Metiu 4:23 - Nyindrou

²³ Jises edek ili loboho Galili mara-ei, leheya ma asehek sahou mwasin ta tondrok ta Kindrei udu bolo asiu ta atukum tiri Juwis, ma iy bwidi iri sik ndra-in mari udu bada iri lau iu.

Metiu 4:23 Referans Kwoze

Metiu 9:35

Hamon ta aliy, Jises edek ili bolo iri kon tinan ma bwisik mari, ma iy leheya iri in bolo asiu ta atukum tiri. Iy atiye sahou mwasin ta Kindrei aso-ok iri lau mwan ma badih, ma iy aso-ok iri kame baha tondrok mwasin tan. Ma Jises ale mesekei iri lau mari tiri sik in bada iri amwenen ja.

Tarou ta Mak 1:39

Eme ma iy edek ili loboho Galili mara-ei asehek sahou in bolo asiu ta atukum tiri Juwis ma atikah iri malawin ndra-in au.

Aposel 10:38

Ma ado ndratanan i san mene Kindrei atehei nyosowan ta Malawin Ndrabun hawe boto-on ili ta Jises badu Nasaret. Ma hawe iy edek ili eme ta amekes lahou mwasin hawe amekes iri lau mene are le bahandra boto-on ta balik. Tasah, Kindrei badeh, udu hawen.

Tarou ta Luk 7:22

Eme Jises asumon boho oro i buku doh, “Ah kala hamon katiye ta Jon ta saba lakou ah ndratou, ma ndranyolom dah: Iri lau mada iri bwe, iri atou kon ja, ya iri kati iri ndra-in iri adek ja, ya iri lau lepra udu tiri, bada iri asahan amwenen, ya iri lau ndranye iri banuhun kon bwe, iri ndranuhun kon ja, ya iri lau ndramak, iri ndrasahan ndrame awas ja, ma hawe sahou ta nyala sahou mwasin badeh, ndratiyaniy ndrala bolo iri lau, lakou bwe.

Metiu 11:5

Iri lau mada iri bwe, iri atou kon ja, iri kati iri ndra-in iri adek ja, iri lau lepra udu bada iri, iri asahan amwenen, ma iri ndranye iri bwe, iri anuhun kon ja, ya iri lau ndramak, iri ndrasahan ndrame awas ja, ma hawe sahou ta nyala sahou mwasin badeh, ndratiyaniy ndrala bolo iri lau, lakou bwe.

Metiu 13:54

ya iy ili kati kon tan amwenen. Ya iy ili bolo asiu ta atukum tiri ma iy leheya sahou ta Kindrei i tiri. Iri anuhun sahou tan, ma mani iri atur, ma iri ndremenya, “Iy ndramak dah akohok tanan ereu heh? Ya are lau edeu boto-on i tan, ma iy amekes iri lahou tinan solo-an?

Tarou ta Mak 1:21

Ano oro ame kon tinan Kapena-um na bolo len ta amunyau, eme ma Jises ili bolo asiu ta atukum tiri Juwis, ma leheya iri lau.

La-ukei ta Pol atorou ili tiri lau badu kon Rom 10:15

Ya, i buku none ndramak basuni oro lau rayah bala len bwe, na saba san kameh oro lau nane atiye sahou doh? I buku ndratorowenei udu bolo buk ndrabun, “Lau sekesek handru ta anyolom ma anuhun ndramak atiye sahou mwasin.” Aisaya 52:7

Tarou ta Luk 8:1

Eme idoh ano badeh, Jises edek ili eme bolo iri kon tinan mari, hawe ili bolo iri kon bwisik mari, atiye sahou mwasin ta Kindrei aso-ok iri lau mwan ma badih, ma iy aso-ok iri kame baha tondrok mwasin ta Kindrei. Ma hawe oro lau tan ma ronoh la-uh badeh, ado hawen,

Tarou ta Mak 6:2

Eme na bolo len ta amunyau, iy leheya iri lau an asiu ta atukum tiri Juwis. Eme lau solo-an anuhun iy asehek sahou, ma mani iri atur, ma iri ndremenya, “Iy ndramak kede-eh, iy akohok tanan doh badu heh handru? Aden! I buku sah iy amekes lahou tinan na minen!

Metiu 24:14

Sahou mwasin dah nyala tondrok ta Kindrei kameh tiyaniy ili isos kon mari, ta iri lau marakon kanuhun, ano kon munyak dah barano.

Metiu 12:9

Ano Jises ruwani kon nane, ma iy ili bolo asiu ari tiri ta atukum.

Tarou ta Jon 18:20

Jises eme asehek i tan, “Len marakon jo badeh, asehek sahou ili tiri lau ba-en kabwak bwe, ma jo leheya iri lau marakon badeh, udu bolo asiu ta atukum tiri Juwis, ma udu bolo asiu tinan ta Kindrei, na len marakon iri ala aliy. Jo batone ari sahou bwe.

Tarou ta Luk 13:10

Na len ta amunyau ari, Jises leheya iri lau udu asiu ta atukum tiri Juwis.

Tarou ta Luk 9:11

Arile, iri lau badeh, ndrandrei budon tan, eme iri an hamon tan ala. Eme iy tiye sahou sekesek i tiri, ano iy asehek sahou ta nyala tondrok ta Kindrei, ma amekes iri lau sik udu tiri amwenen.

