Metiu 5:18 - Nyindrou

¹⁸ “Jo tiye tado handru i buku doh: Idah kameh munyak ma kandrah kameh amai iu. Arile sese kono-o tarou ta batanau malen winiyan bamai ba-au bwe, winiya le lakou mari Kindrei anya kamekes, kasahan i handru.

Metiu 5:18 Referans Kwoze

Tarou ta Luk 16:17

Kandrah hawe kon munyak dah kameh ano iu mara-ei. Arile, ari kono-o tarou badu bolo batanau malen winiyan ta bano bwe.

1 Pita 1:25

arile sahou ta Laban kameh ereu le buku doh.” Aisaya 40:6-8 Sahou doh badeh, iri ndrasehek ndrawek taha nane.

Tarou ta Mak 13:30

Jo tiye tado handru! Iri lau rebesem areu kede-eh kahis na len dah kameh bamak bwe le, iri lakou mari doh kameh asahan.

Rebelesen 20:11

Ano ja, jo anyolom koyeu laba tinan belen ta kabin, ma ndramak ari manyah udu bada koyeu doh. Ma kon munyak hawe kandrah badeh, sakaliye iu ta madan, uru bado ndrahune uru bwena nane ja bwe.

Tarou ta Jon 5:19

Arile, Jises asehek i toro i buku doh, “Handru labai jo tiye tado, Nadu Kindrei winiyan bamekes lakou laleyah bwe. Iy winiyan amekes, buku iy atou taman amekes. Tasah, saba lakou taman amekes, nadun ale amekes.

Metiu 17:20

Eme iy tiye toro i buku doh, “Budon tado boto-on handru bwe, mesekei ado winiyan bwe. Jo asehek tado handru, buku budon tado kasahan ki buku badu buwa kei mastet, idoh ado winiyan tiye ta mandrei idoh, ‘Ou suri ou, ya ou ala kodo-oh;’ iy winiyan ili. Ya idah kameh ari lakou ja batawi ado ta amekes lahou bwe.”

Metiu 16:28

Jo asehek sahou handru ewek tado. Lau ra-on ales areu bolo to dah kameh bamak bwe, ya iri kameh atou Nadu Ndramak Awas eme hamon ma atondrok kon munyak i buku kabin.”

Metiu 13:17

Jo asehek sahou handru ewek tado. Bwena mene propet solo-an, ma iri lau solo-an an hamon ta Kindrei aso-ok handru ta atou iri lakou aha atou na dah. Arile, iri batou bwe. Iri aso-ok handru ta anuhun iri sahou aha anuhun jo asehek. Arile iri banuhun bwe.”

Metiu 10:23

Ya buku none are lau mwan deh badih badu saba kon tinan amekes ndra-in ewek tado, mwasin, ado katobwak kala kon tinan ari ja. Jo asehek sahou handru ewek tado, ado winiyan babwidi gok dah bano bwe udu bolo iri kon tinan badu Isra-el, ya jo Nadu Ndramak Awas ta Kindrei kameh eme hamon ja.

Metiu 6:2

“Ya, i buku ado kadeu lakou ili tiri lau ndra-in, ado soloh ndrah ta lau katanan ado, ndri-iy, sala buku iri lau ta wasai amekes udu bolo asiu ta atukum, ma udu bolo iri kon tinan ale, ta iri lau kamasiye ma katudun oro. Jo katiye handru, oro ndrakohok sihine oro ndrano kabwe.

Metiu 5:26

Jo katiye tam handru, ou winiyan bame len bwe, winiya le ou sihinei labai na luk in hamon ta maha-an tam.”

Tarou ta Jon 21:18

“Jo asehek tam handru: Mwena mene ou ma loweu, ou amwenen apeu balaban tam, ma ou adek ala kon solo-an ou aso-ok ta ala aliy. Arile ou ado, ou ala asahan alon, badeh kameh ou suri minem ili loken, ya ndramak ari ja kameh apeu balaban tam, ano iy sirini ou ala kon nane ou bwalem ta ala aliy.”

