Metiu 6:10 - Nyindrou

¹⁰ Ma ou ame atondrok kon mari. Ahi kamesekei lahou na so-ok tam udu munyak, i le buku ndramesekei udu kandrah.

Metiu 6:10 Referans Kwoze

Hiburu 10:36

Aha sawoyah ta atondrok. Buku aha amekes i buku doh, aha kameh winiyan bwidi iri gok Kindrei aso-ok. Ano ma aha kameh akohok iri saba lakou iy ndratandrakan ta edeu ewek taha.

Tarou ta Jon 4:34

Jises asehek sahou ili toro lau tan i buku doh, “Nyamon tek badeh, ta jo ki-in hamon ta budon ta Kindrei. Iy nane suni jo eme ta amekes gok tan, ma iy aso-ok jo kabwidi marakon kano.

Metiu 26:42

San rasan ja Jises iu ili len ma iy asolom, “Tama, buku none maha-an dah winiyan ba-au bwe winiya le jo kanyuwiy, mwasin, tama jo in hamon ta budon tam.”

Metiu 12:50

Tasah, are lau ale in hamon ta so-ok ta tama in kon tan udu kandrah, iri badeh, nadu tine mwan ma badih handru, ma tine handru.”

1 Tesalonaika 5:18

Handru, aha kadeu wurah ki ta Kindrei ta lakou marakon asahan taha, tasah na Krais Jises le badeh, Kindrei aso-ok aha ka-en hamon ta kandriyen buku doh.

La-ukei ta Pol atorou ili tiri lau badu kon Rom 12:2

Ma aha sa-en hamon ja ta tekedek ndra-in tiri lau badu munyak dah amekes, ndri-iy. Arile aha kasokosowei budon ndra-in ki-iu na budon mwasin ta Kindrei. I buku none aha a-en hamon ta aliy, idah kameh, aha takalahei seken ta sasah Kindrei anya aha kamekes. Ma iy kameh sekesek, tasah, sasah iy tiye aha ta amekes badeh, ndra amwenen le.

Tarou ta Jon 6:40

Budon ta tama badeh, iy aso-ok lau marakon kanyolom kili le ta nadun, ma iri katehei budon tiri kili le ta nadun. Idah kameh koha iri winiyan bano bwe, ta udu le buku doh. Jo eme kameh mete-ei iri lau amak, ame loken ja na len hamon.”

Kolosi 1:9

Ya, ahi ndranuhun sahou dah, ta aha atehei budon taha handru, ma aso-ok labai iri mwan ma badih ta Kindrei. Eme ma, ahi anuhun le badeh, eme na le liliy, ahi asolom ta aseben aha. Ahi baruwani kandriyen ta salom bwe. Ahi badeh asolom, ta Kindrei kaseben aha, ma aha winiyan atanan ta kandriyen iy amwenen aso-ok aha ka-en hamon ta aliy. Ma Malawin Ndrabun tan kameh winiyan edeu taha iri tanan, ma budon mwasin. Ma idoh winiyan idih handru udu bolo aha.

Epesus 6:6

Kora-on aha amekes gok mwasin udu bolo len, iri ales ta anyolom aha ta andrek iri. Ma hamon iri banyolom aha bwe, aha kameh ajos ta gok. Aha badeh, kasahan buku bonyo-ou ta Krais, ma kamekes gok boto-on na len marakon. Ta kandriyen doh, aha kameh a-en hamon ta so-ok ta Kindrei ta ndrine aha.

Metiu 7:21

“Ado sabudon sala buku doh, ‘Iri lau mari aloh Jises i Laban iri winiyan ala bolo tondrok ta Kindrei udu kandrah.’ Arile, oro le lau ala amekes lahou ta tama udu kandrah.

1 Pita 2:15

Ya, aha kamekes kandriyen buku doh, tasah Kindrei aso-ok aha kamekes kandriyen mwasin. Ma, na kandriyen mwasin taha nane, aha kameh leheya iri lau tana iri Kindrei bwe, ma ba-en hamon ta sahou tan bwe. Iri amekes wasai ma orou sahou laleyah ewek la-u aha. Iri kameh bwili iri ama, ma iri winiyan basehek sahou ja bwe.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Tarou ta Luk 22:42

“Tama, na seken tam le, i buku none ou aseken badeh, ou andrei bwiniu ta isi udu hawek ki-iu. Arile idoh budon tek le, ou amekes ta seken tam le kasahan ki handru.” [

Tarou ta Jon 7:17

Buku are lau anya ki-in hamon ta lahou ta Kindrei iy winiyan i tanan sahou nane jo asehek, iy kameh i tanan sahou udu ta Kindrei eme, o, sahou jo asehek na le budon tek amwenen.

Rebelesen 19:6

Ano ja, jo anuhun nyaro boho iri lau solo-an labai asehek sahou, i buku nyaro goi laba tinan ma kuruh atohou. Jo anuhun iri asehek sahou i buku doh, “Haleluyah! Iy Laban Kindrei tataha, boto-on marakon udu tan! Nadah iy udu kabin ta atondrok taha handru!

1 Tesalonaika 4:3

Handru, so-ok ta Kindrei i buku doh: Koha aha ma manyah taha mara-ei kasahan ndrabun. Aha kateleya aha kare ndra len ta kandriyen ta karei.

