Metiu 4:4 - Nyindrou

⁴ Eme ya Jises tiye i buku doh, “Ndratorowenei, ‘Lau winiyan balelei le jabi ramen ta samak bwe, arile na sahou mari eme len asahan boho Kindrei.’ ” Dutoronomi 8:3

Metiu 4:4 Referans Kwoze

Tarou ta Luk 4:4

Eme Jises tiye i tan i buku doh, “Ndratorowenei, ‘Lau winiyan balelei le jabi ramen ta samak bwe!’” Dutoronomi 8:3

Tarou ta Jon 6:63

Oda ndramak winiyan badeu kohan handru bala ta ndramak bwe. Idoh badeh Malawin Ndrabun edeu kohan handru. Sahou jo asehek ewek taha badeh, ta Malawin Ndrabun, ma iri sahou doh edeu koha iri ewek taha.

La-ukei ta Pol atorou ili tiri lau badu kon Rom 15:4

Tasah, sahou mene ndratorowenei ndra-au ndra-au udu bolo tarou ta Kindrei badeh, ta leheya taha kado le, ma ta amekes taha kabadok ta abe-en lakou mwasin udu bwena tataha eme.

Epesus 6:17

Kindrei andrei aha ndrame hamon. Eme ma, budon doh aha katehei buku barak iri amekes na hayen ta tubuloh bwisi batu aha. Ma aha kakohok iri sahou ta Malawin Mwasin ta Kindrei nane edeu ewek taha. Sahou doh kameh asahan i buku samen kasoh madan madan labai, aha kandrei kudu mine aha ta asan iri sahou ta bahun.

Tarou ta Luk 4:8

Eme Jises tiye i tan ja i buku doh, “Sahou ta Kindrei badeh, ndratorowenei ale, ‘Ou atudun le nyara Laban Kindrei tam, ma ou a-en hamon tan le ari kabwe.’ ” Dutoronomi 6:13

Metiu 4:10

Jises tiye i tan i buku doh, “Ou a len, Satan, tasah ndratorowenei ale, ‘Ou atudun le nyara Laban Kindrei tam, ma ou a-en hamon tan le ari kabwe.’ ” Dutoronomi 6:13

Metiu 4:7

Jises tiye i buku doh i tan, “Ndratorowenei ale, ‘Ou satehei Laban Kindrei tam sala ta bolo none.’ ” Dutoronomi 6:16

Tarou ta Luk 4:12

Jises tiye i buku doh i tan, “Sahou ta Kindrei badeh, ndratiye, ‘Ou satehei Laban Kindrei tam sala ta bolo none.’ ” Dutoronomi 6:16

Metiu 15:11

Saba lakou i bolo boho ari ndramak, idoh babwidi iy bandra-i bwe. Arile, lakou bohon asehek, idoh mesekei ndramak andra-i.”

Tarou ta Mak 7:20

Eme Jises asehek ili le, “Saba lakou ala udu bolo boho ndramak eme len, lakou don adeh, mesekei ndramak andra-i.

Tarou ta Jon 15:26

“Seben kameh eme. Malawin Ndrabun iy eme ta nyowonya iri sahou handru ta nyala Kindrei. Iy badeh, udu hawe tama eme. Iy badu hawe tama, arile jo kameh suni iy amwenen ewek hawe aha. Ma iy kameh asehek taha ta nyala iri gok nane jo amekes ma hawe iri kandriyen tek.