Metiu 4:19 - Nyindrou

¹⁹ Eme Jises tiye i turu i buku doh, “Ah kame ka-en hamon tek. Ya idah kameh jo leheya ah san ta akohok lau.”

Metiu 4:19 Referans Kwoze

Tarou ta Jon 12:26

Are lau iy anya kamekes gok tek, iy badeh, ki-in le hamon tek, eme ma kon heh jo udu aliy, iy kameh udu hawek ale. Buku are lau iy amekes lahou tek, tama kameh atehei lomadan tinan ili tan.”

Metiu 16:24

Eme Jises tiye toro lau tan i buku doh, “Buku none ari ndramak anya ki-in hamon tek, mwasin, iy kamani iri so-ok tan mari, ya iy kabwese-ei kei tondreh tan, ya iy ki-in hamon tek.

Tarou ta Luk 9:59

Ano, Jises tiye sahou i ta ndramak ari ja anya, “Ou ame an hamon tek.” Eme ndramak dah anya ja, “Laban, jo kili kihi tama op. Ano jo barawek bara-en hamon tam.”

Tarou ta Jon 21:22

Jises eme asumon iy, “Buku jo aso-ok iy kudu katondrok jo keme hamon, ya saba budon tam? Ou ame a-en hamon tek.”

Tarou ta Jon 1:43

Ano len ari ja, Jises anya kedek kili kon ari iri aloh Galili. Iy ili ndruni ndramak ari nyaran Pilip. Jises eme tiye i tan, “Ou ame an hamon tek.”

Tarou ta Luk 5:27

Ano Jises eme len badeh, iy atou ndramak ari ta akohok luk ta takis, nyaran Libai, iy manyah ereu bolo asiu tan ta gok ta akohok luk ta takis. Eme Jises tiye i tan, “Ou ame an hamon tek.”

Tarou ta Mak 2:14

Ano iy edek ili, ma iy atou ndramak ari ta akohok luk ta takis, nadu Alpeyus nyaran Libai. Iy manyah ereu bolo asiu tan ta gok ta akohok luk ta takis. Eme Jises tiye i tan, “Ou ame an hamon tek.” Eme Libai suri iy ma iy in hamon tan.

Metiu 19:21

Eme Jises asehek tan i buku doh, “Buku none ou anya asahan ndramak mwasin handru, mwasin, ou ala atehei iri lakou tam mari kili mada ba-en, ya luk ou akohok ta iri lakou tam nane ou adeu ki tiri lau tiri lakou bwe. Ou amekes i buku doh kameh ou tam lakou mwasin handru udu kandrah. Ano ou bara-en hamon tek.”

Metiu 9:9

Eme ma Jises edek ili, ya iy atou ndramak ari nyaran Metiu manyah ereu bolo asiu tan ta gok ta akohok luk ta takis, eme ma iy tiye i tan, “Ou ame an hamon tek.” Eme Metiu suri iy ma iy in hamon tan.

Metiu 8:22

Arile Jises tiye i tan i buku doh, “Ndri-iy ai! Ou ame a-en hamon tek, ya iri lau amak badeh, kado gwek. Idah kameh, iri lau badu hawe iri barala bara-eh iri.”

2 Korin 12:16

Arile, iri taha rayah badeh, asehek ta kandriyen tek i buku doh: “Handru, taha banyolom iy akohok lakou tataha bwai. Arile, tanan tan badeh, mwasin labai ta andrek taha, ma kandriyen ta balagwah ta orou no-o taha ta akohok lokowa taha laleyah.”

Metiu 4:18

Jises edek kabede gwa li Galili ma iy atou Saimon, iri aloh iy ale Pita, uru nadu tinen Enduru. Uru akeh kubwin ili bolo gwa li ta akohok ni, tasah uru lau ta bwisir ta ni.

Metiu 4:20

Eme ya nawin bwe uru ruwani kubwin turu, ma uru au a-en hamon tan.