Metiu 5:5 - Nyindrou

⁵ “Sekesek handru i toro lau ala batudun oro ma nyara oro le bwe. Oro kameh akohok iri lakou mwasin badu munyak i buku le Kindrei ndratandrakan.

Metiu 5:5 Referans Kwoze

Jemis 3:13

Buku rayah mwan o badih areu ndrokowa aha, budon ma tanan mwasin udu tiri, ya tekedek tiri badeh kasahan mwasin, ma iri winiyan bamekes lakou laleyah ma batudun nyara iri bwe. Ma iri mwan ma badih rayah ja kameh winiyan anyolom kandriyen mwasin iri amekes.

Galesiya 5:23

kandriyen ta ou amekes ou batudun ou bwe, ma hawe kandriyen ta budon tam winiyan bandra-i bwe. Ya eme ari batanau malen winiyan baturuki iri kandriyen doh bwe.

Jemis 1:21

Eme ma, aha badeh, karuwani iri kandriyen ndra-in ta karei ma lomondra ndra-in nadah asahan solo-an labai udu bolo ndrine iri mwan ma badih. Ma aha katehei aha ka-au ka andri mara-ei ta akohok sahou nane Kindrei ndratahiy udu bolo ndrine aha. Sahou le doh badeh, winiyan andrei malawi aha mara-ei eme hamon ja.

Kolosi 3:12

Aha badeh, lau ta Kindrei; iy aso-ok aha labai, ma iy ndrandrei aha ndrasahan iri lau tan amwenen. Eme ma, aha badeh, ka-en hamon ta kandriyen buku: Aha katikisi iri lau mwan ma badih marakon, ma kamekes mwasin kili tiri. Aha badeh, katehei so-ok ta bada aha ki-iu kili andri, ma amekes kandriyen kamunum le kili tiri mwan ma badih, ma kalelei iri kamekes ndra-in kewek taha.

Metiu 11:29

Aha kakohok tanan tek, ma ka-en hamon ta sahou tek, buku none le bulumakau udu le ya taman aseu kei ranah i tondreh in balen ta amekes iy aliu iri lakou. Ehe, aha kakohok tanan udu tek, tasah jo amekes lakou i san ta manamun i tiri lau mwan ma badih, ma jo babolosen ma basobolon ari ndramak bwe. Ya iri lakou tek kameh bamekes maha-an bala ta ari ndramak bwe, ya manyah taha kameh udu mwasin.

Epesus 4:2

Aha winiyan batebelese bala tiri mwan ma badih rayah ja bwe. Aha kanuhun sahou tiri ma aha kado le. Ndrine aha sato-ou suwi ta losen sala tiri lau nane amekes ndra-in ewek taha. Aha kaso-ok iri lau ta Kindrei rayah ja, ma sandrek iri ta a-en hamon ta kandriyen aha amekes.

1 Pita 3:15

Aha kabudon le Krais, ma aha kalelek iy, tasah iy badeh, Laban tataha handru. Ma len mari, aha kalokou aha ta asumon are lau, buku none iy ndremenya, saba kati kandriyen mwasin ereu taha, ma aha atondrok ta aliy. Aha kasumon kamunum, ma aha kalelek iri ale.

Taitus 3:2

Oro saluhe ndra-in sala tiri lau, ma oro sasobobo. Arile, oro kaseken seken tiri lau ari ari kudu bwena ta budon toro. Ma oro kaleheya kandriyen ta satudun oro le ki ta lau mari.

1 Pita 3:4

Mwasin ta aha kanyosowani bolo oda aha na iri nyasou winiyan bandra-i bwe. Iri nyasou doh badeh, kandriyen ta ndrine aha udu mwasin, ma ade aha bare len tiri lakou solo-an asahan, bwe. Iri kandriyen doh badeh, mwasin labai ja ereu mada Kindrei.

1 Timoti 6:11

Arile, ou ndramak ta Kindrei badeh, teleya lakou doh. Ou badeh, asa-ar ta amekes kandriyen ta ou asahan mwasin ta mada Kindrei. I buku none ou abadok ta kandriyen mwasin ta Kindrei, i buku none kandriyen ta budon handru le, ya, i buku none kandriyen ta ou ales boto-on, ya kandriyen ta tikisiy ma hawe kandriyen ta ou bato-ou ta losen suwi bwe,

2 Timoti 2:25

Ma iy kaleheya iri lau nane amekes ndra-in ili tan, ma iy ale kamekes kamunum le ta amekes budon tiri lau nane tebelese hawen. Iy kamekes ki buku doh, tasah Kindrei kameh aseben iri, ma iri kameh winiyan tubuni ndrine iri, ma iri kameh winiyan atanan ta sahou handru, ma iri winiyan a-en hamon tan.

La-ukei ta Pol atorou ili tiri lau badu kon Rom 4:13

Kindrei tandrakan Abraham ta kon munyak mari kameh i tan, ma i ta lundriyen oro. Arile Kindrei tandrakan Abraham oro badeh, bala san ta oro a-en hamon ta batanau malen, bwe. Iy tandrakan oro kameh akohok munyak mari, tasah Abraham atehei budon tan mara-ei in tan, eme ma Kindrei aloh iy ndramak mwasin mara-ei ta madan.

Metiu 21:5

“Kasehek sahou dah ki tiri lau mwan ma badih badu Sayon, ‘Ado kanyolom, kabin tado eme ai. Iy eme buku ari ndramak nyaran bwe, ya iy manyah udu bwele-e donki ari. Ehe, iy manyah udu bwele-e donki ari ndramak bamanyah ba-en bwele-en bwena bwe.’ ” Sekaraya 9:9