Metiu 5:44 - Nyindrou

⁴⁴ Arile jo katiye tam, ou aseken iri lau amekes budon ndra-in ewek tam. Ma ou amekes salom ki ta Kindrei ta iy kaseben iri lau amekes ndra-in ewek tam ta adai ou.

Metiu 5:44 Referans Kwoze

La-ukei ta Pol atorou ili tiri lau badu kon Rom 12:14

Are lau oro amekes maha-an ma isi i tam badeh, ou asolom ki ta Kindrei kanysowani oro le, ma iy sabokoro-ei oro.

1 Pita 3:9

Buku none iri lau amekes ndra-in ewek taha, aha samekes ndra-in sala hamon sala tiri. Ma buku none iri aluhe aha, aha saluhe sala hamon, arile aha kasolom ki ta Kindrei, ta iy kanyosowani iri. Tasah, Kindrei mene ndraluhi aha, ma iy ndratandrakan ta edeu nyosowan mwasin ewek la-u aha.

Tarou ta Luk 23:34

Eme Jises tiye anya, “Tama, ou mani kandriyen ndra-in toro, tasah oro bala tana oro sasah oro amekes dah bwe.” Eme oro lau ta bahun atehei kolau tan i andri, ma oro amekes laki ta aliy, ta andrei kolau tan i le winiya oro.

1 Pita 2:23

Iri aluhe iy, arile iy basumon ta luhe tiri bwe. Iy akohok sisi-in, arile iy bamekes ari lakou ndra-in bala hamon bala tiri lau, bwe. Iy atehei iy i le mine Kindrei, ndramak mwasin labai ta anuhun sahou tataha mari.

Aposel 7:60

Ano badeh, iy atehei bwili ndru-un udu andri, ma iy aloh i tinan i ta Kindrei i buku doh, “Laban, balem kamani kandriyen ndra-in toro nane amekes eme tek doh.” Iy asehek sahou doh ano le badeh, ma iy imek.

Tarou ta Jon 13:34

“Na dah jo edeu kandriyen ta batanau ha-un ewek tado: Ado ari ari badeh, kaso-ok nadu tine ado iri rayah ja. I buku le jo mene aso-ok ado labai, eme ma ado kaso-ok nadu tinem iri rayah ja.

1 Tesalonaika 5:15

Handru, kora-on aha kadeu saluwe kandriyen ndra-in kili tiri lau mene amekes kandriyen ndra-in ewek taha bwena. Bwe! Arile, len marakon badeh, aha kabadok ta amekes kandriyen mwasin kili ta nadu tine taha iri, ma hawe iri lau marakon.

Aposel 16:28

Pol aloh anya, “Ou sadai ou! Aso ba-au bwe, aso mari ado kada-ah!”