Metiu 4:13 - Nyindrou

¹³ Ano iy ruwani Nasaret ma iy iu ili manyah udu Kapena-um. Ya kon doh udu mirihik ta gwa li ari udu bolo munyak ta Sebulun ma udu bolo munyak ta Naptali.

Metiu 4:13 Referans Kwoze

Tarou ta Jon 4:46

Jises edek eme hamon eme Kana loboho Galili. Loboho doh mene iy tubuni gwa asahan ili waen ja udu aliy. Iy udu kon tinan Kapena-um badeh, ndramak ari ta atondrok, nadun ibo sik in andri.

Tarou ta Mak 1:21

Ano oro ame kon tinan Kapena-um na bolo len ta amunyau, eme ma Jises ili bolo asiu ta atukum tiri Juwis, ma leheya iri lau.

Metiu 11:23

“Ya aha lau badu Kapena-um, sebwe iri lau ra-on ja kameh bwese nyara ado ili loken ili kandrah nadeh? Bwe handru en! Kindrei kameh akahei ado ala bolo jih, kon tiri lau ndra-in amak ado aliy. Tasah, buku none iri lau kala kon Sodom ma kamekes iri lahou tinan buku none jo amekes ereu ndrokowa ado dah, sebwe Sodom ereu kede-eh kahis le nadeh!

Tarou ta Jon 6:59

Jises asehek iri sahou marakon doh, ma iy leheya iri udu bolo asiu ta atukum tiri Juwis udu Kapena-um.

Tarou ta Jon 6:24

Iri lau marakon banyolom Jises ma hawe oro lau tan bwe. Eme ma iri ala bolo iri ndron ra-on ja, abahau ala bilisiu ala Kapena-um asilah Jises.

Tarou ta Jon 6:17

Oro ala bolo ndron ra-ei, ma oro abahau ala loboho bilisiu Kapena-um. Kon ndraben ai, Jises bala hawe oro bwe le.

Tarou ta Jon 2:12

Ano le badeh, Jises hawe tinen, nadu tinen, ma hawe oro lau tan adek au ala andri ala Kapena-um. Oro ala ado doh luluwen sese.

Metiu 17:24

Hamon ta aliy Jises hawe oro lau tan ala asahan kon tinan Kapen-um. Ya iri lau ta akohok takis ta asiu tinan ta Kindrei asahan ta Pita, ya oro ndremenya iy i buku doh, “Sebwe ndramak ta leheya ado edeu luk ale i ta asiu tinan ta Kindrei nadeh?”

Tarou ta Luk 4:23

Ano Jises tiye i toro, “Jo tanan labai, idah kameh ado anya, ‘Ou tiye sahou mwasin ki tam le. Ou badeh, ndramak ta amekes lau oh? Ou amekes kudu kon tam mwena op!’ Ya idah kameh, ado tiye eme tek ale anya, ‘Abo, ou none amekes lahou mene ou amekes udu Kapena-um kudu kon tam amwenen dah se.’ ”

Metiu 4:14

Iri lakou doh asahan ta amekes sahou dah abadok ma i handru i le buku propet Aisaya ndrasihidiy:

Metiu 4:15

“Munyak ta Sebulun ma munyak ta Naptali, san amwenen ili ndras amwenen le ta Jodan. Ya Galili badeh, munyak tiri lau badu leheleh,

Metiu 9:1

Jises sandroh i bolo ndron ra-ei, ma iy iu i hamon i kapa gwa bilisiu ili kon tan amwenen.

Tarou ta Mak 2:1

Na len ra-on hamon ja, Jises eme hamon eme Kapena-um, eme ma sahou ta nyalan ndraseker, tasah iy ndrame bolo kon.

Tarou ta Luk 10:15

Ya ado lau badu Kapena-um, sebwe iri lau ra-on ja kameh bwese nyara ado ili loken ili kandrah nadeh? Bwe handru en! Kindrei kameh akahei ado ala bolo jih, kon tiri lau ndra-in amak ado aliy.