Metiu 27:51 - Nyindrou

⁵¹ Kala doh amwenen kolau tinan badu bolo asiu tinan ta Kindrei atarah i ma lusi ereu loken eme andri. Munyak totoreh ma iri bek asak, i ma lusi.

Metiu 27:51 Referans Kwoze

Tarou ta Mak 15:38

Kala doh amwenen kolau tinan badu bolo asiu tinan ta Kindrei atarah i ma lusi ereu loken eme andri.

Hiburu 6:19

Taha ndratanan, iri lakou nane taha atondrok doh, handru, i buku le hanai ta koha taha. Hanai o sahou tandrakan ta ateu taha ahis hawe Kindrei, i buku le bwena mene tinan tiri pris le ili kona kolau laba tinan, iri talahaniy udu bolo asiu tinan ta Kindrei, iu ili alih handru bolo asiu ndrok ndrabun ndrabun labai ta mada Kindrei.

Tarou ta Luk 23:45

Ma an banya bwe. Eme ma kolau ta aturuk madasan ta asiu tinan ta Kindrei badeh, atarah i le ma lusi.

Rebelesen 11:19

Sahou ano le badeh, asiu ta Kindrei ndrabun udu kandrah badeh, asak, ma bwisi sahou randra le ta Kindrei badeh, udu le lewan bolo asiu ndrabun tan. Ma kuruh atohou, kalik takamek ili eme, ma nyaron asahan tinan labai, ma kon munyak totoreh, ma mada ur asahan i buku bek, ma indruk iroh eme andri bwele-e kon munyak.

Metiu 27:54

Iri lau ta bahun ma tinan tiri nane atondrok Jises nane atou kon totoreh ma iri lakou mari nane asahan, oro anoh labai ma oro anya, “Handru labai, iy kede-eh Nadu Kindrei handru!”

Metiu 28:2

I le mani tur, munyak nyukunyok ili eme, ya angelo ari badu kandrah eme andri ma susuwini bek badu mada lek iu i len. Ano iy ili manyah udu aliy.

Rebelesen 11:13

Se nawin bwe ja, na le liliy, ndroi laba tinan mara-ei labai asahan, ma kon tinan ranah ma buruwen atohou iu. Idoh i buku apou kon tinan doh i ronoh, ya ranah ma buruwen atohou iu, ma iri lau ma ndru tuluwi (7,000) amak. Eme ma iri lau mwan ma badih nane arah ado badeh, anyolom ma bwidi iri anoh mara-ei, ma iri nyowonya iri kandriyen ndra-in tiri, ma tubuni ndrine iri, eme ma iri atudun nyara Kindrei, iy udu kandrah.

Hiburu 9:3

Bolon udu alih hamon ta kolau tinan nane doh iri aloh ndrok ndrabun ndrabun labai ta mada Kindrei.

Tarou ta Luk 23:47

Eme ndramak ari tinan ta bahun anyolom lakou nane doh asahan badeh, iy atudun nyara Kindrei ma anya, “Handru labai, ndramak kede-eh, mwasin labai ta mada Kindrei.”