Metiu 27:19 - Nyindrou

¹⁹ Ma kala Pailat manyah udu bada koyeu tan ta anuhun sahou kahis le, udun atehei sahou eme anya, “Ou samekes ari lakou sala bada iy lau badeh, ndri-iy, tasah na ben jo ameh jo atou ndramak badeh, ya ameh doh mesekei budon tek andra-i labai.”

Metiu 27:19 Referans Kwoze

Metiu 27:24

Pailat ndratanan ai, buku iri kameh winiyan banuhun sahou tan bwai, ya mirihik bahun anya kasahan. Eme iy kuhi gwa, ma iy sikine minen ereu mada iri lau mari, ma iy anya, “Ado sato-en sahou same la-uk buku none ndramak dah imek. Lokowa ado ai!”

1 Pita 2:22

“Iy bamekes ari kandriyen ndra-in hawe ari sahou wasai basahan bohon, bwe.” Aisaya 53:9

Tarou ta Jon 19:13

Pailat anuhun iri sahou nane doh, eme iy sirini Jises eme manan ja. Ano Pailat manyah udu andri bada koyeu tiri kabin, udu loboho bolo asiu doh iri aloh “Bek Malahan.” (Iri Hiburu aloh Gabata.)

Tarou ta Luk 23:47

Eme ndramak ari tinan ta bahun anyolom lakou nane doh asahan badeh, iy atudun nyara Kindrei ma anya, “Handru labai, ndramak kede-eh, mwasin labai ta mada Kindrei.”

1 Jon 2:1

Aha naduk, jo atorou la-ukei ramen dah ewek taha, ta aha samekes kandriyen ndra-in. Arile, buku are lau ndramesekei kandriyen ndra-in badeh, Kindrei winiyan mani kandriyen ndra-in tan nane iu, tasah seben tataha badeh, in aliy, nyaran Jises Krais. Iy ari kandriyen ndra-in badan bwe. Ma iy badeh, in hawe tama taha Kindrei, ma iy asehek sahou i tan, ta iy karuwani iri kandriyen ndra-in tataha mari nane ki-iu.

Metiu 27:4

Iy anya, “Jo ndrabwidi kandriyen ndra-in. Ndramak jo atehei ewek mine ado badeh, babwidi ari kandriyen ndra-in bwe, ya ado kameh adai iy imek.” Oro asumon bohon i buku doh, “Ari lakou taso bwe, badeh lokowam labai.”

Metiu 2:22

Arile Josep anuhun Akela-us ja badeh, atondrok Judiya, ma iy akohok ndrahune taman Herot. Eme ma bwidi iy inoh ta ili loboho doh. Arile, udu bolo ameh ta Josep, Kindrei batanau iy ta oro ka-au kala loboho Galili.

Metiu 2:19

Hamon ta Herot imek, angelo ari ta Kindrei asahan ta Josep udu bolo ameh udu Ijip,

Metiu 1:20

Arile iy abudon kahis le badeh, angelo ari ta Kindrei asahan ta Josep udu bolo ameh ya asehek i buku doh, “Josep nadu Debit, ou sanoh ta akohok Mariya ewek udum. Tasah, na boto-on ta Malawin Ndrabun Mariya susune nah.

Jenesis 31:29

Jo badeh jo tek boto-on udu aliy ta amwekes maha ma isi ewek tam; arile na ben badeh Kindrei ta tamam badeh tiye tek, ta jo badeh balek kudu tek kamwe-es, jo badeh sasehek sahou ndra-in o sahou mwasin sawek tam ndri-i labai!

Jenesis 31:24

Ano badeh Kindrei asahan ta Leban badu Aram na ameh tiye i tan i buku doh, “Balem kudu tam kamwe-es, ou badeh sandres oro.”

Tarou ta Luk 23:41

Talu bwese maha-an dah, amwenen ai, ta lakou talu amekes, arile iy badeh, bamekes se ari lakou bandra-i bwe.”

Jenesis 31:11

I doh badeh angelo ta Kindrei tiye na ameh, anya, ‘Jekop.’ Eme jo anya, ‘Jo kada-ah.’

Metiu 27:18

Pailat asehek buku doh, tasah iy tanan, ndrine iri ndra-in ta Jises, ma iri tiyani iy eme mada sahou.

Aposel 12:21

Eme na len ta Herot ndratiye, iy asini awin tan ta kabin, ma iy manyah udu bada koyeu asehek sahou i tiri lau.

Aposel 18:12

Na len iri lau atondrok Rom atehei Galiyo asahan kabin ta kon tinan Akaya, eme iri Juwis atukum ase tawi Pol ma aruwi iy ili ales ere mada sahou.

Aposel 18:16

Eme iy tiye oro au ta are mada sahou.

Aposel 18:17

Eme iri Korin tawi tinan ta atondrok ndrahu tukum tiri Juwis nyaran Sostenes ma adai iy udu mirihik ta mada sahou. Arile, Galiyo batehei budon bala ta aliy bwe.

Aposel 25:6

Pestus udu hawe iri ere gwek buku len ma ndru la-uh, o len ma ronoh, ano iy iu ili hamon ili Sesariya. Na len ari ja badeh, iy manyah udu bolo asiu ta anuhun sahou ta lau, ma iy atehei sahou ili tiri lau ta bahun katiyani Pol kili kales kudu madan.

Aposel 25:10

Pol anya, “Bwai, jo ndrales ndrare ta sahou mada Sisa kada-ah kabwai, iy kabin ta atondrok kon tataha Rom. Aha winiyan atehei jo i ta sahou udu bolo asiu ta sahou le dah. Ya, ou ndratanam, jo badeh, bamekes ari ndra-in bala bada iri Juwis kede-eh, bwe-en.

Aposel 25:17

Iri asahan hawek le badeh, jo batondrok ja bwai, na len ari ja badeh, jo ndramanyah ndrado bolo asiu ta anuhun sahou, ma jo atehei sahou ili tiri, katiyani Pol keme ta sahou.