Metiu 5:4 - Nyindrou

⁴ “Sekesek handru i toro lau ala ado ndra-in ta tikisiy ma ndrelen, idah kameh Kindrei bahabah oro ma oro ado ta sekesek handru.

Metiu 5:4 Referans Kwoze

Rebelesen 21:4

Iy kameh owei wa-i mada iri mara-ei iu. Iri mwan ma badih kameh winiyan bamak ja bwai, iri kameh winiyan batikisiy ma baden, o babwese iri maha-an ma sisi-in ja bwai. Iri lakou malen bwena badeh, ndrano mara-ei.”

Tarou ta Luk 6:21

Ou are lau, ou ameson badeh, na dah, ou sekesek. Idah kameh, ou adih handru. Ou are lau ou taya na dah, idah kameh, ou sekesek.

Jemis 1:12

Kindrei kameh winiyan nyosowani ou are lau, buku ou ales boto-on handru ta bwese iri maha-an. Ma iy kameh edeu kohan handru i ndramas i tiri ta udu le buku doh. Kindrei badeh, ndratandrakan ndrala tare lau nane atehei budon tiri mara-ei in tan ma aseken iy labai.

Tarou ta Luk 16:25

“Arile, Abraham anya, ‘Naduk, ou none lomondra ou mene ado awas se. Ou badeh, mene akohok lakou mwasin, ya Lasarus mene badeh, anyidiu lakou ndra-in. Arile, na dah, iy manyah udu mwasin ai, ya ou ado ta sisi-in ai.

Tarou ta Luk 6:25

Ya ado lau bameson bwe kede-eh, mada ado kaleu! Sisi-in tinan labai kameh ewek bwele-e ado, tasah ado kameh akohok andra-i labai ta son. Ya ado lau ta abasa kede-eh, mada ado kaleu! Sisi-in tinan labai kameh ewek bwele-e ado, tasah idah kameh ado aden ma taya.

Tarou ta Luk 7:50

Ano Jises tiye i ta badih dah ja, “Ou au ma ou sabwerei, tasah budon tam handru le, sebenei ou.”

Tarou ta Luk 7:38

ya eme iy ili ales udu hamon ta kati Jises eden, ma amekes wa-i madan i kona katin. Ano iy o-ou kona kati Jises na lami batun, ano iy aluh i andri atehei no-on i kati Jises. Ano ja, iy asolou ndrelekei i bwele-e katin.