Metiu 5:39 - Nyindrou

³⁹ Arile jo katiye tam, ou sadeu saluwe kandriyen ndra-in ta ndramak are edeu kandriyen ndra-in ewek tam, ndri-iy. Ya i buku none are lau ubwi lim ili kapam salin, mwasin, ou tubuni kapam kamweu kili ja, ya iy kubwi lim ki aliy ale.

Metiu 5:39 Referans Kwoze

1 Tesalonaika 5:15

Handru, kora-on aha kadeu saluwe kandriyen ndra-in kili tiri lau mene amekes kandriyen ndra-in ewek taha bwena. Bwe! Arile, len marakon badeh, aha kabadok ta amekes kandriyen mwasin kili ta nadu tine taha iri, ma hawe iri lau marakon.

1 Pita 3:9

Buku none iri lau amekes ndra-in ewek taha, aha samekes ndra-in sala hamon sala tiri. Ma buku none iri aluhe aha, aha saluhe sala hamon, arile aha kasolom ki ta Kindrei, ta iy kanyosowani iri. Tasah, Kindrei mene ndraluhi aha, ma iy ndratandrakan ta edeu nyosowan mwasin ewek la-u aha.

1 Korin 6:7

Ya, aha kede-eh adeu iri mwan ma badih ta Kindrei rayah ja ala ta mada sahou, ma ta lakou doh, aha ndrataku, ma aha ndramani iri kandriyen ta Kindrei. Buku sah handru, aha balelei iri bamekes laleyah bawek taha bwe? Mwasin ta aha kalelei kili mine iri kakohok saba lakou taha, ma aha satehei iri sales ta sahou, sala hawe iri lau ta anuhun sahou, iri tanan Kindrei bwe.

Jemis 5:6

Aha badeh, atehei iri lau mwasin ala ta mada sahou, ano aha adai iri amak. Ya iri bateleya mine aha bwe, ma iri bamekes bahun bawek taha ja bwe.

Hiburu 12:4

Handru, aha amekes bahun ta kandriyen ndra-in iu, arile bahun aha amekes badeh, ndraye aha bamou bwe, ma aha bamak bala buku Krais imek bwe.

Tarou ta Luk 22:64

Eme oro sawei madan na kolau ma oro andrek iy anya, “Abo, buku none ou propet, ou none tiye se, are lau a-um ou doh?”

Metiu 5:40

Ya are lau anya katehei ou ala ta mada sahou ta iy anya kakohok awin tam kili tan, mwasin, ou atehei awin tam lawe-en kili ale.

Tarou ta Luk 6:7

Ya iri Parasi, ma hawe iri lau ta leheya kandriyen tiri Juwis badeh, takaleh madasan ta kadeu Jises ki ta mada sahou. Eme iri atehei mada iri udu tan, i buku iy kamesekei ndramak dah kamwenen na len ta amunyau dah, deh bwe.

Tarou ta Jon 18:23

Jises eme asumon sahou tan ja, “Ya, i buku jo ndrasehek saba sahou bamwenen bwe, abo, jo aso-ok ou tiye tiri lau marakon nane ado kada-ah ta saba sahou handru jo asehek. Arile, i buku jo asehek sahou amwenen eh? Ya tasah handru ou a-um jo?”