Metiu 5:28 - Nyindrou

²⁸ Arile, jo katiye kewek tam, ki buku none ari ndramak kanyolom boto-on kili bada ari badih ta amekes budon ndra-in ta karei kili tan, iy ndramak doh ndramesekei karei hawe iy badih doh ndrado ndrinen kabwe.

Metiu 5:28 Referans Kwoze

1 Jon 2:16

Taha tana taha iri kandriyen ta lau badu munyak badeh, buku none: Ade iri a len, ma mada iri alikis, hawe kandriyen ta bar ndra-in anya, “Jo le ai, jo le ai.” Kandriyen mari doh badeh, bareu ta Kindrei bame bwe. Iri kandriyen doh badeh, badu kon munyak le.

Jenesis 34:2

Eme badeh nadu Hamor nyaran Sekem badeh badu Hiba, iy atondrok loboho doh, eme badeh iy anyolom Dinah badeh iy mwesekei karei i tan.

2 Pita 2:14

Arile, mada iri badeh, ndra ta karei le, ma oro badeh, abuyeh iri badih tasou ta amadin iri, eme iri winiyan baruwaniy ta amekes bwe. Ya, i buku iri anyolom are lau bales handru ta budon tan i ta Kindrei bwe, idah kameh iri asehek sahou nyaman ta atamas oro ka-en hamon tiri. Eme i san le doh kameh, iri amekes oro asahan lau tiri. Ma iri ale badeh, leheya iri le ta tanan mwasin labai ta aliu luk hawe lakou badu mine iri lau. Eme iri lau ta leheya tanan ta wasai doh badeh, Kindrei ndratandrakan ta iri kameh winiyan basahan ari ndramak awas bwe, oro ta amak le au.

La-ukei ta Pol atorou ili tiri lau badu kon Rom 7:14

Taha tanan, batanau malen badeh, Kindrei le edeu. Arile jo badeh, ndrala bonyo-ou ta karei ma lomondra ndra-in, tasah jo ba-en hamon ta seken ta Kindrei bwe.

Metiu 5:39

Arile jo katiye tam, ou sadeu saluwe kandriyen ndra-in ta ndramak are edeu kandriyen ndra-in ewek tam, ndri-iy. Ya i buku none are lau ubwi lim ili kapam salin, mwasin, ou tubuni kapam kamweu kili ja, ya iy kubwi lim ki aliy ale.

Metiu 5:22

Arile jo katiye handru, i buku none are lau andra-i i hawe nadu tinen, iy kameh ales ili ta mada sahou tinan, ya are lau tiye ili ta nadu tinen i buku doh: ‘Ou badeh, mwasin ta laleyah le,’ ya idah kameh ou ala ales a ta mada sahou tinan ta kansol tiri Isra-el. Ya are lau tiye ili ta nadu tinen i buku doh, ‘Ou lolo-ou,’ ya idah kameh mirihik ou ales ala bolo jih.

Metiu 15:19

Iri lakou mari ale asahan ta budon ta ndramak badeh, lolowa ndramak amekes lomondra ndra-in. Lakou buku none, budon ndra-in, kandriyen ta adai ndramak imek, ya iri kandriyen mari ta karei, ma kandriyen ta amekes tasou andra-i, kandriyen ta bahana, kandriyen ta amekes sahou wasai ereu mada iri lau ta anuhun sahou, ma kandriyen ta amekes sahou ndra-in i bada ndramak ari ja.