Aposel 21:14

Aso badeh, winiyan batubuni budon tan bwe, ma aso basehek sahou bala tan ja bwai. Eme ma aso anya, “Ya, Laban, ou bwidi iri lakou kameh asahan na so-ok tam le amwenen.”

Aposel 13:22

Eme Kindrei bwidi Sol ano ta kabin, iy atehei Debit i kabin tiri. Eme iy tiye i buku doh ta nyalan, ‘Jo badeh, ndrasilahei nadu Jesi ari, nyaran Debit, ndramak adek handru in tan labai, iy kameh winiyan in hamon ta sasah jo aseken iy ta amekes.’

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”

Rebelesen 12:10

Ano badeh, jo anuhun boho ndramak ari badu kandrah asehek sahou boto-on labai anya, “Nadah, Kindrei tataha badeh, ndrandrei taha ndrame hamon. Iri mwan ma badih mara-ei badeh, ndranyolom boto-on tan, ma iy ndrasahan kabin. Ma Krais badeh, akohok nyaran ta atondrok iri mwan ma badih mara-ei. Tasah, balik badeh, iy ndramak ta ili hawe Kindrei na len ma na ben mara-ei ta orou sahou i bada iri lau ta Kindrei, ta lakou iri amekes. Iri angelo ndrakahei iy udu kandrah ndrame andri kon munyak.

1 Pita 4:2

Eme ma, na idah, ma i bwena, kala aha areu kon munyak dah kahis le, badeh, aha katehei budon ma bada aha mari kili bahandra tondrok ta Kindrei. Ya, aha sa-en hamon ta budon taha badu kon munyak ja ai.

Hiburu 10:7

Ya, jo asehek i buku doh, ‘Kindrei tek, jo asah kada-ah ta amekes iri gok ou aso-ok jo kamekes, i buku le iri ndratorowenei amwenen ndra-en bolo buk ndrabun.’ ” Wari 40:6-8

Tarou ta Luk 19:38

Ma iri anya, “Kasekesek ki ta kabin! Kasore nyaran! Iy eme ta nyara Laban!” Wari 118:26 “Mondrei udu kandrah, ma lomadan ki ta Kindrei badu loken!”

Tarou ta Mak 3:35

Are lau in hamon ta so-ok ta Kindrei, iri badeh, nadu tine mwan ma badih handru, ma tine handru.”

Metiu 16:28

Jo asehek sahou handru ewek tado. Lau ra-on ales areu bolo to dah kameh bamak bwe, ya iri kameh atou Nadu Ndramak Awas eme hamon ma atondrok kon munyak i buku kabin.”

Tarou ta Mak 11:10

Kasore tondrok ta tama Debit kameh, eme! Hosana! Kasekesek ki loken mara-ei!”

Rebelesen 11:15

Ya, angelo ndro taloh doh badeh, badu hawe oro ma onoh nane eme len oloh ndrah tan, eme ma boho iri lau rayah asehek sahou boto-on labai udu kandrah i buku doh, “Laban tataha Kindrei hawe Mesaya tan, uru mala-uh ndrasahan kabin ta kon munyak mara-ei, ma iy kameh atondrok udu le buku doh!”

Rebelesen 20:4

Ano ja, jo anyolom koyeu rayah buku tiri kabin, ma iri lau manyah ado aliy. Kindrei ndratehei gok ili tiri ta tunuhun sahou tiri lau. Jo ale anyolom malawi iri lau ndramak bwena. Iri lau mene ndrasani bale iri ma ndradai iri ndramak, tasah iri atiye sahou handru ta Jises mene asehek, ma hawe sahou ta Kindrei. Iri badeh, batehei bwili ndru-u iri bala andri bwe, ma batudun nyabwe munyak hawe malawin bwe. Iri ale bakohok kalem bado bwili iri ma mine iri bwe. Eme ma koha iri mwasin asahan eme hamon ja, ma iri asahan i buku iri kabin ta atondrok kon hawe Krais, udu gwek winiya le jaha ma rawa (1,000) ano.

Hiburu 1:14

Iri angelo badeh, malawi iri le, iri ta amekes gok ta Kindrei. Kindrei tiye iri ala ta aseben lau, ta akohok iri kame hamon ja.

Kolosi 1:13

Ma iy ndratolowei taha are mine balik ndrame len, ma iy ndratehei taha ndrala bahandra tondrok ta nadun Jises Krais, iy aso-ok iy labai.

Tarou ta Luk 19:11

Iri lau anuhun iy asehek sahou nane dah kahis le badeh, iy asehek sahou sokek i tiri, tasah iy ndrame mirihik ta Jerusalem. Eme iri lau lomondra anya, idah kameh Kindrei atondrok kon dan ai?

Aposel 22:14

“Iy asehek sahou eme tek i buku doh, ‘Kindrei ale mene, tubu taha iri atudun iy badeh, lebelei ou, ma aseken ou akohok tanan tiri lakou marakon iy aso-ok, ma iy aseken ou anyolom iy. Iy badeh, mwasin labai ta madan, ma ou winiyan anuhun iy asehek sahou na bohon amwenen.