Tarou ta Jon 16:23

Buku len doh asahan, ado kameh bandremenya jo ta saba lakou ja bwai. Jo tiye tado handru. Tama kameh edeu tado iri saba lakou ado aso-ok, buku ado ndremenya iy in ta bwele-e nyarak.

Tarou ta Jon 16:20

Jo asehek tado handru. Aha marakon kameh aden i tinan, ma aha kameh tikisiy tinan labai, arile iri lau badu kon munyak kameh sekesek; ado kameh tikisiy, arile tikisiy tado kameh asahan ili ta sekesek ja.

Tarou ta Jon 14:12

Jo tiye tado handru, are lau iri atehei budon tiri marakon eme le tek, idah kameh iri amekes iri gok i buku le gok jo amekes. Ehe, ma gok iri amekes idah kameh udu mwasin labai ja ta iri gok jo ndramekes. Tasah, jo kameh ilih hawe tama.

Tarou ta Jon 13:38

Jises eme tiye i tan ja i buku doh, “Buku sah? Ou winiyan atehei koham marakon eme tek ta aseben jo handru deh? Ou anuhun, jo asehek sahou handru ewek tam, kakaro baden bwe le, ou kameh besebes anya, ou tanam jo bwe san tulusin.”

Tarou ta Jon 13:16

Ado kanuhun kamwenen, iri lau bonyo-ou winiya basakalawi kabin tiri bwe, ma iri salibah ale winiyan bala bwena tare lau nane tiye iy eme ta amekes gok tan bwe ale.

Tarou ta Jon 12:24

Jo tiye tado handru, i buku badu kalom ari bataku bala bwele-e munyak bwe, ma iy bamak bwe, badun ari le udu. Arile, i buku iy imek, idah kameh iy asahan ma iy ato-ou salin solo-an labai.

Tarou ta Jon 10:7

Jises eme asehek sahou san rasan ja, “Jo tiye taha handru, jo madasan handru tiri sipsip.

Tarou ta Jon 10:1

Jises tiye ja i buku doh, “Jo tiye taha handru, are lau iy badek madasan ta kowah tiri sipsip bwe, iy inyek o iy apou ja san kabede kowah, idoh iy ndramak ta bahana.

Tarou ta Jon 8:58

Jises tiye ili tiri, “Jo asehek taha handru en. Abraham basahan bwe le badeh, jo iy ndramak nane ta udu le buku doh.”

Tarou ta Jon 8:51

Jo asehek taha handru. Are lau iy anuhun sahou, ma iy in hamon ta sahou tek, iy kameh winiyan bamak bwe.”

Tarou ta Jon 8:34

Jises asehek sahou ili tiri ja, “Handru labai jo tiye taha, buku are lau iy amekes kandriyen ndra-in, iy badeh, ndra bonyo-ou tiri kandriyen ndra-in.

Tarou ta Jon 6:53

Jises asehek ili tiri i buku doh, “Handru labai, jo tiye taha. Aha badeh, kaimon oda Nadu Ndramak Awas ma aha ka-un ndrayen. Buku aha bamekes bwe, idah kameh kohan handru doh aha winiyan bakohok bwe.

Tarou ta Jon 6:47

Handru labai jo tiye taha. Are lau iy atehei budon tan eme tek, idah kameh kohan handru winiyan bano bwe ta udu le buku doh.

Tarou ta Jon 6:32

Jises asehek i tiri i buku doh, “Handru labai jo tiye taha, Moses badeu naha jabi ramen badu kandrah bwe. Badeh, tama edeu naha jabi ramen handru badu kandrah.

Tarou ta Jon 6:26

Jises asumon sahou toro i buku doh, “Handru labai jo katiye taha. Aha babwetenei iri lahou tinan ma kalem mene aha anyolom jo amekes, bwe, eme aha ame asilah jo ja. Arile, aha ndrani jabi ramen ma bwidi ndrine aha irek. Ta idoh le, aha abo gok ta asilah jo.

