Metiu 5:11 - Nyindrou

¹¹ “Sekesek handru ewek tado tasah, iri lau asehek sahou ta bobose ado ma iri adai ado ma iri asehek sahou ndra-in handru ta wasai ewek tado, tasah ado a-en hamon tek.

Metiu 5:11 Referans Kwoze

1 Pita 4:14

Aha kasekesek buku none iri lau asehek sahou ma aluhe aha. Tasah, aha badeh, an hamon ta Krais. Ma moson ta aliy i buku doh: Malawin Ndrabun ta Kindrei badeh, nyaran tinan, ya iy boto-on labai, ma iy ereu la-u aha handru.

Tarou ta Luk 21:17

Ya iri lau mari kameh baseken ado bwe, tasah ado an hamon tek.

Tarou ta Mak 13:13

Ya iri lau mari kameh baseken aha bwe, tasah aha badeh, an hamon tek. Arile, are lau tawi iy ili isos munyak ano, Kindrei kameh winiyan akohok iy i hamon ja.

Metiu 24:9

“Ano, iri kameh ateu ado, ma a-um ado, ma adai ado amak. Iri lau badu kon munyak tinan mari kameh baseken ado bwe, tasah ado an hamon tek.

Tarou ta Luk 6:22

Ou are lau, iri lau amekes budon ndra-in i tam, ya iri bwale iri ou, hawe iri aluhe, ma hawe iri kaloh ou anya malawin ndra-in udu la-um badeh, ou sekesek, tasah ou badeh, an hamon ta Nadu Ndramak Awas!

1 Pita 2:23

Iri aluhe iy, arile iy basumon ta luhe tiri bwe. Iy akohok sisi-in, arile iy bamekes ari lakou ndra-in bala hamon bala tiri lau, bwe. Iy atehei iy i le mine Kindrei, ndramak mwasin labai ta anuhun sahou tataha mari.

Tarou ta Jon 15:21

Arile, iri kameh winiyan amekes iri saba lakou ndra-in ewek taha, tasah aha lau tek, ma iri bala tanan ta are lau handru nane suni jo eme dah bwe.

Metiu 10:22

Ya iri lau mari kameh baseken ado bwe, tasah ado badeh, an hamon ta sahou tek. Arile, are lau ales boto-on, ma baruwani budon tan ba-au tek bwe, winiya le len ta maha-an doh ano, Kindrei kameh andrei iy eme hamon.

Metiu 10:39

Iy are lau iy atehei budon boto-on ta amekes manyah tan kudu mwasin, iy winiyan batakalahei kohan mwasin bwe. Arile, are lau anya ki-in hamon tek, ya iy babudon ta kohan nadah bwe, iy winiyan akohok manyah mwasin hamon.”

Rebelesen 2:3

Aha badeh, ndra-en hamon tek, ma aha ndratawi nyarak ndrahis mara-ei. Eme ma iri lau badeh, amekes ndra-in ewek taha. Arile, aha badeh, ales boto-on labai, ma bwese iri maha-an mari doh, ma jo tanan aha bawoyah ta aliy bwe.

Metiu 19:29

Ya are mwan ma badih ale abudon nyarak, ma iy ruwani asiu tan ma nadu tinen mwan ma buru-un, ma taman uru tinen, nadun ma bilin tan, iy kameh akohok ndramas buku san rinek (100) ja i la-un, ma akohok kohan mwasin ta ereu le buku doh.

2 Korin 4:11

Ehe, ahi badeh, amekes gok ta Jises, ma ta iri len marakon ahi ado awas are kon munyak dah, iri mwan ma badih badeh, none ta adai ahi kamak. Arile, ahi bamak bwe le, ma idoh leheya iri mwan ma badih, buku koha Jises badeh, udu bolo oda ahi, oda ahi doh badu kon munyak le.

