Metiu 5:48 - Nyindrou

⁴⁸ Ou ado le mwasin handru i le buku tamam udu kandrah udu le mwasin handru.”

Metiu 5:48 Referans Kwoze

Jemis 1:4

Buku none ado atehei budon handru in ta Kindrei, ma ado a-en hamon ta sahou handru, idoh kameh winiyan sebenei ado ta ales boto-on, ta iri lakou anya kasahan tado. Eme ma, ado kameh asahan lau handru ta Kindrei, ma winiyan barah ta lakou mwasin tan bwe.

Tarou ta Luk 6:36

Ou badeh, ki ndramak ta tikisiy, i buku none tamam Kindrei le.”

Kolosi 1:28

Eme ma, ahi aposel badeh, atiye sahou mwasin ta Krais ili tiri mwan ma badih marakon. Ahi leheya iri mwan ma badih ta tanan marakon ahi tawi, ma ahi batanau iri ta iri katondrok iri kamwenen ta a-en hamon tiri sahou marakon ta Kindrei. Tasah, ahi aposel anya katiye iri mwan ma badih ari, ari kala hawe Kindrei. Ma, na len iri asahan hawe Kindrei, ahi aso-ok iri kasahan kamwenen buku Krais ma ahis hawen.

1 Jon 3:3

Eme ma iri lau mwan ma badih ale atondrok Krais ta eme hamon ja, iri badeh, winiyan bala bolo ndraka-an ja bwe, tasah iri atondrok bada iri ma budon tiri udu mwasin, buku le kandriyen ta Krais.

2 Korin 7:1

Aha kawas tek handru, Kindrei edeu iri tandrakan doh eme tataha. Eme ma, taha badeh, karuwani iri kandriyen ndra-in ale taha amekes na bada taha o na budon tataha. Ya, taha badeh, kasahan ha-un mara-ei. Taha badeh, katehei budon tataha kili ta Kindrei, ma katehei koha taha mara-ei kili le tan, tasah taha anoh iy.

Tarou ta Luk 6:40

Ado kanuhun. Ari ndramak ta akohok tanan basakalawi ndramak ta leheya iy bwe. Arile, i buku none ari ndramak ta akohok tanan asahan buku ndramak ta leheya iy, mwasin.

Metiu 5:16

I le buku san dah lomada ado kanya kili bwena ta lau. Ya idah kameh iri lau atou lahou tado ma kandriyen mwasin tado, eme ya iri lau kameh sekesek ma atudun tama ado Kindrei udu kandrah.”

Jenesis 17:1

Na len Abram jaha tan asahan ndro ronoh ndro ari (99), Laban badeh asahan hawen tiye, “Jo dah jo Kindrei jo tek boto-on. Ou anuhun jo ma len mari badeh ou amwekes kandriyen mwasin le.

Metiu 5:45

Ya idah kameh ou asahan nadu Kindrei handru badu loken. Iy edeu an tan anya i bwele-e lau ndra-in ma i bwele-e lau mwasin ale. Ma iy edeu ur tan i bwele-e lau ta kandriyen ma lomondra mwasin, ma i bwele-e lau ta kandriyen ma lomondra ndra-in ale.

Kolosi 4:12

Epapras edeu bada-an ewek taha. Iy badeh, badu hawe aha amwenen, ma iy lau ta lahou ta Krais Jises. Len mari iy asolom boto-on labai, ma ndremenya Kindrei ta aseben aha kabadok ta iri kandriyen ta Kindrei, ma atanan handru ta iri lakou marakon Kindrei aso-ok.

2 Korin 13:9

Aliy, ahi nyamu ahi o bwe, arile, buku aha ales boto-on ta budon taha kahis, ahi kameh sekesek labai. Ma, len mara-ei kameh ahi asalom ili ta Kindrei, ta aha winiya asahan lau tan boto-on labai.

2 Korin 13:11

Aha nadu tine mwan ma badih, aha ndrado ai, ma bale aha kudu taha. Jo aso-ok aha kabadok ta asahan lau ta Kindrei handru. Aha kanuhun sahou tek, ma katawiy kihis kudu budon taha, ma ndrine aha mara-ei kameh udu mwasin. Kindrei aso-ok aha lau mwan ma badih mara-ei, ma aseben ndrine aha udu mwasin. Iy amwenen kameh udu hawe aha.

Epesus 3:1

Jo Pol, jo ta amekes lahou ta Krais Jises, eme ma jo udu bolo asiu lulik kada-ah. Tasah, jo badeh, atiye sahou i buku doh: Aha mwan ma badih badu leheleh, aha ale are bolo iri lau ta Kindrei.

Metiu 5:47

Eme ya, i buku none ou asehek sahou mwasin i le ta nadu tinem le amwenen, ya ou asahan mwasin ja tiri lau rayah ja na sasah bah? Ya iri lau badu leheleh amekes ale i le buku aliy.