Metiu 4:24 - Nyindrou

²⁴ Nyaran ma sihide lahou iy amekes aseker i bolo Siriya mara-ei, eme ya iri lau atiye iri lau sik udu tiri, ma iri lau sik tiri bwidi iri sisi-in labai, ya hawe iri lau balik lolowa iri ma bwidi iri lolo-ou, ma hawe iri lau kati iri ma mine iri winiyan ta bales bwe. Iri tiyani iri lau mari doh ame hawen, eme ma iy bwidi iri lau mari doh amwenen ja.

Metiu 4:24 Referans Kwoze

Metiu 17:15

ma iy anya, “Laban, ou tikisi naduk mwan. Iy asahan lolo-ou, ya badan udu ndra-in labai. Len ra-on iy kataku i bolo jih, len ra-on kameh iy taku i bolo gwa.

Metiu 8:6

Ya iy ndramak batun tinan tiye i buku doh, “Laban, ndramak ta ndrahu so-ok tek ibo sik ndra-in labai udu kon, ma iy winiyan ta banyokolokon bwe. Iy akohok sisi-in tinan labai.”

Tarou ta Luk 5:15

Arile, sahou ta nyala Jises badeh, ndraseker ndra tinan labai, eme ya iri lau solo-an ame ta anuhun sahou tan, ma hawe kamekes iri kamwenen.

Tarou ta Luk 2:2

Lahou doh ma mwena handru barasahan ai, ta ondrek kane lau na len, Kuriniyus atondrok kon Siriya.

Metiu 17:18

Eme Jises ibolosen i ta malawi balik nane, ma balik ruwani nah nane, ma nawin bwe, lolo-ou tan ano.

Metiu 15:22

Badih ari badu kon Kenan iy ereu mirihik ta kon tinan Tair hawe Saidon, iy eme ma iy aloh i buku doh, “Laban, ou nadu Debit, ou tikisi jo. Malawin ndra-in ndrabwidi naduk badih ndrandra-i labai.”

Metiu 12:22

Kala doh oro lau ra-on kuhi ndramak ari malawin ndra-in udu la-un. Oro kuhi iy eme hawe Jises. Ndramak doh nane iy madan bwe, ma bohon bwe ale. Eme Jises mesekei iy amwenen, ma iy anyolom na madan ma asehek sahou na bohon ja.

Aposel 10:38

Ma ado ndratanan i san mene Kindrei atehei nyosowan ta Malawin Ndrabun hawe boto-on ili ta Jises badu Nasaret. Ma hawe iy edek ili eme ta amekes lahou mwasin hawe amekes iri lau mene are le bahandra boto-on ta balik. Tasah, Kindrei badeh, udu hawen.

Aposel 15:23

Eme iri atehei la-ukei dah i mine uru ili: “Ya eme aso aposel hawe aso batun ta lau ta budon handru tiye sahou sekesek taso ewek taha nadu tine aso badu leheleh ta budon handru badu Antiyok, Siriya ma hawe Silisiya.

Tarou ta Mak 2:3

Ya eme oro lau ma hahuw bwese-ei ndramak ari badan imek anya keme hawe Jises.

Tarou ta Mak 1:32

Eme na beyeh an anya ki andri badeh, iri atiye iri lau mari sik ma hawe lau malawin ndra-in udu bwele-e iri ame hawen.

Metiu 4:23

Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Aposel 15:41

Ya, uru ala bolo kon munyak tinan Siriya ma hawe Silisiya asehek sahou, ta amekes iri lau ta Kindrei kabadok.

Tarou ta Luk 4:14

Ano Jises eme hamon eme Galili, hawe boto-on ta Malawin Ndrabun udu hawen eme. Ya eme sahou ta nyala iri lakou iy amekes badeh, aseker ili winiya loboho doh.

Tarou ta Mak 1:28

Eme ma sahou ta nyalan aseker ili bolo kon mari badu loboho Galili.

Metiu 14:1

Kala doh iri lau mwan ma badih badu kon Nasaret atehei kona iri i ta Jises, Herot Antipas ndramak ta in bwena ta kon tinan Galili, iy anuhun kundruh ta iri lakou Jises amekes.

Tarou ta Jon 10:21

Iri lau rayah anya, “Sahou doh bala buku iy ndramak, balik bado bwele-en bo-oh! I buku balik udu bwele-en, iy winiyan babwidi mada ndramak kaseu, basak bwe.”

Metiu 9:35

Hamon ta aliy, Jises edek ili bolo iri kon tinan ma bwisik mari, ma iy leheya iri in bolo asiu ta atukum tiri. Iy atiye sahou mwasin ta Kindrei aso-ok iri lau mwan ma badih, ma iy aso-ok iri kame baha tondrok mwasin tan. Ma Jises ale mesekei iri lau mari tiri sik in bada iri amwenen ja.

Metiu 9:26

Eme ma, sahou nyala lakou nane Jises mesekei aseker i bolo kon loboho nane doh.

Metiu 8:28

Jises oro ame asos kapa gwa li loboho kon tiri lau Gadara. Eme ya uru lau ma la-uh doh malawin ndra-in udu bwele-e uru, ma uru ado mada lek adek ame hawe Jises. Ya malawin ndra-in mesekei uru ala lolo-ou ndra-in labai, ma iri lau winiyan badek bala san doh bwe.

Metiu 8:33

Eme ma oro lau ta atondrok bou nane dah atobwak au ala kon tinan, ma ala asehek tiri lau ta lakou mari asahan tiri bou, ma hawe lakou asahan turu lau nane dah malawin ndra-in udu bwele-e uru.

Tarou ta Mak 2:4

Arile iri lau solo-an labai, eme oro winiyan batiyani iy bala hawe Jises bwe. Eme oro bosokei bwele-e asiu amwenen le bwele-e Jises ales udu aliy, eme oro atehei ndramak nane dah in bada nyahan tan ili andri amwenen le ta batala Jises.

Tarou ta Mak 2:9

Katiye ki manamwun ki buku sah handru ki ta ndramak badan imek dah, ‘Kandriyen ndra-in tam ndrasikine ndra-au,’ deh, bwe katiye, ‘Ou suri ou, ou andrei nyahan tam ma ou adek’?

Tarou ta Luk 4:38

Ano Jises udu asiu ta atukum tiri Juwis eme len ales ili asiu ta Saimon. Eme oro asehek i tan ta iy kaseben salahu Saimon. Tasah, iy badeh, ibo sik ma badan badeh, nyarahan nyarahan.

Tarou ta Luk 5:24

Jo winiyan leheya ewek tado ma ado ki tana ado, ta Nadu Ndramak Awas badeh, boto-on labai udu bwele-e munyak dah ta tiye i ta ndramak ta mani kandriyen ndra-in tan iu.” Eme Jises tiye i ta ndramak badan imek dah, “Jo tiye tam, ou suri ou, ou andrei nyahan tam ma ou au a kon!”

Aposel 8:7

Ma hawe iri malawin ndra-in badeh, anyar ma ame len ta ndramak, ma hawe lau kati iri imek, ma bada iri imek badeh, mara-ei amwenen ja.

Tarou ta Luk 7:17

Eme ya sahou ta nyala Jises badeh, aseker ili bolo Judiya ma hawe aseker ili bolo kon tinan mirihik ale.

Aposel 28:9

Pol amekes i buku doh, ma iri lau badu busu nane doh ame le hawen, ma iy nyumuri iri amwenen ale.