1 Korin 4:10

Tasah, ta atudun nyara Krais le ari badeh, ahi asahan i buku iri lau bale iri bwe, arile Krais badeh, ndrabwidi aha asahan iri lau ta tanan labai. Ahi se boto-on ma ahi nyamu ahi bwe, arile aha ndrabadok kabwe. Ahi se nyara ahi bwe, arile nyara aha badeh, ndra tinan labai.

La-ukei ta Pol atorou ili tiri lau badu kon Rom 8:36

Ki le buku sahou udu bolo tarou mene ndratiye anya, “Aso lau tam, eme ma, na ou le badeh, aso are bohosak ta imek na len mari; Iri boso-ou aso andra-i labai, i buku none iri bosowa sipsip ta anya kasan balen.” Wari 44:22

Tarou ta Luk 21:12

“Arile, lakou mari doh kahis le kameh iri ateu ado. Ma iri kameh adai ado, ano seheyani ado ala asiu ta atukum tiri Juwis ales are mada sahou. Ano ja kameh iri seheyani ado ala hawe iri kabin hawe iri lau ta atondrok. Iri amekes doh tasah, idoh len ta ado katiye sahou tek mwasin ki tiri.

Tarou ta Luk 9:24

Tasah, buku none ari ndramak anya katawi kohan kudu, kohan kameh ano. Arile, buku none ari ndramak abudon jo ya kohan ano, iy kameh winiyan andrei kohan ja.

Tarou ta Mak 8:35

Tasah, buku none ari ndramak anya katawi kohan kudu, kohan kameh ano. Arile, buku none ari ndramak abudon jo ma atiye sahou mwasin tek, ya kohan ano, iy kameh winiyan andrei kohan ja.

Metiu 10:25

Arile, buku none ari ndramak ta akohok tanan asahan buku none ndramak ta leheya iy, mwasin. Ya buku none ari bonyo-ou asahan buku none ndramak ta atondrok iy, mwasin. Iri lau tinan badu Isra-el tondrohani jo tama boho kamen, nyarak Belsabul. Ya idoh ado katana ado, iri kameh tondrohani nyara ado i le ndra-in labai, tasah, ado lau mwan ma badih an hamon tek.”

Aposel 9:16

Jo amwenen kameh leheya iy ta iri maha-an ma sisi-in, iy kameh bwese ta nyarak.”

Tarou ta Mak 13:9

“Arile, bale aha ki-in taha, tasah iri kameh ateu ado ma adeu aha a mine iri kansol ma atehei aha a ta sahou. Ya iri kameh ubwi aha an bolo asiu ta atukum tiri Juwis, ma aha kameh ales are mada iri lau ta atondrok ma hawe iri kabin. Iri amekes doh ta ado katiye sahou tek mwasin ki tiri ya iri marakon kanuhun ma katanan.

Metiu 27:39

Eme ya iri lau adek mirihik tan, nyokoda batu iri ili eme ma bobose Jises i buku doh,

Tarou ta Mak 4:17

arile bala ndrine iri handru bwe ma bare gwek luluwen bwe. Ya i buku none ndrine sen asahan deh bwe-em ndra-i asahan, tasah ta sahou ta Kindrei, ya idah kameh, suwi suwi iri taku.

Metiu 10:18

Handru labai! Iri kameh seheyani ado ala mada iri lau ta atondrok, ma hawe iri kabin, ma iri kameh atehei ado ala ta mada sahou. Idoh le, ado winiyan leheya sahou tek ili tiri, ma hawe iri lau mwan ma badih badu leheleh ale.

Tarou ta Jon 9:28

Eme bwidi iri asehek sahou boto-on i tan, “Ou lau tan ari ai! Ahi lau ta Moses labai!

Pilipai 1:29

Eme ya Kindrei edeu budon ma la-uh doh ewek tado: Ado kales ta budon randrah le hawe Krais, ma hawe ado kales boto-on ta bwese isi ta lahou ta Krais.