Metiu 5:24 - Nyindrou

²⁴ ya, ou ruwani salom tam kudu andri bwena ta mada koto-ok op. Ou ala hawe nadu tinem, ou asehek sahou mwasin kili ta nadu tinem, ta leheya ndrine sen tam hawe nadu tinem ndrano ai. Ano ya ou ame barala baradeu salom tam barala bwele-e mada koto-ok ta salom.

Metiu 5:24 Referans Kwoze

Jemis 5:16

Eme ma, aha ari ari badeh, kasehek nyala kandriyen ndra-in taha nane ki tiri lau ta Kindrei ra-on ja. Ya aha kasolom kili ta Kindrei ta iy kamesekei aha kasahan kamwenen ja. Tasah, buku are mwan o badih, iy mwasin mara-ei ta mada Kindrei, ya salom tan nyamun labai, badeh kameh winiyan sebenei lau solo-an labai asahan mwasin.

1 Timoti 2:8

Eme ya budon tek, jo aseken aha lau mwasin ta mada Kindrei badu kon mari kamekes salom ma kasore mine aha ki loke. Ma hawe aha kateu lim, ma aha sasobobo ndri-iy.

Metiu 23:23

“Ado lau ta leheya kandriyen tiri Juwis ma ado Parasi, mada ado kaleu! Sisi-in laba tinan doh kameh ewek bwele-e ado! Ado kalime ado la-uh! Iri bake mari badu bolo bilin ado apou ari, ari i ronoh, ronoh, ya ado adeu ari ari badu bolo ronoh doh, i ta Kindrei. Idoh mwasin, arile ado ndramani iri sahou tinan badu bolo batanau ta Kindrei, buku none kandriyen ta anuhun sahou amwenen, ma tikisiy lau, ma adeu budon boto-on i ta Laban. Sebwe mwasin ta ado ka-en hamon ta sahou batanau tinan ma ado samani iri sahou batanau bwisik nane ale.

1 Korin 11:28

Taha marakon kanyolom bolo ndrine taha ari, ari amwenen ma bwena, ano taha baraimon jabi ramen, ma a-un na bwesam ta Laban.

Tarou ta Mak 9:50

Ndras mwasin, arile i buku none iy mani nyiminyen, ya idah kameh ou baramesekei nyiminyen barame hamon barala buku sah bah? Ou badeh, i buku ndras ki-in bolo odam ya ndrinem kamunum ki ta ndramak ari ari.”

Metiu 5:23

“Eme ma, i buku none ou anya ala atiye salom tam kili ndrahune salom, ou abudon bwena op, buku nadu tinem badeh iy tan sahou udu tam,