Metiu 5:46 - Nyindrou

⁴⁶ Ya, i buku ou aseken iri lau le nane aso-ok ou, ya bundruwe lakou tam doh, eme hamon kameh i buku sah bah? Ya iri lau ta kolowa luk ta takis amekes i le buku aliy.

Metiu 5:46 Referans Kwoze

Metiu 11:19

Ya, jo Nadu Ndramak Awas, jo eme aimon nyamon, ma a-un gwa waen hawe iri lau. Eme ma iri lau asehek jo i buku doh, ‘Aden, aha katou iy ndramak ta aimon nyamon tinan, ma iy ndramak ta a-un gwa waen solo-an labai. Iy ndramak ndra-in labai. Tasah handru iy amekes kawas hawe iri lau ta akohok takis, ma iri lau ba-en hamon ta batanau ta Moses bwe?’ Ehe, iri amekes sahou i buku doh. Arile, are lau mwan ma badih ale idih ta budon ta Kindrei, iy kameh amekes kandriyen mwasin, ya iri lau kameh atana iri buku none ndramak doh edek san mwasin handru.”

Tarou ta Luk 18:13

“Arile, ndramak ta akohok luk ta takis dah, udu len badeh, ales ere loken ma kandrun i andri, ma hawe minen udu aden, anya, ‘Kindrei, ou tikisi jo, jo ndramak ndra-in ta karei ma lomondra ndra-in.’

Tarou ta Luk 15:1

Ano iri lau ta akohok luk ta takis, hawe iri lau ta amekes karei ma lomondra ndra-in ame awudi Jises, ta anuhun sahou tan.

Metiu 18:17

Arile, buku none iy banuhun sahou toro bwe, mwasin, ou tiye ki tiri lau mwan ma badih badu bolo iri lau ta Kindrei. Buku batun boto-on ma iy bwalen anuhun sahou toro ale, mwasin, ou atou iy buku none ari ndramak tanan Kindrei bwe, deh iy ndramak ta kolowa luk ta takis ta lau.

Metiu 6:1

Jises asehek ili le i buku doh, “Ado kabudon kamwenen ta ado saleheya kandriyen mwasin tado sala mada lau ta lau kamasiye ado, ndri-iy. Ya, i buku none ado leheya kandriyen mwasin tado i mada lau ta iri kamasiye ado, ado winiyan bakohok sihine ado udu mine tama ado udu kandrah bwe.

Tarou ta Luk 19:7

Ya eme iri lau atou badeh, iri nunu-uh nunu-uh anya, “Aha kanyolom se! Iy badeh, ilih amadin asiu ta ndramak ari ta amekes kandriyen ndra-in.”

Tarou ta Luk 19:2

Ya ndramak ari nyaran Sakiyas udu aliy. Iy ndramak ta atondrok iri lau ta akohok luk ta takis. Ya iy ale tan lakou solo-an.

Metiu 5:47

Eme ya, i buku none ou asehek sahou mwasin i le ta nadu tinem le amwenen, ya ou asahan mwasin ja tiri lau rayah ja na sasah bah? Ya iri lau badu leheleh amekes ale i le buku aliy.

Tarou ta Mak 2:15

Ano Jises manyah udu bolo asiu ta Libai. Ya iri lau solo-an ta akohok luk ta takis, ma hawe iri Juwis ale ba-en hamon ta kandriyen ta batanau ta Moses bwe, ma hawe oro lau tan ame aimon nyamon hawen. Ya iri lau solo-an ale an hamon tan.

Tarou ta Mak 2:16

Eme oro lau ta leheya kandriyen tiri Juwis ma hawe oro Parasi atou Jises aimon nyamon udu hawe iri lau ta lomondra ndra-in ma hawe iri lau ta akohok luk ta takis. Eme oro tiye i toro lau ta Jises, “Tasah handru iy aimon nyamon hawe oro lau ta akohok luk ta takis, ma hawe oro lau ale ba-en hamon ta batanau ta Moses bwe?”

Tarou ta Luk 3:12

Ano iri lau ta akohok luk ta takis ame anya kanyu iri ma iri ndremenya Jon, “Ndramak ta leheya, ahi ka buku sah handru bah?”

Tarou ta Luk 5:29

Ano, Libai mesekei tine nyamon udu asiu tan, i na Jises. Ma hawe iri lau solo-an ta akohok luk ta takis badeh, ame aimon nyamon hawe oro ale.

Tarou ta Luk 5:30

Ya oro Parasi rayah, hawe oro lau rayah ta leheya kandriyen tiri Juwis, badu bolo oro nane dah, nunu-uh oro lau ta Jises anya, “Tasah handru ado aimon nyamon hawe oro lau ta akohok luk ta takis, ma hawe oro lau ale ba-en hamon ta batanau ta Moses bwe?”

Tarou ta Luk 7:29

Eme iri mwan ma badih hawe iri lau ta akohok luk ta takis anuhun sahou Jises asehek ma oro barala tanan ai, sahou ta Kindrei badeh, mwasin handru. Tasah, oro mene, Jon ndranyu oro.

Tarou ta Luk 7:34

Ya, jo Nadu Ndramak Awas, jo eme aimon nyamon ma a-un gwa waen hawe iri lau. Eme ma ado asehek jo i buku doh, ‘Aden, ado katou iy ndramak ta aimon nyamon tinan, ma iy ndramak ta a-un gwa waen solo-an labai. Iy ndramak ndra-in labai. Tasah handru iy amekes kawas hawe iri lau ta akohok takis, ma iri lau ba-en hamon ta batanau ta Moses bwe?’