Metiu 4:9 - Nyindrou

⁹ Eme ma balik tiye i ta Jises i buku doh, “Jo winiyan atehei lakou mari dah ewek tam, i buku ou atehei bwili ndru-um i andri keme tek, ma atudun nyarak.”

Metiu 4:9 Referans Kwoze

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

Tarou ta Jon 16:11

Iri ndrandra-i ta len ta sahou ta Kindrei, tasah Kindrei ndratehei maha-an ndrala bwele-e kabin badu kon munyak.

1 Timoti 3:6

Iy ale winiyan batondrok lau ta Kindrei bwe, buku iy barasahan lau ta Kindrei ai, bwe kameh, budon ta atudun iy kameh i tinan ma idah kameh iy anya, iy le. Ya, buku none iy amekes i buku aliy, idah kameh iy akohok maha-an kameh i le buku balik.

Rebelesen 19:16

Udu bada awin tan lawe-en, ma bada ndrubulon badeh, iri torowenei nyara lakou ari udu aliy i buku doh, “Kabin tiri Kabin ma Laban tiri Laban.”

Tarou ta Jon 14:30

“Jo winiya basehek sahou luluwen hawe aha bwai, tasah ndramak ta atondrok kon munyak dah eme. Boto-on tan badeh, winiya batubuluhi boto-on tek bwe.

Tarou ta Jon 13:3

Jises tanan taman badeh, ndratehei iri boto-on marakon ndrala bahandra tondrok tan, iy udu hawe Kindrei eme, ano iy kameh iu ili loken hawen ja.

Tarou ta Jon 12:31

Na len idah kameh Kindrei atehei lau marakon badu kon munyak a ta sahou; na idah kameh iy tikahei kabin badu kon munyak dah iu.

Metiu 26:15

Ma iy tiye toro, “Saba lakou handru kameh ado atehei eme tek, buku none jo atehei iy ewek mine ado?” Eme oro sihinei iy na bek nyikilikin silba ma tonoh (30).

Metiu 4:10

Jises tiye i tan i buku doh, “Ou a len, Satan, tasah ndratorowenei ale, ‘Ou atudun le nyara Laban Kindrei tam, ma ou a-en hamon tan le ari kabwe.’ ” Dutoronomi 6:13