Metiu 5:26 - Nyindrou

²⁶ Jo katiye tam handru, ou winiyan bame len bwe, winiya le ou sihinei labai na luk in hamon ta maha-an tam.”

Metiu 5:26 Referans Kwoze

Metiu 18:34

Ndramak tinan nane ndrinen irih ya iy atehei iy lau ta gok nane i bolo kou ma iy tiye iri lau ta ndrokei katehei maha-an ki tan winiya le iy kasihinei iri luk tan mari nane kili hamon.

Tarou ta Luk 12:59

Jo katiye tado kamwenen, ado winiyan bame len bwe, winiya le ado sihinei labai na luk in hamon ta maha-an tado.”

Jemis 2:13

Tasah, i buku ari mwan o badih, iy batikisi iri lau rayah ja bwe, udu bada len Kindrei atehei iy ere ta mada sahou, idah kameh Kindrei winiyan batikisi iy bwe le. Arile, are mwan o badih, iy abudon iri mwan ma badih rayah ja, ma amekes kandriyen mwasin ili tiri, iy amwenen kameh winiyan eme len ta mada sahou. Tasah, kandriyen ta tikisiy badeh, udu bwele-en labai ja, ta kandriyen ta adeu maha-an i la-u ndramak.

2 Tesalonaika 1:9

Ya, iri mwan ma badih doh kameh, akohok ndramas ndra-in labai i buku doh: Laban kameh atehei iri are len labai ta madan, ma ta sun badeh, asahan na boto-on tan, ma iri kameh andrakak are ndra bolo jih ta udu le buku doh.

Tarou ta Luk 16:26

Ya laba tinan labai ja badeh, lek laba tinan labai udu ndrokowa to kada-ah. Ma i buku none, are lau anya kudu dah kewek bilisiu hawem badeh, winiyan bwe. Ma ale, i buku none are lau kudu bilisiu tado badeh, anya keme hawe aso kameh winiyan bwe le.’

Metiu 25:46

“Ya oro kameh au ala bolo kon ndra-in, arile iri lau mwasin kameh au ala bolo kon mwasin.”

Metiu 25:41

“Ya iy kameh tiye toro lau areu minen kamweu i buku doh, ‘Ado ka-au ka len! Lakou ndra-in udu la-u ado. Ado kala bolo jih, tama ndralowosaniy ta balik hawe oro angelo tan.

Metiu 10:29

“Ado tana ado, iri lau asih sirih nadu bwisik ma la-uh na luk bororoh le, neh? Arile, tama ado badeh, atondrok uru sirih doh udu mwasin labai. Ari winiyan bamak bwe buku none tama ado baso-ok ta iy imek bwe.

Tarou ta Mak 12:42

Eme ya badih nyau ari tan se lakou bwe badeh, eme akahei luk bororoh saraman ma la-uh le.

Tarou ta Luk 12:58

Ki buku none ari ndramak tan losen udu tam ya iy katehei ou a ta sahou, ya sahou kahis le, badeh, ou ala hawen ya ah kasehek ta aliy bwena. I buku none ou bala bwe badeh, iy kameh seheyani ou ala mine iri lau ta anuhun sahou. Ano iri lau ta anuhun sahou kameh tiye iri lulik atehei ou ala bolo asiu lulik.