kabudon oro lau ma ronoh ndru la-uh (18) mene asiu boko bek lawe tihisi oro ado Silowam se? Ado badeh, abudon anya oro doh badeh, ndra-in labai ja, sakalawi oro lau are Jerusalem dan ai?