Metiu 27:24 - Nyindrou

²⁴ Pailat ndratanan ai, buku iri kameh winiyan banuhun sahou tan bwai, ya mirihik bahun anya kasahan. Eme iy kuhi gwa, ma iy sikine minen ereu mada iri lau mari, ma iy anya, “Ado sato-en sahou same la-uk buku none ndramak dah imek. Lokowa ado ai!”

Metiu 27:24 Referans Kwoze

Metiu 27:4

Iy anya, “Jo ndrabwidi kandriyen ndra-in. Ndramak jo atehei ewek mine ado badeh, babwidi ari kandriyen ndra-in bwe, ya ado kameh adai iy imek.” Oro asumon bohon i buku doh, “Ari lakou taso bwe, badeh lokowam labai.”

2 Korin 5:21

Iy Krais doh, iy tanan ta amekes kandriyen ndra-in bwe, arile Kindrei ndratukumwi kandriyen ndra-in tataha marakon ndrala le bwele-en, ma iy asahan i buku ari ndramak ndra-in handru. Iy amekes i buku doh, ta taha winiyan are hawe Krais, ma na le boto-on tan amwenen, taha winiyan asahan iri mwan ma badih mwasin ta mada Kindrei.

1 Pita 3:18

Aha abudon Krais ale. Kandriyen tan mwasin handru, arile iy akohok andra-i ale. Ma iy badeh, ndramak, san rasan le ta kandriyen ndra-in tataha. Iy bamekes ari kandriyen ndra-in bwe, arile iy ili i buku saluwe taha ta kandriyen ndra-in tataha. Eme ma, iy anya kakohok taha kala hawe Kindrei. Iri adai iy, odan buku none taha dah, arile iy amak eme awas ja na Malawin Mwasin.

Metiu 26:5

Arile, oro tiye anya, “To samekes na len tinan ta nyamon, ndri-iy, koro-an iri lau kabokoro-ei ma bahun tinan kasahan.”

Aposel 3:14

Aha tubuni kona aha i ta iy ndramak mwasin labai doh, iy bamekes ari kandriyen ndra-in bwe. Iy irek na iri kandriyen mwasin le. Aha bwale aha ta Pailat tolowei Jises. Aha tiye Pailat tolowei iy ndramak ta adi ndramak.

Tarou ta Jon 19:4

Pailat edek eme manan ja, iy asehek sahou ili tiri san rasan ja, “Aha kanuhun, jo kameh andrei iy eme manan hawe aha ta aha kanyolom, ma aha katanan, jo badeh, basilahei ari ndra-in udu tan bwe-en.”

Metiu 27:54

Iri lau ta bahun ma tinan tiri nane atondrok Jises nane atou kon totoreh ma iri lakou mari nane asahan, oro anoh labai ma oro anya, “Handru labai, iy kede-eh Nadu Kindrei handru!”

Metiu 27:9

Idoh mesekei sahou ta propet nyaran Jeremaya asahan handru anya, “Oro kuhi luk silba bororoh ma tonoh (30), kanen badeh, iri lau badu Isra-el sekesek ta akohok buku none sihinen,

Metiu 27:19

Ma kala Pailat manyah udu bada koyeu tan ta anuhun sahou kahis le, udun atehei sahou eme anya, “Ou samekes ari lakou sala bada iy lau badeh, ndri-iy, tasah na ben jo ameh jo atou ndramak badeh, ya ameh doh mesekei budon tek andra-i labai.”

Metiu 27:23

Iy anya, “Buku sah handru, saba lakou ndra-in handru iy mesekei?” Arile bwai, iri sarakau i loken le gwek anya, “Katahi iy ki bada kei tondreh!”

Tarou ta Jon 13:9

Saimon Pita anuhun sahou ta Jises nane doh, ma manin atur labai. Eme ma iy asehek sahou i tan ja, “Laban, anya i buku baden eh! Ndri-iy ai, ou sasikine le katik, ou sikine minek ma la-uh ma batuk ale.”