Metiu 5:29 - Nyindrou

²⁹ Ya i buku none madam salin suni ou ala bolo kandriyen ndra-in ta karei, ou holowani madam salin keme len, ya ou akahei ki-iu. Mwasin ta ou holowani madam salin ki-iu, ndra-in ta sakahei ou ma buruwen sala bolo jih ta udu le buku doh.

Metiu 5:29 Referans Kwoze

La-ukei ta Pol atorou ili tiri lau badu kon Rom 8:13

Tasah, i buku none aha katehei manyah taha mari badu bolo oda aha mari ki mine karei ma lomondra ndra-in, idah kameh, aha amak; arile i buku none aha katehei Malawin Ndrabun kasebenei aha katikahei karei ma lomondra ndra-in badu bolo oda aha ki-iu, idah kameh, aha winiyan bamak bwe, aha kameh ado le buku doh.

Kolosi 3:5

Aha badeh, ndramak hawe Krais. Eme ma, aha winiyan ba-en hamon ta kandriyen ndra-in ja bwe. Aha badeh, kadai iri kandriyen mari badu kon munyak udu ndrine aha ki-iu. Jo asehek ta kandriyen buku: Kandriyen ta karei, ma kandriyen ta amadin hawe badih o mwan tasou, ma kandriyen ta kereyani ndrine ndramak ta amekes karei, ma kandriyen ta ndrakok. Idoh i buku aha atehei bwili ndru-u aha i andri ili ta kindrei, iri amekes na sukumada kei. Tasah, lakou badu kon munyak badeh, akohok kon ta Kindrei udu bolo koha aha ja.

1 Korin 9:27

Jo bwidi badak amwenen i buku bonyo-ou tek. Jo a-um badak amwenen ta amekes iy kabadok ta bahun. Jo amekes i buku doh, tasah, kora-on jo kasehek sahou mwasin kili tiri mwan ma badih rayah, ano Kindrei kameh asehek eme tek i buku doh, “Ou ndramalin mara-ei.”

La-ukei ta Pol atorou ili tiri lau badu kon Rom 6:6

Sahou doh handru, tasah taha ndratanan ta kandriyen ndra-in ta ndrine taha malen badeh, ndratahiy i bada kei tondreh hawe Krais. Eme ya, bada taha ndra-in ta karei ma lomondra ndra-in ano, ma taha winiyan bala bonyo-ou ta karei ma lomondra ndra-in ja bwe.

Galesiya 5:24

Eme, are lau oro badu hawe Jises Krais badeh, ndrasani san ta kandriyen ta bada oro satondrok oro. Idoh i le buku oro ndratahi so-ok ndra-in ta bada oro kimek ki-in bada kei tondreh.

Tarou ta Mak 8:36

Ya, buku none ari ndramak kuhi lakou mari badu kon munyak, ya iy kimek, iri lakou doh kameh sebenei iy i buku sah handru?

Metiu 19:12

Ado kanuhun. Iri lau rayah areu kede-eh iri ale batasou bwe. Lau ra-on bada iri andra-i kala tine iri tuwi iri. Lau ra-on asan iri, ma iri winiyan bamekes nah bwe, ya ra-on abudon ta amekes gok ta Kindrei, ya iri abeles iri ya iri batasou bwe. Arile, are lau winiyan akohok sahou dah, iy kakohok.”

Metiu 10:28

Ado sanoh tiri lau ale winiyan idi bada ado na dah, arile iri winiyan badai malawi ado bwe. Arile ado kanoh labai ta Kindrei, tasah iy winiyan idi malawim ma badam udu bolo jih ale anya udu le buku doh.

Metiu 23:15

“Ado lau tanan ta batanau malen ma ado Parasi, ado kabudon kamwenen! Sisi-in laba tinan doh kameh ewek bwele-e ado! Ado kalime ado la-uh! Ado adek bolo kon ma bwele-e ndras mari ta amekes ndramak ari le ta in hamon taha. Ya buku none iy in hamon taha, ado mesekei iy ndramak ta i bolo jih, i buku none ado le. Ado mesekei kandriyen tan asahan ndra-in, sakalawi tado ja.

Metiu 16:26

Ya, buku none ari ndramak kuhi lakou mari badu kon munyak, ya iy kimek, iri lakou doh kameh sebenei iy i buku sah handru? Ya lau kadeu saba sowan handru kameh ta akohok kohan keme hamon?

Metiu 5:22

Arile jo katiye handru, i buku none are lau andra-i i hawe nadu tinen, iy kameh ales ili ta mada sahou tinan, ya are lau tiye ili ta nadu tinen i buku doh: ‘Ou badeh, mwasin ta laleyah le,’ ya idah kameh ou ala ales a ta mada sahou tinan ta kansol tiri Isra-el. Ya are lau tiye ili ta nadu tinen i buku doh, ‘Ou lolo-ou,’ ya idah kameh mirihik ou ales ala bolo jih.

Metiu 23:33

“Ado mwak ndra-in. Kindrei kameh atehei ado ala ta mada sahou, ma ado kameh ala bolo jih. Ya ado kasahan kamwenen ki buku sah handru?

Tarou ta Luk 12:5

Arile, jo anya kaleheya ado ta are handru kameh ado kanoh iy: Ado kanoh labai ta Kindrei, tasah iy winiyan idi ndramak imek, ano iy le tan boto-on udu aliy ta akeh ndramak doh, i bolo jih. Eme jo asehek tado dah badeh, ado kanoh iy.

Metiu 5:30

Ya, i buku none minem salin suni ou ta amekes kandriyen ndra-in ta karei, mwasin ta ou saniy ki-iu ya ou akahei ki-iu. Mwasin ta ou sani minem salin ki-iu, ndra-in ta sakahei ou ma buruwen sala bolo jih ta udu le buku doh.”

Metiu 11:6

Eme ya, sekesek ki toro lau heh le nane bataku ta budon toro bwe, tasah ta jo le.”

Metiu 17:27

Arile, kora-on to kabwidiy, ma oro kabolosen keme ta to. Ou ala kapa gwa ou akeh jai. Ari ni ou aluwiy ma bwena, idoh ou sihi bohon, ya ou kameh atou luk ari ereu bohon. Ou andrei luk doh ou ala atehei ki mine oro. Idoh ta takis ta talu ma la-uh.”