Metiu 28:9 - Nyindrou

⁹ I le mani tur, Jises asahan hawe uru ma iy anya, “Ndraben ta-ah.” Uru ame mirihik tan ma tawi katin ma asolom ili tan.

Metiu 28:9 Referans Kwoze

Metiu 28:17

Ereu doh oro atou iy, ma oro atudun nyaran, arile oro ra-on badeh, budon toro i la-uh.

Metiu 14:33

Eme ma oro lau areu bolo ndron nane asolom i ta Jises ma oro anya, “Handru labai, ou Nadu Kindrei handru.”

Tarou ta Jon 20:28

Tomas eme asumon bohon i buku doh, “Ou Laban tek, ma ou Kindrei tek!”

Tarou ta Luk 24:52

Eme oro atudun nyaran, ano oro ma sekesek au a hamon ala Jerusalem.

Tarou ta Jon 12:3

Ano Mariya andrei bwisi ndrau ari, suluw irek udu bolon. Suluw doh iri amekes na kandro kei aloh nat. Manahun ma sowan badeh, tinan labai. Iy eme asolou ili kati Jises, ano iy owei abosar na lami batun. Ma manahu bubure suluw nane doh tuhi bolo asiu mara-ei.

Tarou ta Luk 7:38

ya eme iy ili ales udu hamon ta kati Jises eden, ma amekes wa-i madan i kona katin. Ano iy o-ou kona kati Jises na lami batun, ano iy aluh i andri atehei no-on i kati Jises. Ano ja, iy asolou ndrelekei i bwele-e katin.

Rebelesen 3:9

Aha ndratanan iri lau ta balik kede-eh. Iri badeh, ado bolo asiu ta atukum tiri Juwis. Iri anya, Kindrei ndratehei kalem ndrala tiri, ta iri asahan lau tan, tasah iri badu Isra-el. Arile, iri bwai. Satan ndraruwi budon tiri, ma iri ndrala hawen. Aha kanuhun! Hamon kameh jo tiye iri ta awek hawe aha, ta atehei bwili ndru-u iri i andri udu mirihik ta kati aha, ma iri kameh atanan ta jo aso-ok aha labai.

2 Korin 13:11

Aha nadu tine mwan ma badih, aha ndrado ai, ma bale aha kudu taha. Jo aso-ok aha kabadok ta asahan lau ta Kindrei handru. Aha kanuhun sahou tek, ma katawiy kihis kudu budon taha, ma ndrine aha mara-ei kameh udu mwasin. Kindrei aso-ok aha lau mwan ma badih mara-ei, ma aseben ndrine aha udu mwasin. Iy amwenen kameh udu hawe aha.

Tarou ta Jon 20:19

Na len ma bwena ta wik doh, an i andri badeh, oro lau tan atukum oro a le se ado bolo asiu ari. Oro sulu-i kou toro marakon ihis, tasah oro anoh iri lau tinan badu Juwis. Oro ado le badeh, Jises eme ales udu alih toro, ma iy anya, “Mondrei kudu hawe ado.”

Tarou ta Luk 1:28

Eme angelo Gabiriyel ili asahan hawen ma asumon iy anya, “Bada-an tam! Laban udu hawem, ma iy atehei nyosowan laba tinan ewek la-um!”

Metiu 23:7

Ya oro anya lau mari kasumon oro na len ta baen. Ma oro anya lau kaloh oro ‘ndramak ta leheya.’

Metiu 28:8

Eme ma, uru ruwani lek nane suwi suwi, uru anoh arile uru sekesek, uru sakaliye ala tiye toro lau tan.

Metiu 28:10

Jises tiye turu, “Ah sanoh, ndri-iy, ah kala katiye ta nadu tinek oro kala Galili, ya oro katou jo kameh in doh.”