Tarou ta Jon 3:11

Jo tiye tam handru, ahi asehek nyala lakou ahi tanan. Ma ahi asehek nyala lakou ahi ndranyolom. Arile, aha badeh, bakohok sahou mwasin nane ahi akeh ewek taha, bwe.

Tarou ta Jon 3:5

Jises asehek i tan ja, “Jo tiye tam handru, ndramak winiyan bala bolo tondrok ta Kindrei bwe, buku badeu iy na gwa ma na Malawin Ndrabun, bwe.

Tarou ta Jon 3:3

Jises eme asumon bohon anya, “Jo tiye tam handru. Ari ndramak winiyan batou tondrok ta Kindrei bwe. Buku kato-ou iy san rasan ja, san ari le doh badeh, iy kameh winiyan anyolom tondrok ta Kindrei.”

Tarou ta Jon 1:51

Jises tiye i toro, “Jo tiye tado handru, ado kameh anyolom kandrah asak, ma iri angelo ta Kindrei kameh atah ala loken, ano atah ame andri bwele-e Nadu Ndramak Awas.”

Tarou ta Luk 23:43

Eme Jises tiye i tan, “Jo katiye tam kamwenen handru en, na le dah kameh, ou ado hawek ado kon mwasin udu kandrah.”

Tarou ta Luk 18:29

Eme Jises tiye i toro anya, “Jo tiye tado handru. Are lau abudon tondrok ta Kindrei, ma iy ruwani asiu tan, ya are lau ruwani udun oro hawe nadun oro, ma nadu tinen oro, ma taman oro hawe tinen oro ado kon ado gwek,

Tarou ta Luk 18:17

Jo tiye sahou handru ewek tado. I buku ado basahan buku none iri nah bwisik dah bwe, ado kameh winiyan bala bolo tondrok ta Kindrei bwe.”

Tarou ta Luk 13:35

Nadah asiu ta salom tado kameh udu laleyah. Eme, jo katiye tado kamwenen, ado winiyan batou jo ja bwe, winiya le len hamon kameh ado anya, ‘Kasekesek ki ta ndramak doh iy eme ta nyara Laban.’ ” Wari 118:26

Tarou ta Luk 12:37

Idah kameh, udu mwasin toro labai, tasah mada oro badeh, bamadin bwe, na len ndramak ta kati asiu asahan. Eme ya jo katiye tado kamwenen, idah kameh, iy asini awin ta lohowan tan, ano iy tiye oro manyah ado andri ano iy bwese nyamon i noro.

Tarou ta Luk 11:51

Udu ndra kabatana ndraye Ebol eme isos ndraye Sekaraya, mene adai iy ya ndrayen amou udu ndrokowa mada koto-ok ma asiu ta atudun. Eme jo bawendreya bwe, ado lau na len dah kameh a saluwe oro bwese isi mari doh.

Tarou ta Mak 14:30

Eme Jises asehek i tan anya, “Handru jo asehek tam. Na ben dah kameh, kakaro baden san lusan bwe le badeh, ou kameh besebes anya ou tanam jo bwe san tulusin.”

Tarou ta Mak 14:25

Jo tiye tado handru. Jo winiyan ba-un ndraye buwa waen dah hawe ado ja bwe, winiya le len jo kameh a-un ja i san ha-un udu bolo tondrok ta Kindrei.”

Tarou ta Mak 14:18

Eme oro an ndra andri aimon nyamon badeh, Jises asehek i toro i buku doh, “Jo tiye sahou handru ewek tado, iy ari ereu bolo ado kede-eh kameh atehei jo i mine iri lau ndra-in, iy ala aimon nyamon hawek en.”

Tarou ta Mak 14:9

Ya jo tiye handru i tado. Saba kon iri atiye sahou mwasin ili udu bolo kon munyak dah, saba lakou iy ndrabwidiy dah kameh iri asehek ta aliy ta abudon nyaran.”

