Metiu 28:6 - Nyindrou

⁶ Iy bareu dah bwe, iy ndramak ndrame awas ja! Idoh buku none le iy mene ndrasehek. Ah kame katou ndrahunen mene iy amadin udu aliy.

Metiu 28:6 Referans Kwoze

Tarou ta Mak 16:6

Eme iy tiye i toro, “Ado satoroyani ado. Ado anya kasilah Jises badu Nasaret iri mene tatahi iy i bada kei tondreh. Iy badeh, ndramak ndrame awas ja! Ya ado kanyolom ndrahunen mene iri nyahani iy in aliy.

Metiu 12:40

Ehe, Jona badeh, in bolo ndrine ni tinan in gwek na taloh len ma taloh ben. Idoh ya jo Nadu Ndramak Awas ale kameh, jo kameh ereu bolo lek na taloh len ma taloh ben.

Metiu 16:21

Kala doh Jises leheya oro lau tan anya iy ki-iu kili Jerusalem. Ya iy kameh akohok sisi-in solo-an labai ereu mine iri lau tinan areu bwena, ma hawe iri lau tinan tiri pris, hawe iri lau tanan ta sahou batanau. Ya iri kameh adai iy imek, ya len taloh ano iy kameh amak ja.

Tarou ta Luk 24:23

arile oro batou iy bado aliy bwe. Eme oro ame badeh, tandra-un nyala aso mari ta aliy, ma oro tiye badeh, anya oro atou oro angelo ale. Ya eme oro angelo tiye i toro anya, ‘Jises ndramak ja.’

Tarou ta Luk 24:44

Eme iy tiye i toro, “Lakou mene jo udu ndra hawe ado asehek anya: Lakou mari mene ndratorowenei ta nyalak udu bolo tarou malen ta Moses, hawe udu bolo sahou tiri propet, ma hawe udu bolo buk Wari badeh, ndrasahan handru na dah.”

Metiu 27:63

Oro tiye tan buku doh, “Tinan, aso bwetenei sahou ari ndramak ta wasai kede-eh mene asehek kala iy mene ereu loken kahis le, iy anya, ‘Hamon ta len taloh, jo kameh amak eme loken ja.’

Tarou ta Jon 2:19

Jises eme asehek i toro anya, “Katohowei asiu tinan ta Kindrei kede-eh ki-iu, ano kameh jo tahiy na le bolo len ma taloh.”

Tarou ta Mak 8:31

Ma iy leheya oro ta, Nadu Ndramak Awas kameh akohok sisi-in solo-an labai, ma iri lau tinan areu bwena, hawe iri lau tinan tiri pris, ma hawe iri lau ta leheya kandriyen tiri Juwis kameh baseken iy bwe. Ma idah kameh iri adai iy imek, ya len taloh ano iy kameh amak ja.

Tarou ta Jon 10:17

“Katin ta tama aso-ok jo badeh, ta jo atehei ndrinek labai, ma jo banoh ta imek tiri sipsip tek bwe. Ano kameh jo andrei kohak eme hamon ja.

Tarou ta Luk 24:12

Ya eme Pita suri iy ma sakaliye ili mada lek. Eme iy aluh anya kanyolom kili badeh, atou le kolau le udu api. Ya eme iy eme len badeh, lomondra i tan le, ta lakou nane asahan dah.

Metiu 20:19

Ya oro kameh atehei iy ili mine iri lau ra-on badu leheleh, ta oro lau doh kabobose iy, ma ka-um iy na malou sakabuk i bek, ma katehei iy ki bada kei tondreh. Ya hamon ta len taloh iy kameh amak ja.”

Metiu 17:23

Ya iri lau kameh adai iy imek, ya hamon ta len taloh kameh iy amak ja.” Oro lau tan anuhun sahou doh, oro tikisiy labai.

Metiu 17:9

Eme oro are bwele-e mandrei ame andri, Jises batanau oro boto-on buku doh, “Saba lakou ado ndratou, ado sasehek ta ari ndramak ili winiya le Nadu Ndramak Awas amak ereu bolo lek eme loken ja.”

Aposel 2:24

Arile, Kindrei mete-ei iy amak eme awas ja ta imek; ma sebenei iy ta sisi-in ta imek. Tasah, imek badeh, winiyan batawi iy bwe.