Tarou ta Luk 5:17

Ano na len ari ja, Jises leheya iri lau mwan ma badih udu bolo asiu ari. Eme iri Parasi, hawe iri lau ta leheya kandriyen tiri Juwis, badu bolo kon tinan Galili, iri badu Judiya ma hawe badu Jerusalem ame manyah anuhun Jises asehek sahou. Ya eme boto-on ta Laban badeh, eme la-u Jises ta amekes iri lau sik udu tiri kamwenen.

Tarou ta Mak 6:6

Eme Jises manin atur, tasah iri batehei budon tiri handru ba-en tan bwe. Eme ma Jises iu ili kon ari ari ta leheya iri lau.

Tarou ta Mak 3:10

Iy ndramesekei iri lau solo-an ndramwenen, ya eme iri lau sik udu tiri ndrokowa iri ame hawen, tasah oro anya kateu le badan.

Tarou ta Mak 1:14

Ano hamon ta iri ndratehei Jon ta alomwa ndrala bolo kou, Jises eme asahan Galili ta atiye sahou mwasin ta Kindrei.

Aposel 20:25

“Ya, jo mene edek ewek bolo ado atiye sahou ta nyala tondrok ta Kindrei. Arile, na dah jo tanan idah kameh, ado winiyan banyolom jo ja bwe.

Aposel 18:4

Na len ta amunyau mari badeh, iy ili ndrahu tukum tiri Juwis badeh, anya kaliu budon tiri Juwis hawe iri lau badu Grik.

Tarou ta Jon 6:59

Jises asehek iri sahou marakon doh, ma iy leheya iri udu bolo asiu ta atukum tiri Juwis udu Kapena-um.

Tarou ta Luk 10:9

Ma ado kamekes iri lau sik udu tiri kamwenen, ma hawe ado katiye tiri, ‘Tondrok ta Kindrei badeh, ndrame mirihik tado.’

Tarou ta Luk 6:17

Ano, iy eme andri hawe oro, ales udu bwele-e munyak nyemesen. Ma hawe iri lau tan solo-an handru ado aliy. Ma ale, iri lau buku liliy badu loboho Judiya, badu loboho Jerusalem, ma hawe lau badu loboho mada ndras ta kon tinan Tair hawe Saidon nane an doh ale. Iri ame badeh, anya kanuhun Jises asehek sahou, ma hawe iri atiye iri lau sik udu tiri ame hawen, ta iy kamekes iri kamwenen.

Metiu 14:14

Eme Jises anya ki amik, iy atou iri lau solo-an labai, ma iy tikisi iri, ma iy amekes iri lau bada iri ndra-in amwenen.

Metiu 13:19

Iri lau rayah anuhun sahou mwasin nyala tondrok ta Kindrei, arile iri tanan katin handru bwe. Iri buku none le buwa wit taku ereu san, ya balik eme kuhi iu suwi handru sahou mwasin Kindrei tahiy ereu budon tiri.

Metiu 3:2

Ma iy asehek i buku doh, “Aha katobolowe ndrine aha, tasah tondrok ta Kindrei ndrame mirihik.”

Tarou ta Jon 7:1

Ano badeh, Jises edek in bolo kon Galili. Iy bwalen edek ili bolo kon Judiya, tasah iri Juwis badeh, atondrok ta adai iy kimek.

Tarou ta Luk 20:1

Ano na len ari, Jises leheya iri lau ta bolo sahou mwasin udu bolo asiu tinan ta Kindrei. Eme iri lau tinan tiri pris, hawe iri lau ta leheya kandriyen tiri Juwis, ma hawe iri lau ta batun tiri lau badu Isra-el ame hawen.

Tarou ta Luk 4:14

Ano Jises eme hamon eme Galili, hawe boto-on ta Malawin Ndrabun udu hawen eme. Ya eme sahou ta nyala iri lakou iy amekes badeh, aseker ili winiya loboho doh.

Tarou ta Luk 6:6

Ano na len ta amunyau ari ja badeh, Jises ili leheya sahou udu bolo asiu ta atukum tiri Juwis. Eme ndramak ari udu aliy, minen salin imek.

Tarou ta Luk 7:21

Na len doh badeh, amwenen ta Jises amekes sik udu tiri lau iu, hawe amekes iri lau malawin ndra-in udu la-u iri iu ale. Ma hawe iri lau batou kon bwe, atou kon ja.

Tarou ta Luk 9:60

Arile Jises tiye i tan ja, “Iri lau amak badeh, kado gwek. Idah kameh, iri lau badu hawe iri barala bara-eh iri. Arile, ou badeh, adek ala atiye sahou ta nyala tondrok ta Kindrei.”

Tarou ta Luk 16:16

“Sahou ta nyala batanau mene Moses torowenei hawe iri sahou tiri propet badeh, sendrehendreh ta aliy kabatana le Jon ta alomwa, kabwe. Ya, sahou mwasin ta nyala tondrok ta Kindrei badeh, ndratiye udu kabatana Jon ta alomwa, eme taku idah. Eme lau mari badeh, atuw iri alih bolon.

Aposel 28:31

Iy banoh bwe ta asehek nyala tondrok ta Kindrei i tiri, ma iy leheya iri ta sohowa Laban Jises Krais.