Tarou ta Mak 12:43

Eme Jises luhi oro lau tan ame ma iy asehek i toro, “Jo katiye tado handru en! I badih nyau tan lakou bwe kede-eh, akeh luk solo-an labai ja tiri lau rayah kede-eh ja.

Tarou ta Mak 11:23

Jo asehek sahou handru ewek tado, ou are lau asehek sahou i ta mandrei doh anya, ‘Ou suri ou ya ou sandroh ala bolo ndras,’ ma budon ta nohonoh sa-en ndrinem, arile budon tam handru ki-in ta lakou ou asehek, idah kameh asahan tam buku le ou nane ndratiye.

Tarou ta Mak 10:29

Pita asehek i buku doh, ma Jises asehek i toro anya, “Jo tiye tado handru. Are lau ruwani asiu tan, ma nadu tinen mwan, ma buru-un, ma taman uru tinen, ma nadun, ma bilin tan tasah ta jo, ma ta sahou mwasin,

Tarou ta Mak 10:15

Jo tiye sahou handru ewek tado. I buku ado basahan buku none iri nah bwisik bwe, ado kameh winiyan bala bolo tondrok ta Kindrei bwe.”

Tarou ta Mak 9:41

Jo tiye tado handru! Are lau atehei bwiniu gwa i wa-im, tasah ou badu hawe Krais, sihine i lau doh winiyan ba-au laleyah bwe.

Tarou ta Mak 9:1

Eme Jises asehek i toro i buku doh, “Jo asehek sahou handru ewek tado. Lau ra-on ales ereu bolo to dah kameh winiyan bamak bwe, ya iri kameh anyolom tondrok ta Kindrei ma hawe boto-on tan kameh asahan.”

Tarou ta Mak 8:12

Eme ya budon tan ihis in bolo ndrinen o-on, eme iy anya, “Ki buku sah handru iri lau mwan ma badih ta len dah anya katou kalem? Jo tiye tado handru en! Idah kameh kalem handru winiyan basahan tiri lau na len dah bwai.”

Tarou ta Mak 6:11

Ya, i buku none ado asahan rakon kon, ya iri lau badu kon doh basekesek ta akohok ado ala asiu tiri bwe, ma iri basekesek ta anuhun sahou tado bwe, ya buku ado anya ka-au, ado katuruhi kasu on ma ndren ta kati ado ki-iu, ya ado ka-au. Ya eme ta kalem doh iri kalomondra ta kandriyen ndra-in tiri.”

Tarou ta Mak 3:28

“Jo tiye tado handru! Kindrei kameh winiyan mani kandriyen ndra-in ta lau, ma sahou ndra-in lau asehek.

Metiu 25:45

“Iy kameh asumon i buku doh, ‘Handru jo tiye tado, buku none ou bamekes bala ta ari ndramak laleyah kede-eh bwe, ou bamekes bame tek bwe le.’

Metiu 25:40

“Ya kabin kameh asumon i buku doh, ‘Handru, jo tiye tado, buku none ou ndrabwidiy ndrala ta ari nadu tinek laleyah kede-eh, ou ndrabwidiy ndrame tek.’

Metiu 25:12

“Arile iy asumon boho oro anya, ‘Jo tiye handru, jo tanan ado bwe oh!’

Metiu 24:47

Jo tiye tado handru, tinan tan kameh atehei iy ta atondrok iri lakou tan mari.

Metiu 24:2

Eme iy asehek sahou ja i toro i buku doh, “Ado ndratou iri lakou mari ta asiu kede-eh? Jo tiye tado amwenen, ari ndruwi asiu bek kameh winiyan bales bareu loken bwe. Iri marakon kameh ato-oh iu i andri.”

Metiu 23:36

Jo asehek sahou handru ewek tado, sohowa iri kandriyen ndra-in doh kameh ewek bwele-e aha lau mwan ma badih ale kede-en.”

