Metiu 5:42 - Nyindrou

⁴² Ya ki buku none ari lau kandremenya ou ta ari lakou tam kili tan, mwasin, ou atehei kili tan. Ya are lau aseken ta akohok lakou tam bwena, ano iy anya katehei kewek hamon ja, mwasin, ou atehei lakou kili tan, ya ou satehei konam sala tan.”

Metiu 5:42 Referans Kwoze

Hiburu 13:16

Aha samaniy ta amekes iri kandriyen mwasin ili tiri lau mwan hawe iri badih. Buku iri rayah, tiri lakou bwe, aha kaseben iri. Kindrei aso-ok iri kandriyen doh, tasah kandriyen doh ale asahan salom mwasin labai ta madan.

La-ukei ta Pol atorou ili tiri lau badu kon Rom 12:20

Idoh handru, ya mwasin labai ta ou amekes i buku doh, “I buku none ndramak ta amekes bahun i tam kimeson badeh, ou anyohan iy na nyamon; Ma i buku none iy anyar ta gwa badeh, ou adeu gwa ki wa-in. I buku none ou amekes kandriyen mwasin doh i tan, ou kameh winiyan amekes bwilin ama ma tubuni kandriyen tan ndra-in doh iu.” Tanan 25:21-22

Hiburu 6:10

Aha tanan, Kindrei mwasin labai, iy ndra-in bwe. Iy kameh winiyan bamani gok aha amekes bwe. Aha suri aha ta aseben iri lau mwan ma badih tan, ma aha bamunyau se bwe. Idoh leheya, aha aso-ok Kindrei labai, eme ma iy winiyan bamani kandriyen doh bwe.

Jemis 1:27

Tasah, kandriyen ta lau ta Kindrei badeh, amwenen mara-ei, ma ari lomondra ndra-in bado budon ta tama taha Kindrei bwe, i buku doh: Taha badeh, kabudon ma katondrok iri nah, tama iri ma tine iri ndramak, ma hawe iri badih, udu iri ndramak, ma kaseben iri ta bwese maha-an tiri. Ya, lakou ari ale i buku doh, taha badeh, kantondrok tekedek tataha kamwenen, idah kameh kandriyen badu kon munyak winiyan baruwi taha bala bolo ndraka-an bwe.

Tarou ta Luk 11:41

Abo, i buku none ado anya kamekes kandriyen mwasin udu bolon ma konan badeh, ado kanyohan lakou udu bolo bwekei ki tiri lau tiri lakou bwe. Ma idoh kameh ado asahan mwasin.

Metiu 5:41

Ya, ki buku none ari lau ta bahun kandrek ou, ma iy anya ou bwese lakou tan a hawen ta ah kadek san winiya kilomita ari, mwasin, ou ala, ah kadek san winiya kilomita la-uh ja.