Metiu 5:30 - Nyindrou

³⁰ Ya, i buku none minem salin suni ou ta amekes kandriyen ndra-in ta karei, mwasin ta ou saniy ki-iu ya ou akahei ki-iu. Mwasin ta ou sani minem salin ki-iu, ndra-in ta sakahei ou ma buruwen sala bolo jih ta udu le buku doh.”

Metiu 5:30 Referans Kwoze

Tarou ta Mak 9:43

Ya i buku none minem aliu ou ta amekes kandriyen ndra-in, mwasin ou saniy ki-iu! Sebwe mwasin ta minem raka le ka-iy ta akohok koham mwasin ta ereu le buku doh. Kora-on minem ma la-uh udu aliy, ya ou kameh ala bolo jih ta winiyan bamak bwe!

Metiu 5:29

Ya i buku none madam salin suni ou ala bolo kandriyen ndra-in ta karei, ou holowani madam salin keme len, ya ou akahei ki-iu. Mwasin ta ou holowani madam salin ki-iu, ndra-in ta sakahei ou ma buruwen sala bolo jih ta udu le buku doh.

1 Pita 2:8

Ya buk ndrabun asehek ja, “Bek doh kameh tono-ei kati iri lau, ma iy kameh amekes lau taku ereu san.” Aisaya 8:14 Iri taku, tasah iri batehei budon tiri bala ta sahou tan bwe. Lakou doh asahan tiri, tasah bwena mene Kindrei ndratehei budon tan ta iy kameh amekes i buku doh.

1 Korin 8:13

I buku iri nyamon nane jo aimon doh ili bwidi nadu tinek ari ja taku ili bolo iri kandriyen ndra-in, mwasin ta jo kabeles jo saimon iri nyamon doh, winiya le jo imek. Bwe kameh jo kabwidi nadu tinek rayah ja kataku kala ta kandriyen ndra-in.

Tarou ta Luk 17:2

Buku ari ndramak bwidi ari nadu nah kataku ki bolo kandriyen ndra-in, sebwe mwasin ta ndramak doh kasawei ari bek maha-an ki balen, ya kakahei iy katuh kili bolo ndras ki-in gwek ai.

Metiu 13:21

Arile buwa wit doh kandron aliy bwe, ya i bareu luwen bwe. Ya i buku none ndrine sen asahan deh bwe-em ndra-i asahan, tasah ta sahou ta Kindrei, ya idah kameh, suwi suwi iri taku.

Tarou ta Luk 12:5

Arile, jo anya kaleheya ado ta are handru kameh ado kanoh iy: Ado kanoh labai ta Kindrei, tasah iy winiyan idi ndramak imek, ano iy le tan boto-on udu aliy ta akeh ndramak doh, i bolo jih. Eme jo asehek tado dah badeh, ado kanoh iy.

Galesiya 5:11

Aha nadu tine, buku jo amekes sahou ta leheya aha lau mwan ma badih ta Kindrei ka-en hamon ta batanau malen tiri Juwis ta asan ku-i aha; iri Juwis kameh winiyan bamekes kandriyen ta bokoro-ei jo bwe. Arile, jo baleheya aha bala buku badeh, bwe. Eme ma iri abo gok ta bokoro-ei jo le ai. Ma ndrine iri badeh, irih tek kahis, tasah jo badeh, asehek ta nyala kei tondreh mene iri tatahi Jises Krais udu aliy.

La-ukei ta Pol atorou ili tiri lau badu kon Rom 9:33

I le buku tarou ta Kindrei asehek nyala aliy anya, “Ndranye aha kanuhun, jo nyahani bek udu Sayon ta tono-ei kati iri lau kato-ak Ma bek doh kameh tono-ei kati iri lau, ma iy kameh amekes lau taku areu san. Are lau atehei budon tan handru in tan kameh iy winiyan bani bwilima bwe.” Aisaya 8:14; 28:16

Metiu 26:31

Ano Jises tiye toro i buku doh, “Ado mari kameh ruwani jo, ma sakaliye au na ben dah, tasah iri ndratorowei bwena udu bolo buk ndrabun i buku doh, ‘Jo kameh idi ndramak ta tondrok, ya iri sipsip tan kameh aseker laleyah.’ Sekaraya 13:7

Metiu 22:13

“Kabin nane tiye toro lau ta ndrokei tan anya, ‘Ado kasawei katin ma minen ya ado kakahei iy ki-iu kili manan bolo lulik. Bolo lulik doh kameh iri lau aden andra-i labai ma lihi iri kameh asenyer andra-i labai.’

Metiu 25:20

Ndramak nane kuhi lamalou (K5,000) eme madan ma iy anya, ‘Tinan tek, ou mene atehei lamalou (K5,000) eme tek. Jo ili ja mesekei lamalou (K5,000) ja ndrala hawen.’

Metiu 16:23

Arile Jises tubuni iy ma iy asehek ta Pita i buku doh, “Satan, ou a len a konak! Ou anya aturuk san tek. Ou ba-en hamon ta budon ta Kindrei bwe. Ou a-en hamon le ta budon tiri lau.”

Metiu 11:6

Eme ya, sekesek ki toro lau heh le nane bataku ta budon toro bwe, tasah ta jo le.”

Metiu 5:22

Arile jo katiye handru, i buku none are lau andra-i i hawe nadu tinen, iy kameh ales ili ta mada sahou tinan, ya are lau tiye ili ta nadu tinen i buku doh: ‘Ou badeh, mwasin ta laleyah le,’ ya idah kameh ou ala ales a ta mada sahou tinan ta kansol tiri Isra-el. Ya are lau tiye ili ta nadu tinen i buku doh, ‘Ou lolo-ou,’ ya idah kameh mirihik ou ales ala bolo jih.

Metiu 17:27

Arile, kora-on to kabwidiy, ma oro kabolosen keme ta to. Ou ala kapa gwa ou akeh jai. Ari ni ou aluwiy ma bwena, idoh ou sihi bohon, ya ou kameh atou luk ari ereu bohon. Ou andrei luk doh ou ala atehei ki mine oro. Idoh ta takis ta talu ma la-uh.”

Metiu 18:8

Buku none minem deh katim aliu ou ta amekes kandriyen ndra-in, mwasin ou saniy ya ou akahei ki-iu! Sebwe mwasin ta ou minem raka le ma ou katim raka le ta akohok koham mwasin ta ereu le buku doh. Kora-on minem ma la-uh ma katim ma la-uh udu aliy, ya iri kakahei ou ala bolo jih ale winiyan bamak bwe-en!