Metiu 21:31

Ya uru nah ma la-uh doh are lau handru in hamon ta budon ta tama uru?” Eme oro lau nane anya, “Nadun kadok.” Eme Jises tiye toro i buku doh, “Jo asehek tado handru, iri lau ta akohok luk ta takis taha ma hawe iri badih ta madasarah kameh ala bwena ala bolo tondrok ta Kindrei.

Metiu 21:21

Eme Jises asumon boho oro i buku doh, “Jo asehek sahou handru ewek tado, buku none ado atehei budon handru in ta Kindrei ya ado babwerei bwe, ado winiyan mesekei kandriyen jo amekes i ta kei pik nane. Ya idoh le bwe, buku none ado tiye i ta mandrei dah, ‘Ou suri ou ya ou sandroh ala bolo ndras,’ lakou doh kameh asahan buku le ado nane ndratiye.

Metiu 19:28

Jises asehek i toro i buku doh, “Jo asehek handru ewek tado, na len lakou mari asahan ha-un, ya Nadu Ndramak Awas kameh akohok nyaran i tinan, ma iy kameh manyah udu koyeu ta kabin, koyeu doh tan amwenen. Na len doh ado lau ale an hamon tek, ado ale kameh manyah ado koyeu ma ronoh la-uh mwasin, ma ado kameh anuhun sahou toro boho kamen ma ronoh la-uh badu Isra-el.

Metiu 19:23

Eme Jises tiye toro lau tan i buku doh, “Jo tiye handru ewek tado, idah kameh, boto-on labai ta ndramak tan lakou solo-an, i buku none iy anya kili bolo tondrok ta Kindrei!

Metiu 18:18

“Jo asehek sahou handru ewek tado, iri lakou ado asehek iri mwan ma badih kamekes udu munyak dah, mwasin, Kindrei udu kandrah sekesek ale. Ya saba lakou ado turukiy udu kon munyak, idoh kameh Kindrei ale turukiy udu kandrah.

Metiu 18:3

Ano iy tiye i buku doh, “Jo tiye sahou handru ewek tado, buku none ado batubuni ndrine ado bwe, ma basahan buku none nah nadu bwisik dah bwe, ado winiyan bala bolo tondrok ta Kindrei bwe.

Metiu 11:11

Jo tiye tado amwenen, Jon ta alomwa badeh sakalawi iri lau mari tine iri tuwi iri ereu kon munyak eme kala dah. Arile, are lau nyaran bwe, udu baha tondrok ta Kindrei eme kameh sakalawi nyara Jon ja.

Metiu 10:42

Ya are lau atehei le ari bwiniu gwa i wa-i are lau laleyah badu hamon tek, mwasin, jo asehek handru ewek tado: Sihine i lau doh winiyan ba-au laleyah bwe.”

Metiu 10:15

Jo asehek sahou handru ewek tado, na len Kindrei edeu lau ala ta mada sahou eme kameh, kon tinan dah kameh, bwese maha-an laba tinan tinan labai sakalawi ja maha-an mene asahan tiri lau ndra-in badu kon tinan Sodom ma Gomora.”

Metiu 8:10

Jises anuhun sahou doh ma manin atur, ma iy tiye ili tiri lau a-en hamon tan i buku doh, “Jo katiye tado handru, jo bandruni ari lau badu Isra-el tan budon tinan bala buku iy lau dah bwe.

Metiu 6:16

Jises asehek ili le i buku doh, “Ki buku none ado anya kabeles ado ta nyamon, ado samekes teheya mada ado sandra-i sala buku iri lau ta wasai amekes. Ya iri lau ta wasai leheya mada iri ma teheya iri ta lau katou iri, kabeles iri ta nyamon. Jo katiye tado handru, oro ndrandrei sihine oro mara-ei ndrano kabwe.

Tarou ta Luk 4:24

Eme Jises anya, “Jo katiye tado kamwenen, iri lau badu bolo kon tiri propet amwenen badeh, iri winiyan baseken iy bwe.